Our Universe

Two

Two

"Tapos alam mo ba hindi ako makapaniwala talaga na ganun ang nangyari kasi akala ko-"

"Kasi nga akala mo panaginip lang. Akala mo hindi totoo na nagkausap kayo ni James. Naku Nadine ilang beses mo na yatang nakwento sa akin yan."

I pouted my lips when Mika tried to burst my happiness. Paano naman kasi hindi naman kasi talaga kapani-paniwala yung nangyari eh. Sorry naman na excite lang ako. Epal talaga minsan ni Mika eh!

"Uy sabay tayo magpa enroll bukas ha? Baka sakaling maging magkaklase tayo. Anong oras ka ba pupunta ng school bukas?"

Nandito kami sa school para tapusin ang clearance namin. Hindi ko nga alam kung bakit may ganito pa sa college eh. Sobrang pang high school lang naman ang ganito!

"Uhmm siguro mga after lunch? Pero I'll try to be here before 9am."

Habang busy ako kakacheck kung ilan nalang ang walang may pirma sa clearance ko, nagulat ako sa biglaang pagsiko sa akin ni Mika dahilan kung bakit ako napatingin sa kanya.

"What?! May ginagawa ako Mika ano ba yan?"

"Girl, look who's here! Dali tingnan mo!"

I followed where she's looking at and I saw Joseph coming near us. Nakangiti siya habang may bitbit na isang kulay pink na paper bag. Tipid lang akong ngumiti sa kanya dahil ayoko din namang maging bastos.

"Hi Nadine!"

"Uy h-hi Joseph!"

Siniko ko ng palihim si Mika dahil mukhang naiihi na ewan. I hate this girl so much hindi alam kung kailan kailangan mag seseryoso o hindi!

"May lakad ka ba mamaya? Gusto sana kasi kitang iinvite sa birthday party ko mamayang gabi."

"A-ah e-eh ano kasi Joseph may-"

"Ay naku Joseph tamang tama! Walang lakad yang si Nadine mamayang gabi. Actually sabi niya pa nga kanina bored na bored na daw siya sa dorm namin eh kaya tamang tama yang invitation mo sa kanya!"

Pinandilatan ko ng mata si Mika dahil sa sinabi niya. She just winked at me and poked the sides of my waist. Kahit kailan talaga tong bruha na 'to! Kagigil!

"That's great! Actually ikaw din Mika pumunta kayo mamaya ha? Saan ba dorm niyo para masundo ko kayo?"

"A-ah Joseph wag na! Wag mo na kaming sunduin mamaya pupunta naman kami eh. Happy birthday nga pala."

I smiled at him at ganon din siya. Binigay niya sa akin yung paper bag na hawak niya at nahiya ako dahil imbis ako dapat ang magbigay ng regalo sa kanya ay siya pa itong may inabot sa akin. I know this is not anymore new to me kasi sobrang random niya kung magbigay ng kung ano sa akin pero this time, it's different. Siya kasi dapat ang binibigyan ng regalo kasi nga birthday niya.

"I'll go ahead. See you later Nadine. Sige Mika una na ako ha?"

We waved goodbye at Joseph at nung lumayo na siya ay binatukan ko si Mika. Tumawa lang siya dahil nakita niyang sobra ang inis ko sa kanya. Sira ulo!

"Bakit mo yun sinabi ha?! Bakit mo yun ginawa Mika! Nakakainis ka!"

"Hoy napaka bayolente mo ha! Ayaw mo yun? Tinutulungan kitang magka love life? Thank me later nalang Ateng!"

Nagdabog ako na parang bata at tinawanan lang ako ng magaling kong best friend. Minsan talaga gusto ko nalang mapag-isa eh. Nakakainis!

"Good morning! Kumain ka na. I cooked something for lunch."

Natigilan ako sa ginagawa ko sa mesa nung nakita kong nagising na si James at pababa na siya sa hagdan. Hawak niya pa rin ang ulo niya dahil nga siguro sa hangover niya.