البارت 23
#أمانتي
بقلمي ملاك الصمت
رجعنه من المقبرة المغرب واني من تعب الطريق نمت رغم جنت نايمه الطريقين روحه وجيه ..
جنت بايته ببيت اهلي ومقدام بعد ماشفته من البارحه ..
ثاني يوم السبت جان لازم نرجع ..
گعدت تريكت باجبار من بيبي ولميت ملابسي وغراضي وظل مبايلي بغرفة ديلر لازم اروح اجيبه ..
بس ماريد التقي بي ..
باوعت للساعه تسعه ونص اي بلكي رايح للشغل هو بالعاده من ثمانيه يطلع ..
رحت لبيت عمو هادي الله يرحمه سلمت واخذت شهد ع صفحه .. ديلر وين ..
بالحديقه يم عمو ثامر والولد ..
جيد ..
هيوفه شصاير بينكم ..
مصاير شي ..
لعد ليش تتهربين منه .. شفتج من رحنه للمقبرة مبتعده عنه ..
مصاير شي .. تلفوني بغرفته واريد اروح اجيبه ..عفيه روحي انتي جيبيلياه ..
يااا لا عيني لا .. مقدام ميقبل واحد يدخل غرفته بدون اذنه انوبينه وهو ماموجود .. لاتورطيني خيه انتي خطيبته انتي صعدي جيبي تلفونج من غرفته ..
ياا صدقه .. قابل وين داخله البيت الابيض .. اي طبعا اصعد واجيب تلفوني قابل خايفه منه ..
ديله روحي ..
عفتهه وصعدت لغرفته مطمئنه هو ماكو بغرفته ..
طبيت الغرفه هدوء ..
وصلت لمبايلي لكيته مفصول من الشحن ومحطوط ع صفحه ع كوميدي بصف السرير ..
دااخذه سمعت طگه قفل باب الحمام ..
اخترعت عرفت ديلر بالحمام جان .. شلون مو كالت شهد بالحديقه ..
طلع من الحمام ..
شلت راسي صارت عيني بعينه ..
صدرة عاري وباقي جسمه طالع بس بالشورت ..
اول مشافني ابتسم بعشق ..
ألبس ملابسك ..
گلتهه بنتر ودرت وجهي ..
شنو تستحين ..
مارديت ظليت متجاهلته ..
اذا تستحين شكو داخله غرفتي ..
اجيت اخذ مبايلي ناسيته هنا ثانيا گالولي انت بالحديقه ..
اي صعدت اسبح وابدل واروح للشغل ..
اي متروح منو لازمك ..
طول هالوكت جنت احجي واني مدنکه وصاده عنه لان مالبس ملابسه من طلبت منه ..
خطواته وهو يحجي جانت تتقرب عليه الى ان صار مقابيلي ..
رفع راسي بأصبعه من حنكي ..
صارت عيني بعينه ..
آسف ..
حجاهه بهمس ..
جاوبته .. ع شنو ؟
تعرفين ع شنو ..
تقبل اشتم ابوك ؟
انجبي ..
ها هسه صرت انجبي .. ليش .. ابوك عزيز وابويه لا ..
لا مو هيج ..
لعد شلون .. انت رجال واني مرة ولازم اتحمل منك كولشي ؟
تدري لو ضاربني اهون عليه من انو تشتم ابويه ..
مو اعتذرت كافي لتكبرين السالفه حجايه نطقتهه بلحظه عصبيه ..
ميوكل خبز اعتذارك ..ولا تخلي كولشي تسويه او تكوله ع شماعة العصبيه ..
رفعلي حاجبه بغضب ..
هااا هيجي ..
اي واكثر ..
جنت ارجف واحجي ماعرف متحمله عليه متأذيه منه ..
ومااعرف منين اجتني القوة والاسنه هيجي ..
ملاحظ صارلي يومين افتر بنفس ملابسي .. شفتهن شكد مستورات .. بنت الكلب لابسه لبس مستور وانت شتمت ابوهه بلا سبب ..
كافي انجبي ..
غير اسلوبك وياي ديلر ..
كز ع اسنانه اعرفه من هو عصبي يكره اصيحله ديلر ..
لترجع ديلر القديم .. كل هالسنين سبب رفضي الك هو طبعك دائما تحاول تسيطر عليه وتتحكم بيه وتلغي وجودي ..
واذا مارجعت ..؟
مثل مادخلنه بالمعروف نطلع بالمعروف ..
اهاااا كلام جديد هذا ..
تكدر تگول اعاده حسابات ..
جيد جيد .. كبرانه هيفين وصايرة تعرفين تحجين ..
عجل اسمعيني زين .. تخلصين هالسنه دوام ببغداد وع السنه الجديده تجين لهنا لجامعه الانبار ..
مو بكيفك ..
ناسيه اني زوجج بالشرع والقانون .. لو تنقلين لهنا لو ماكو كليه نهائيا ..انسي ..
صفنت بوجهه شلون يساومني ..
مو كتلك ماتغير طبعك .. مجرد لبست قناع لفترة محدده..
اي .. طلعي من غرفتي هسه اريد ابدل ..
اخذت مبايلي وطلعت من غرفته رگعتله الباب ..
شويه وكملنه كولشي وتهيأنه نطلع لبغداد ..
ودعونه بيت عمو..
ومقدام واكف صافح عمو ثامر والولد وسلم ع خاله سهاد واني ماحاجاني ..
كولهه انتبهت احنه متعاركين او متزاعلين ..
اني هم درت وجهي عنه ..
ودعت بيبي وخالة والبنات وصعدت بالسيارة اول وحده ..
انطلقت بينه السيارة وهو ظل واكف اباوعله من المرايه الجانبيه مال السيارة واكف وايديه ثنينهن بجيوبه ..
من جنت بالغرفه ورغم جنه نتعارك جانت عيني كل شويه تروح ع زند ايده العاري .. الوشم .. شگد احبه ..
أنت تقرأ
امانتي
General Fictionقصه منقوله للكاتبه ملاك الصمت غربه حب فراق امل عذاب هل للقاء موعد؟ ؟ #أمانتي القصه حقيقيه ابطالهه خليط بين الغربيه والاكراد ان شاء الله تستمتعون بيهه ..
