Je t'aime

note

مساء الخير جميعا

أحلى متابعات.. أحلى رفقات.. و أغلى ناس..

أنا ميرا، في جواتي كلام حبيت شارككم فيه..

لاحظت من مدة طويلة، أنه في كتير بنات من إلي بحبوبنا و بتابعونا و مخلصين إلنا بمشاعرهم و حماسهم و تفاعلهم، دائما بيبعتولي عالخاص شكر أو كلام أو استفسارات أو حتى مشاركاتهم و تفكيرهم و تخميناتهم عن أحداث الرواية المستقبلية..
يا جماعة، لو سمحتو.. أنتو كلكم على قلبي متل العسل، بس والله العظيم مو أنا لحالي عم أكتب، أنا إلي شريكة بتكتب معي و بتشاركني مشاعري و أفكاري و الأحداث و الأفكار و الحبكات بكل حرف بينكتب بالرواية، لهيك.. متل ماهو من حقي شاركها التعب و التفكير و السهر، كمان هي من حقها إنها تشاركني حماسكم و دعمكم و فرحتكم و تقديركم لمجهوداتنا.. يا ريت تشاركوها هي كمان و تبعتولها سواء عالخاص أو بالتعليقات، لأنه أنا شخصيا ما بهون عليي شوف النجاح و الحب و التقدير منكم لحالي و أنا بعرف تماما أنه هاد مو مجهودي أنا وحدي و بس! لا، هاد مجهود كمان ياسمين معي..

ممكن بفترة من الفترات أنا ما كون متواجدة و ما تقدرو توصلولي لهيك من الطبيعي جدا إنكم لو حبيتو تتواصلو معنا فأكيد ياسمين موجودة و هي أحق مني بكل الدعم والمحبة إلي بتقدمولنا ياها..
كمان أنا فكرت أنه ممكن العمل القادم (إلي بالتأكيد هو حيكون كمان مشترك بيني و بين ياسمين Yasi13kyu) أنه ينتشر على حسابها هي الخاص، و كمان ممكن مستقبلا يصير النشر رواية عندي و رواية عندها.. لهيك ممكن لو حبيتو تعملولها فولو كمان كرمال تبقو على تواصل معنا بأي جديد..
ياسمين إنسانة تستحق الشكر و التقدير متلي و أكتر مني لكل ذرة مشاعر حسيتوها و عشتوها معنا بكل عمل مشترك نشرناه.

آسفة لو طولت بالكلام بس كان في جواتي كلمتين و حبيت فضفضلكم ياهم و شارككم أفكاري لأنكم مو مجرد متابعين.. انتو أهل و أخوات و حبايب و أصدقاء.

شكرا لأنكم معنا من وقت كتيييير طويل و أتمنى نبقى دائما عند حسن ظنكم...