بمكتب مناف كان جالس رعد وماد رجوله ع المكتب ويطقطق بجواله رفع عيونه لمناف اللي فتح الباب بقوه ودخل.
رعد : خير وش فيك.
مناف بضيق جلس ع الكنب : كل تراب
رعد : ضاربتك المدام ؟ " بعد جملته اطلق ضحكة طويله "
مناف بهدوء غريب : مين سامح لك تجلس على مكتبي بهالطريقه ؟ ولا بعد مو لابس الزي العسكري ؟ هذي عليها لو تدري مخالفه.
رعد انفجع من مناف اللي انفجر فجأه : وش بلاك قلبت علي ترى مو انا اللي مردغتك.
مناف يصارخ : ي سععووود الزفت وين القهوه
رعد : الاخلاق في الحظيظ اليوم!
مناف : م دمت تدري انطم.
رعد رجع سند نفسه ع الكرسي ومد رجوله ورجع ناظر الجوال.
مناف قام وراح له : تعال تعال انا من عرفتك وانت تطقطق بهالجوال ولا مره شفتك تشتغل زي ال......
رعد قاطعه : ي ابن الحلال لا تحط حرتك فيني مو انا اللي كفختك ركز.
مناف : انا اللي بكفخك اللحين والله.
رعد عقد حواجبه : لا تكفى والله م فيني واذا انت فيك طاقه خليها ل المداهمه بكره.
تناهد مناف : الله يعين " وبهمس " الاقيها من نغم ولا من الخطوه الاولى بكره.
رعد سكت شوّي : تصدق متحمس.
ضحك مناف : بما ان الخطوه الاولى تحددت الا وهي مداهمه بكرا ف احسن لي ولك نريح ونوفر الطاقه لبكرا
ضحك رعد : لا ي حبيبي مافي رجعه للبيت اللحين ولا نسيت انت ان الاحتمالات لسى م انوضعت.
مناف : يووه صح تص......" قطع عليه جواله اللي يدق"
رفع الجوال ورد بجمود : هلا
نغم : وينك ؟
مناف بقهر مكتوم : بالدوام
نغم : اهه
ظلوا شوّي ساكتين .
نغم : ااا مناف ؟
مناف : ها ؟
نغم ببحه : والله مو قصدي اضيق خلقك وازعجك بطاريها.
مناف ساكت ينتظرها تكمل .
نغم : بالاساس م همتني ولا ودت ولا جابت
مناف رفع حاجبه : واضح!
نغم : ااا انا
مناف يستدرجها : ايوا ؟
نغم بهمس وبكاء : ايه اغار ومت من غيرتي لما شفتك تحاكيها واحترقت لما ضحكت لك واتدلعت.
مناف : مهبوله انتي تفكريني بزر ممكن اجري ورى ال## ذولا؟
نغم : طب مو ذنبي اغار واموت من غيرتي ياخي م اقدر اتحمل مو بكيفي.
