امل : اقولك صار لها فوق الساعه والنص مسكره ع حالها الباب ولا طلعت سلمت ع حد !!
مناف : وانا شسوي طيب ؟؟
امل : وش دراني عنك امي قالت لي نادي مناف وبس !!
مناف : الله يل### بسرعه شوفيلي طريق
بعدت امل عن الباب : ادخل محد بصاله .
مناف دخل وراح يمّ غرفته دق الباب بحده : نغممم نغممم
م في رد من ناحية نغم .!
مناف : لا تخليني اكسر الباب وتصير فضايح !!
ثواني وانفك الباب .
دخل مناف : وشهالكابه ؟ اعوذ بالله .!!
فتح الضو كانت نغم جالسه ع الكنب وظامه رجولها بيديها ومنزله راسها .
جالها وجلس جنبها : هيا خير وش فيك ؟
م ردت عليه ولا رفعت راسها !!
مد يده ورفع وجهها بأطراف اصابعه عيونه تعلقت عليها وخفق قلبه وتوتر بسرعه عطاها ظهره وسحب فاين ولف لها من جديد : مسحي دموعش عيب الناس مالين البيت .!!
خذت الفاين من يده ومسحت دموعها وشفايفها ترجف .!!
مناف : هاللحين ابغى اعرف انتي ليش زعلانه كله اعتذار لا راح ولا جاء ؟
نغم : وانا م تعودت اعتذر وانا مو غلطانه .!!
رفع حاجبه مناف : م شاء الله تتذكرين طيب ع ايش تعودتي ؟
لفت وجهها عنه نغم بقهر ودموعها تنزل .
مناف : عيب متخبيه هنا والضيوف برا يعني م يستحقو يشوفو جمالك ؟
نغم : م تلعب عليّ بهالحكي والله !!
ضحك مناف : تتوقعين وش اقترفوا من ذنب عشان ربي م كتب لهم شوفتش انتي وجمالش " اردف جملته الاخيره بسخريه "
نغم : السبب انت يعني لو بيدعون ع السبب بيدعون عليك !!
مناف : واهون انا عليش يدعون عليّ ،!
بقهر وهي تشد ع اسنانها : مرره تهون مرره .!
ضحك مناف ثم قال بجديه : طول عمري راضي باللي كتبه لي الله الا انتي .!
لما شافت انه يحكي بجديه رجعت ناظرته بأهتمام .!
مناف : كل م حصل لي شيء م ابيه ؟ قلت خييره اقداري تحمل لي الاجمل الا انتي دخلتي حياتي بأسبوع واخذتي اهتمامي والاسبوع الثاني اخذتي مكاني بين اهلي والاسبوع الثالث اخذتيني من عبير م اشوف انك خيره بحياتي ي نغم !!
نغم : ولا انا اشوف انك المناسب ي مناف !!
مناف : جيتي كأنك من المُستعمرين تاخذين كلشيء غصب .!
نغم : اللي اعرفه ان بعض المُستعمرين ياخذون كلشيء ذو قيم وبنهايه يروحون تحت مبدأ ان مافي بلد مثل الوطن!
مناف احتد بصره وضعط ع اسنانه بقوه وقبل يحكي قالت !!
نغم : بس انا مارح اخذ منك شيء وبروح نفس م جيت صدقني .!
مناف تناهد وهو يقوم ويسحبها معاه ل المرايه ويجلسها : المطر م يجيب غير الخير اتمنى يكون هالمطر والسيل اللي جابك رحمه مو غضب .!!
نغم تناظر عيونه بتمعن قد ايش تحمل كلام وشراسه وحده .
مناف : ضبطي شكلك ويالله نطلع الغداء خمس دقايق وبيوصل !!
ظلت تعدل شكلها وحكيه يدور براسها الاسرار اللي حملتها كل جمله طلعت من بين شفايفه والتهديد الصريح الواضح كل شيء قاله مناف يدور براسها ويتكرر لما قامت وقالت : خلصت .
.
بالصاله .
امل جالسه ع الكنب تنتظر مناف يطلع !
اول م طلع فزت بوجهك : بسررعههه انقلع سامي ابثرنا الغداء وصل الغداء وصل .
مناف ناظر ساعته : اي والله يالله انا بدخل الصحون وانتي شيليها ل جوا .!
امل : يصير خير
نغم : امل كيف شكلي ضابط ؟
امل : ايه طالعه زي القمر بس يالله خلينا ندخل
مناف : انتبهي ي نغم مابي اي مشاكل مابي مشاكل !!
امل : لا توصي حريص انا معها !!
مناف : هذا اذا م افتعلتي المشكله انتي !؟
طلع مناف وامل راحت للمطبخ كان فيه هند ويارا وبعض البنات .!
امل : هند مناف يقولك بيدخل الصحون وانتي شيليها !!
هند : ي شيخه وانتي ؟
امل : انا م اقدر
هند خذت شيلتها وحطتها ع راسها : ارحميني ي الرقيقه !!
طلعت هند وفتحت الباب حق البيت كان بوجهها سامي قاعد ينفض ثوبه تعلقت عيونها فيه ومجرد م رفع عينه لها نزلة عيونها ونزلة للأرض بتشيل الصحن .
سامي عيونه عليها م قدرت تشيل الصحن عض شفايفه وهو يتقدم منها : وخري مناك بس وشوفيلي طريق بالصاله بدخله .
هند : مالك شغل انا بدخله !!
سامي : بتروحين ولا كيف ؟
هند دخلت جوا شوي ورجعت : ادخل مافي حد !!
سامي دخل ودخل الصحون كلها وهند واقفه ع جنب لما خلص وعدى من جنبها : مافي شكر ؟
هند : م ظربتك ع ايدك تساعدني
سامي : صوتك ايش فيه ؟
هند : مو شغلك " دخلت ل جوا وصكت الباب بوجهه بقوه "
مناف : هييي سامي م ودك تغدا ؟
سامي متجه للمغاسل : تعال بسألك ؟
مناف جاله : خير ؟
سامي : هند ايش فيه صوتها كأنها تعبانه ؟
مناف : اول شيء انت مالك شغل بأختي ثاني شيء وين قابلتها وسمعت صوتها ؟
سامي : اول شيء كل تراب ثاني شيء زوجتي وحر بأي وقت احاكيها ثالث شيء دخلت الصحون ل جوا وجلست تنافخ عليّ بدل م تشكرني
مناف : ترى لسى م ملكت عليها يالله تقلع اخخ ي الكللبببه امل انا قايل لها تدخل الصحون هين انا اوريها .!!
سامي : عيال عمي عبدالله انا شاك بعقولكم والله .!
مناف : كل تراب وحياك للغدا .!
دخلوا سامي ومناف وكان جنبهم وليد اللي من دخل هالمجلس وجواله م سكت .
وقام : اكرمك الله ي عم عبدالله " وغمز له "
ابومناف : بالعافيه وانا ابوك !
طلع وليد وعلى طول رد ع جواله : خيير ......... الواحد م يقدر يعني يغيب عنكم دقيقه ............ انت كل تراب ............ مالك شغل ......... والله العظيم فظاوه ......... اللحين جايكم يويلكم تغدون قبلي ............ ايه م تغديت منكم ازعجتوني ............ طيب طيب جاي ......... سلام .
قفل جواله ودخله بجيبه وراح للمغاسل يغسل .
بالمناسبه كانت فيه عيون مفتونه تراقبه من بعيد .!
.
.
العصر .!
امل : يممه تكفففييين الله يسعدك .!
امها : م فيه .!
امل : والله م نطول ؟!!
امها : قلت لا يعني لا اذا تبغين دقي ع ابوك يجيب لك بطريقه .
امل : بابا مارح يجي غير العشاء وانا بنام ماما الله يسعدك تكفين باخذ عبود ومارح نطول بسرعه .
امها قامت : لا يعني لا .!
امل قامت معها بقهر وظربت الارض برجلها : يمممههه تكفففين
ام مناف مشت وطنشتها .
امل جلست ع الكنب بقهر وهي تفكر وفجأه خطرت ببالها فكرة وراحت لأمها : خلاص انا بنام ولا تصحوني جعلني م اصحى
ومشت وكأنها زعلانه .
دخلت لغرفتها وسكرة الباب بقوه. دليل غضبها وراحت ل الشباك فتحته ونزلت عبايتها ونقزت للحوش .
لبست عبايتها و وجزمتها " وانتو بكرامة " وطلعت .
ع طلعتها كان مهند طالع بس م انتبه لها .
مشت هي ل الكفتيريا وهو للملعب .!
من جهة مهند كان منزل راسه ع جواله بس فجأه حس بحركة وراه لف وناظرها واستغرب اللي يعرفه انه عيب البنت تمشيء لوحدها .
ركز فيها شوي وهمس : امل ؟
امل رفعت عيونها له ودقات قلبها بتخرج من الخوف نطقت برجفه : ايه .
مهند : وش تسوين هنا ؟ ووين رايحه
امل : بروح الكفتيريا .
مهند : ووين مناف ليش جايه وحدك ؟
امل : مناف نايم .
مهند سحبها من يدها ومن طريق مختصر وقف فيها ورى الكفتيريا .
مهند : خليك هنا بجيب لك وش تبين ؟
امل : ابي شاورما وكولا .!
مهند : طيب .
دقايق وجاب لهها اللي تبي ومده لها : ثاني مره انتظري اخوك لين يصحى .!
امل : طيب .
مهند : امشيء وراي بوصلك لبيتكم .
امل : طيب .
مشت وراه ومن نفس الطريق المختصر رجعها لبيتهم م هدى باله لين شافها دخلت لبيتهم .
.
.
كلماتك دعم وتحفيز لي ، لاتبخلون.
