امانتي

«24»

البارت 24
#أمانتي
بقلمي ملاك الصمت

خلصت امتحاناتي سويت براءة ذمه بآخر يوم وظليت لوقت متأخر بالكليه نتوادع اني وصديقاتي حته بجي بجينه لان قررت انقل اني ..
رجعت للبيت هلكانه بين تعب وارهاق الامتحانات والبجي نمت لليل ..
كعدت بساعه متأخرة من الليل لميت غراضي وملابسي وعمو يدري بسالفه النقل مالتي خبرته ..
وثاني يوم كولنه طلعنه للانبار ..
بالطريق دگ تلفوني ..
توقعت وحده من البنات لمن طلعت جنطتي واباوع ديلر ..
هاي صار شهرين ع زعلتنه .. شهرين ممتصل ولا سامعه صوته ..
ناسيه كولشي صار وكل الكلام الي انحجه .. ماباقي بس اشتياقي اله ولهفتي عليه ..
بسرعه فتحت خط ..
بس ساكته ماكلت الو تأخرت .. سمعت صوت انفاسه وتنهيداته ..
الوو ..
شكد قاسيه ..
تنهدت .. انت هم ..
متحبيني ..
انت هم ..
مو كافي زعل ؟
حجاهه بعتب ..
اي كافي ..
مشتاقلج ..
اني كووومه ..
ليش هيج قسيتي ..
سكتت ماعندي جواب اله من بعد مرور شهرين مابقى اثر للزعل ولا لاي كلام انگال بذاك اليوم الي تعاركنه بي ..يمكن الي ظل عناد وبس لان هو ابد ماتصل وماسأل اني هم سويت مثله لااتصلت ولا سألت .. اعرف عنادي بغباء وطيش طفولي بس هو يعرفني احبه ..
انت هم قسيت لاتسأل ولا تتصل ..
اني نسيت ..
واني هم ..
وين انتي ؟
بالطريق .. راجعه لأهلي ..
راجعه الي ..
ههههه اي الك .. كووومه مشتاقتلك ..
موبگدي ..
شلونك ..
صرت زين ..
احبك ..
اذوووب ..
هههههه يعني متحبني بس تذوب ؟
لا هاي الحبشكلات الي ويه الحب ..
اممممم ماعرفلهه ..
عجل اني وين رحت .. اني اعلمج عليهن ..
تمام ..
بعد شگت وتوصلون ..
فد ساعتين يجوز ..
اهاا يعني الحگ اخلص شغلي وارجع ..
ماعرف انت بالشغل ؟
اي من الصبح طالع ..
الله يساعدك حبيبي ..
اووفيييش ..
ههههههه ..
لاتتغدين .. نتغده سوة انتظريني ..
ماشي بس ببيت اهلي ..
هههه بعد احسن حته وحيدنه علمود استفرد بيج ..
ديلر !!
وج بطلي من هذا الاسم حته بالكليه فضحتيني وهم ياريت لو تلفضينه صح ترة هو دلير مو ديلر ..
اني احبه ديلر ..
واني راح اصيحلج بدريه ..
يااا ليش ..
اي مو احب هذا الاسم ..
ههههه اي ودلعني بدر ..
اوووف شورطني .. انتي صدوك بدر ..
وبدرانه بعد اكثر ..ههههه قصدي حليانه ..
امممم حليانه ع فراگي..
ههههههه اي ..
بذاته شسويلج ..
جذب جذب بس البنات يكولن سمنانه واني كلت بس ارجع ابلش ريجيم ..
اياج ثم اياج .. اوووف اذوبن بالدبدوب اني ..
سكتنه شويه بعدين كالي ..
جديات ليش متصلتي تصالحيني ..
لان انت متصلت .. عناد بيك ..
من زمان اعرفج خبله وطفله ..
ولج عاندي الدنيه كولهه ولاتعانديني ..
ليش بله ..
لان اني مو بس احبج .. اعشقج .. اتنفسج .. شايفه واحد يحب وحده من هي باللفه .. اني هيج .. حبيتج وانتي بالگماط ..
ههههههههه اني حبيتك من شيبت ..
امممممم من وراج شيبت ..
اي صرت جدو  .. جدو جدو ..
اي جدو وتموتين عليه لو رجعت شاب شسويلي ..
ازحفلك ههههههههه
سكت تنهد ..
كون يمي هسه ..
ليش شتسوي ..
شنو الما اسويه ..
اعقل ..
مااعقل احبج وميت عليج .. وحي ع الصلاه اليوم ماخذ بوسه ..
حجيت بهمس ..
يااا نصي صوتك ..
محد يمي ..
صير حباب ترة مانتظرك ع الغده .. اتغده واعوفك ..
عادي بعد احسن .. اتغده بيج ..
لسانك صاير فد مرة ..
اني من زمان هيج بس اسوي روحي حباب ..
عجل ارجع حباب شجاك وياي ..
شنو شجاني وياج  غير مرتي وماخذ راحتي وياج بالحجي وبعدين انتي طلعتي عيوني ..
ذبيتهه براسي ..
هاا منو يفتر كدامي يومين بالبنطرون والقميص ..
يااا والله مستور والقميص عريض ..
بس قصير ..شفت اني افخاذ محددة ببنطرونج اللزك  ،شفت كرشات رجلين مدبدبه .. اسولفلج بعد ششفت لو هاهيه ..
يووووه ديلر شكد معقد ..
مو معقد بس اغار ..
غيرتك تقيد حيل ..
حبيبي الحب ميرهم بدون ماغار عليج .. ياروحي انتي ..
يعني يمكن فديوم تلبسني گونيه ..
ههههههه والله هم تطلعين حلوة .. لالا البسج شي مرتب ..
اي شنو مثليش يعني ..
نقاب ..
عززززة ..
لالا النقاب تطلع منه عيونج .. وهنه شلون عيون .. لاحبيبتي بوشي احسن ..
ماما بطلت مااتزوجك ..
هههههه راحت عليج .. صرتي زوجتي بعد ..
لاديلر تحجي جديات ..
لا بيبيات ..
اوووو گام يحشش ..
يله حبيبه خليني اروح اكمل شغلي ..
ابقه وياي بين ميخلص الطريق ..
مو عندي شغل اريد اخلصه بسرعه حته اجي اشوفج اول متوصلين ..
ماااشي ..
يله حبيبه توصلون بالسلامه وسلمي ع عمي ..
يوصل الله يسلمك ..
في امان الله ..
باي حبيبي ..
تمنيته يظل يحجي وياي طول الطريق ..
المهم بعد ساعتين وشويه وصلنه ..
ذبوني بيت عمو ببيت اهلي وراحوا لبيت عمو عبد الهادي الله يرحمه ..
تلگتني بيبي .. حضنتهه وسلام وسوالف شافتني فوك التعب فرحانه سألتني شكو گتلهه خابرني وصالحني وشويه ويجي من شغله نتغده سوة ..
فرحتلي ودعتلي ربي يسعدنه ويهديه عليه ويهديني عليه لان تعرفنه ثنيناتنه مخابيل ..
ظلينه نسولف شويه بعدين