معليش على التاخير بس صارت لي ضروف و الحساب صارت فيه بعض المشاكل بس الحمد الله رجعلي
_____________
استلمو البارت
________________________
مناف : السلام عليكم وين رايحه انتي ؟
امل : بروح عند يارا
مناف مسكها من اذنها : اعنبو دارك استحي على وجهك كل شوي وانتي ناطه لهم ببيتهم.
امل بعدت يده : ابعد مالك شغل فيني .
مناف ناظر نغم وعرف بأنها زعلانه من مدتها ل شفايفها وهزها ل رجولها.
طنش امل وجلس جنب نغم وبهمس : نغوومه.
نغم : لا تكلمني
ضحك مناف : يمين بالله مو قصدي اسحب عليك طلع لي شغل مُفاجئ.
نغم : لو سمحت بلا كذب انت شفتني نايمه وقلت اسحب عليها مو مشكله.
مناف : لو بسحب عليك م رجعت اللحين.
لفت تناظره : رجعت من دوامك عشان تطلعني ؟!
مناف بهمس وعيونه بعيونها : اخذت بريك ل ساعتين عشانش.!
ضحكت : احلف ؟
مناف : وربك.
نغم قامت : دقيقه بس بلبس عبايتي.
مناف تبعها بنظراته لما دخلت للغرفه واستند وهو يتناهد ويده على قلبه اللي يدق بقوه تناهد للمره الثانيه لعله يفتك من هالشعور اللي طاغي على قلبه هالفتره ، رفع عيونه لها ودقات قلبه تزداد من ابتسامتها.
مدت يدها له : يالله ؟
مسك يدها وقام معها بهدوء.
نغم : مارح تبدل ؟
مناف بهمس : لا لاني برجع ل الدوام .
ابتسمت وهي تناظر عيونه ب حُب مُعلن.
.
.
عند امل ويارا.
قامت يارا : بروح اصلح قهوه وحلى لحد م تسوين لي البرنامج انتي.
امل وهي مندمجه بالجوال : اوك.
قامت يارا وظلت امل عيونها بالجوال بتركيز .
من جهه ثانيه دخل مهند للبيت واستغرب الهدوء عدا من جنب المجلس ب استعجال لكنه رجع لما لمح من طرف الباب عبايه.
فتح الباب بشويش وعيونه طاحت عليها وزادت دقات قلبه.
مهند : نوور البيت
رفعت عيونها له بصدمه وتوها تلاحظ وجوده وماردت.
مهند دخل وسكر الباب واستند عليه : هذاك اليوم سألتك لجين ليش تبي تقهرك وسكرتي الشباك بوجهي ؟! اليوم راح تقولي لي ولا ماني طالع من هنا.
