امانتي

«36»

البارت 36
#أمانتي
بقلمي ملاك الصمت

هيفين .. ابو مصطفى انطاني الموعد .. باجر بالليل .. بس اليوم وياه يعني وبس هالليله .. ماعرف شلون اتخذت هالقرار .. ماعرف صح لو خطأ الي راح اسويه .. لو راحوا وتركوني لوحدي ويه مقدام منو اليه من يطلع .. امووت رعب .. لو صار بمقدام شي منو اليه .. لو رحت وياهم راح يبقى وحده .. حتلو هو بالمقاومه مثل ميگول شلون هيج يضحي بيه وبأهله .. وهو منو بقى والمن هالتضحيه .. ياوطن يستاهل .. وهو منين بقى وطن اصلا ..
مدا استوعب طريقه تفكيرة .. يكول هانت وقوات الجيش والتحرير بالطريق غير يطلعنه من هالبؤرة قبل لا يدخل الجيش ويصير قتال ومعارك ..شكد حاولت اغير رايه ودائما يواجهني بالرفض ..

شنو البيدي اگدر اسويه ..
التهيت بالشغل ويه زينب خلصنه بسرعه دخلت غرفتي ..
اباوع لحيطانهه .. راح اعوف بيتي .. .. بالمنطق هو هذا الحل اليناسبني .. بيت عمي بيه وبلياهه همه طالعين ومقدام مو هامه حياتي ولا احسه خايف عليه ..
ماريد اغير رأيي ..
من بديت شويه شويه استوعب الموضوع واوعى للي راح اسويه صابني هلع ..
صرت ابجي .. ابجي بهستيريا .. اجتني زينب تهدأ بيه ..
تسألني شبيج ماعرف بشنو اجاوب .. لو بيدي اخدر مقدام واخلي ايهم واحمد يشيلوه ويانه ياربي شلون راح اكدر اعوفه ..
عافتني زينب من بعد ماحصلت جواب مني .. كالتلي ابكي يمكن بترتاحي ..
حرب نفسيه بداخلي .. حروب واعاصير اني مو گدهه .. مخايفه بس شعور باللوم والذنب تجاهه ..
كنتوري 6خانات .. كل خانه اذبهه للكاع وارجع ارتبهه من جديد الي صفطته والي علكته .. كوله نظيف ومكوي .. جنت هيج بس اريد التهي واخلص الوقت وابتعد عن التفكير ..
فكري وبالي كوله يم مقدام من يعرف .. ردة فعله ..
الف مليون موضوع فكرت بي حسيت روحي مخبله .. اسرح واتصفن وتاخذني وتجييني الافكار .. شوف وين جنت ووين صرت جان همي بالحياة يصير عندي حمل واجيب طفل يشيل اسم مقدام وهاي من اشهر ولا خطر بالي هالموضوع ..
الله بدل هذا همي بهموم ثانيه غيره .. ياريت لو امان وعيشه كريمه ومقدام ع راسي وابقى شايله هم الحمل ولا هالهموم الي احسهه جبل ع ظهري ..
كمت للمطبخ سويت عصير شو اشتهيته فجأة .. طحنت شويه فاليوم .. ردت اجرب احطه بالعصير واشربه ..
ردت اعرف شنو الطعم شنو الشعور شنو التأثير ..
خليت شويه من المطحون .. شربت العصير .. ماكو شي ماكو تغيير بالطعم لا مرورة ولاشي ..
زينب صاحتني ع الغده ماتغديت منتظرته اريد اتغده وياه ..
رغم يجي ب 3قبلهه وراهه المهم يرجع متأخر بس انتظرته ..
من اجه استقبلته .. حضرتله الحمام سبح .. حضرتله الغده .. صبيته وجبته وكعدت اتغده وياه ..
ها حبيبتي شنو ممتغدايه ..
اي والله انتظرتك ..
فديييت اني الي ينتظرني .. بس حبيبي اتأخر عليج تغدي من تجوعين ..
لاااا انوب اتغده وياك .. بلكي بعد متتأخر ..
هههههه صار ..
كملنه شلت الاكل وغسلت المواعين ..
دخلت الغرفه لكيته مطروح ع الجربايه وايده مغطيه عيونه حاطهه ع راسه ..
اجيت تقربت يمه .. حطيت راسي ع كتفه ..
وخر شويه ايده ديشوفني .. ابتسم ورجع غطه عيونه ولفني من خصري اله بايده الثانيه قربني منه ..
صار راسي ع صدرة وحضنت خصرة بيدي ونمت ..
كعدت ع لمسات ع بطني ..وتصعد ليفوك وثكل ع رجليه ..
تأوهت قبل لا افتح عيوني .. حركاته بيهه قوة .. يعصر جسمي ..فتحت عيوني .. صار وجهه بوجهي .. ابتسم ..
اشتعلوا .. شسويتي بيه ..
هههه توني كعدت والله ماسويت ..
طول ماانتي نايمه تصيحين باسمي ..
جذذذب ..
وداعتج .. شنو حلمتي بيه ؟
ماتذكر ..
اذكرج ؟
شلون ..
باسني من رگبتي ..
ها تذكرني ..
بدلع واغراء كتله لا ..
باسني من بدايه صدري ..
وهسه ؟
اوووو اصلا اذا الي نيه اتذكر هسه نسيت كولشي ..
لفيت اديه ع ركبته بدلال وتملك و حضنته حييييل .. اريد اشبع وارتوي ..
اريد اخزن عطرة بريتي وجسمي ..
همستله بأذنه .. احبك ..
شكو اليوم ؟
ابتعد عن وجهي شويه ..
سألته باستفهام .. شكوو ؟
انتي لو اني ..
هاارجع مثل اول ..
لا يابه لا بطلنه نسأل ..
شوف شغلك ..
فتح عيونه ع وسعهن متفاجئ من كلامي واني والله ماستحيت من حجيت هالكلمتين بس من ردة فعله المتفاجأة استحيت وضميت وجهي برگبته ..
تعالي ....
اخذني لعالمنه الحلو ..
....
....
مرن يومين ع گلبي المعصور احلا من العسل .. رجعته عريس وكل شويه يسألني شكو شصاير مبدليج وارجع اهدده تريدني ارجع مثل قبل يسكت ..
مرات يصفن واحس بصفنته حاس بشي ..
اليوم بالليل المفروض نطلع ..
علموا لبنى نفس الي علمونياه تطحن الحبوب وتخليهه بالاكل .. ينام واخوهه احمد يجيبهه لبيتنه .. منا نطلع ..
انتظرته ع العشه .. ع هالوتيرة استمريت يومين .. انتظرة ع الاكل ..
ماحطيتله شي بالاكل ..
اعتمدت ع العصير .. هو عصير جاهز ونحله بمي ..
طحنت حبايه وحطيتهه بالعصير ..
زينب كالت خاف وحده متكفي .. اني متردده بس هي طحنت الثانيه وحطتهه .. حسيتهه اشج