بسم الله يلا نبداء ...
مل : مالك شغل لا يكون مجلسك وانا مدري ؟ ولا لا يكون انت اللي بنيته ؟؟
مناف : فايقه مره تتهاوشين ؟؟
امل : بغسل واجي افطر معكم وخرو لي .
هند : ها نغم ايش تبين ؟
نغم : فواكة .!
غسلت امل وجات وقفت قدامهم وتكتفت : بتوخرون لي ولا شلون ؟
محد رد عليها .
امل بقهر : خذ زوجتك بحضنك خلني اجلس افطر تراها قافله معي .
وجه نغم صبغ الوان .!
مناف بأستهزاء : وش رايك انتي تجين بحظني ؟
نغم قامت : تعالي مكاني اساساً انا شبعت ؟!
امل : شف ذي زعلت !!
تربعت امل بالارض وهي تتحلطم : اوكيه بجلس هنا اهم شيء اكل واملي بطني .!
مناف سحب نغم بيدها وجلسها من جديد : كملي فطورك .!
هند : مو كأن الجو حلوه برا ؟
مناف ناظر الشباك : لو نجلس بالحوش ؟!
ابومناف : اي والله وانت الصادق قومي وانا ابوش ي امل افرشيء الفرش برا .
فتحت امل عيونها بصدمه وقهر ونطقت بهمس : هاللحين مناف وهند يقترحون وامل تنفذ ايش الظلم ذا .!
مسك مناف ضحكته عليها لان لو ضحك بيفرش الفرش بدالها .!
لفت امل تناظر مناف لانها كانت متوقعه انه يضحك عليها : خيير انت ليش تضحك ؟
مناف : انا ضحكت ؟
امل : ايوا ماسك ضحكتك .!
مناف : توكلي افرشيء الفرش بس !!
طلعت امل بقهر شوي ورجعت : خلاص كلشيء جاهز .
قالت كلمتها وراحت لغرفتها فتحت الشباك ووقفت قدام التسريحه وهي
ترفع شعرها بقهر ووتحلطم : كلشيء امل م يعرفون غير امل كلشيء تسويه امل يالله وش هالعيشه اللي كلها كرف في كرف حتى الواحد م يعرف يفطر معاهم استغفر الله بس " ضربت الارض برجلها بقهر " .
بالمناسبه وبالجهه الثانيه كان مهند توه داخل لغرفته وكانت امل بوجهه شباكها مقابل شباك غرفته همس : حيّ الصبح اللي يبتدي بشوفتك !!
ظل يتأملها وكيف انها تحاول ترفع شعرها ويرجع ينزل ع وجهها من كثره وطوله وكيف واضح من حركاتها انها مقهوره ومتنرفزه ظل يتأملها لما طلعت من الغرفه ورمى حاله ع السرير وهو يتناهد .!
عند امل مسكت جوالها وتحاول تفتحه : ي ليييل طافي خلني اروح اشحنه واطلع اجلس معهم بالحوش .
