امانتي

«31»

البارت 31
#أمانتي
بقلمي ملاك الصمت

لم يخذلني أحد
انا من خذلتُ نفسي
عندما راهنت عليك ..

هيفين ..
دخلت للحمام جلفت نفسي جلف ردت اخلص من اثار لمسات ايده وطعم شفايفه ع جسمي ..
اجلف ويوجعني بالزايد جسمي .. كل لمسه منه تحولت الى مكان ازرك من قوة ضرباته ..
نار .. نار كبرا تطلع من صدري ابجي وميفيد لا اهدأ ولا ارتاح ..
ضرب واغتصاب من بعد ذاك الدلال ليش لييش وكوله كوم ومن اعترفلي كوم ثاني صح جنت شاكه وشبه متأكده بس شلون شلون هيج گدروا يغيرون تفكيرة ..
الي راح يخبلني مقدام مو هيج .. تفكيرة واخلاقه مو هيج شنو الغيرة شنو الجبرة .. عقلي وگف ع التفكير ..مداشيل الفكرة من راسي جنت شاكه هو ويه ثوار العشائر او هذوله الي يسموهم المجلس العسكري لثوار الانبار لان مرات اسمعه مرات يحجي بالتلفون ويجيب هيج طاري ..
اني بالسياسه والاخبار ماجنت مُلمه بس جنت اشوف اخبار من التلفزيون ..
هسه انمنع التلفزيون حرام نشغله ..
طلعت من الحمام لكيته نايم ..
والله صارت تقرف روحي منه بعد الي سواه بيه ..
ماردت انام هنا يخنگني المكان الهو بي ..
طلعت نمت بالهول ع قنفه التخم صح جبيرة بي مو مريحه .. جسمي احسه مكسر كوله يوجعني  ..
التكييف مفتوح نمت بدون غطا ..
گعدت الصبح ع ايد تتلمس جبيني فزيت لان الايد بارده .. فتحت عيوني .. مقدام ..
ولج مصخنه .. شبيج مريضه ..
وخررر ..مابيه شي ..
رجع لزم گصتي وايدي يحسسني بأهتمامه ..
اصبري ..
جنت بين الوعي واللاوعي احس روحي بردانه رغم صيف ..
عفيه بردانه .. مقدام غطيني ..
ركض جابلي بطانيه دثرني ..
جسمج نار صاير ليش هيج مصخنه ..
مابيه بس بردانه ..
افتح واسد بعيوني ومن افتح اشوفه يباوع بملامح وجهي عبالك يدور ع شي ..
ماكدر اكوم وهذا يمي كاعد وبردانه ..
اهذي واون .. برداانه .. برداانه ..
راح جابلي غطا ثاني وطفا التكييف ..
غطاني وعافني ونزل بعد ماشفته ..
نمت بعد محسيت .. شويه وحسيت ع الم قوي .. جان لازمني مثبت رجلي بس تشنجت ..
ضربني ابرة خافض حرارة .. رجعت نمت ماحسيت بشي بعد ..
گعدت لكيت نفسي بغرفة خاله وشهد يمي ..
الظاهر هو منزلني جوة يم خالتي ..
شهد .. هاحبيبتي شلون صرتي ..
حجيت بتعب .. زينه ..
بس صدوك اني احس روحي احسن ..
مدت ايدهه شهد ع گصتي ..
لا الحمدلله فكتج الصخونه ..
صاحت شهد .. يوووم تعالي هيوفه گعدت ..
اجتني خالتي ..
هاخاله شلون صرتي ..
الحمدلله خاله ..
خاله .. شصار حبيبتي ليش هيج صار بيج ووجهج ليش هيج متأذي ..
خاله مقدام ضربني ..
اول تالي يسويهه ..
هاي سواهه بعد ..
كلتهه بيأس ونزلن دموعي ..
كافي حبيبه لاتبجين .. من تشوفينه عصبي ليش تجادلينه ..
خاله رجلي خايفه عليه واشوفه انحرف عن الطريق شلون اسكتله ..
ادعيله الله يهديه ..
وج خاله غاسليله دماغه غسل يدافعلهم ..
ادعيله يايمه ادعيله قشمروا هالشباب باسم الدين ..
سكتت شحجي بعد وشهد يمي تهون عليه .. طلبت منهه تجيبلي مرايه اريد اشوف وجهي ..