بسم الله قبل كل شي ابغى اشوووف تفاعل
انا دايم اشوف انه فيه ناس تصوت للروايه بس ما تكتب تعليق باللهي اكتبولي تعليق علشان يحفزني
علشان كذا مارح انزل بارت جديد بعد ذا البارت الا لما اشوف 100 كومنت يسعدني
و يلا ندخل في لاحداث .....
.
.
نغم رفعت عيونها له وهي بين ايديه : طحت ؟
مناف : طحتي بحضني
استحت وابعدت عنه بسرعه وانفاسها تتسارع .!
مناف : الكبك ؟
لفت ل جهته ومدته له الكبك ورجعت بسرعه عطته ظهرها .
مناف فتح الباب وطلع وهو يضحك .
شوّي ودخلو دلال وامل .
دلال : انا م قلت لا اشوفك انتي وزوجك بغرفتي ؟
امل غمزت لها : وش هالرمنسيات مع صبح هالعيد ؟
نغم ناظرتها بنص عين : اي رمنسيات مالت عليك .؟
امل : علينا ؟
نغم : وش الي عليك سلامات هبله انتي ؟
امل : ي شيخه والروج اللي بثوب مناف ب الترقيبه
شهقت نغم .
امل هي ودلال ضحكو بقوه .
نغم حمّر وجهها ودموعها بعيونها وطبعاً امل استلمتها طقطقه .
امل : رمنسيه ي الاخت ها طيب علمينا ع الاقل خلي يصير عندنا خبره مثلك وشرواك
دلال : جربي هاللي جربته بداية زواجي .
نغم ساكته ولو تكلمت بتبكي من الفشله .
امل : والله ان اعلم هند و ريما
صرخت نغم : لاااا تكفففييين اممل لا
امل : لا تحاولين معلمتهم معلمتهم
نغم بكت : لااا امل الله يسعدك
امل انصدمت : خلاص خلاص وربي م اقول لأحد .!
سكتت نغم وهي تمسح دموعها .
دلال : يالله ي بنات خلونا نطلع الحريم بدو يجون
نغم : دقيقه اعدل شكلي
امل : بنات واضح ان ساقي فيها شيء ؟
نغم ناظرتها : لا عادي
دلال : عادي بس اللي يركز ممكن ينتبه
امل : على الله
نغم : خلاص يالله طلعنا
امل : نغم
نغم : هلا
امل : ترى اكذب م شفّت روج ولا شيء بس حبيت اطقطق عليك " قالت حكيها وهربت "
نغم : حيوانه " لفت ل دلال " حتى انتي معاها ؟
دلال : عشان لا اشوفك ثاني مره مع زوجك بغرفتي
نغم تعدتها ماشيه : من زينك انتي وغرفتك .
.
.
.
بعد العصر .
عند البنات ك العاده ماخذين لهم فرش وجالسين برا ويسولفون ويتقهوون .!
ريما : م بغت تفارق اعوذ بالله
ضحكت امل : غثيثه
عبير : بالعكس سوالفها حلوه
هند : سوالفها حلوه عشانك انتي وياها تخرطون على بعض .
عبير طنشتها و م ردت .
نغم تقلدها : بابا جبلي واخويا اشترالي وعمي اهداني
ضحكوا البنات على اسلوبها بقوه
هند : والله تعرفففييين تقلدين عليها
نغم : هذي موهبه طال عمرك
امل : قلديني
نغم : طيب دقيقه احم احم لااا بنااات وش اسووي ي ربييي
ضحكوا البنات .
امل : ي حيووواانه انا كذذا
هند : لا تنكرين والله كذا
ريما : قلدي لنا مناف
نغم ضحكت وقلبت ملامحها ل الغضب : نغغم خلااص طفشت اهجدي نغم لا نغم مافييه
...... : واضح مقهوره منه
نغم : مرره
امل : والله لا اقول له انك قلدتي عليه
نغم : لا تكفففييين بموتت من خوفففييي قولي م عليّ فيه
امل قامت : قد حكيك
نغم : قدده وقدود
امل : لا تهايطين ؟؟
نغم : م عليّ
راحت امل وشوي ورجعت تجري : يقول تعالي
قامت نغم ببرود ومشت معاها .
اما عند مناف ب غرفة امه منسدح ع السرير ب العرض وعيونه ب التلفزيون وتفكيره مبعد .
دخلت امل : مناف
اعتدل وناظرها : ها
امل ماسكه نغم من يدها : تدري نغم وش مسويه ؟
لفت عليها نغم بصدمه : كذاببه م قلتي له
امل : اللحين بقوله
نغم تحاول تفك نفسها : سيبي يدي سيبي يدي
مناف عقد حواجبه : ايش القصه ؟؟
امل : نغم تقللد عليك عند البنات وتهايط بأنها مو خايفه منك
رفع حاجبه ولف ل نغم ونغم وجهها قلب احمر من الاحراج
مناف رحمها : خليها تقلد لين تمل انتي الله جابك يالله البسي عبايتك وتعالي معي
امل : ليش ؟
مناف : بوديك المستشفى من امس ابثرني مهند يقول لازم تتعقم رجلك
قبل تتكلم امل اعلن جوال مناف وصول رساله .
قام له مناف وابتسم بسخريه : هااه شوفي " مد لها الجوال "
مسكت امل الجوال وهي تقرا " ياخي انت وش فيك م تفهم اقولك لازم تتعقم رجلها يومياً واختك صاير لها يومين م تعقمت "
اعلن برضوا وصول رساله ثانيه محتواها كان " لو الجراثيم تكاثرت ع جرحها احتمال كبير تموت الخلايا وتنبتر ساقها "
شهقت بقوه واخذ منها مناف الجوال : وش فيه ؟
قرا الرساله وتناهد : كذاب بس يبي يخوفني ؟!
امل : كذاب مو كذاب انا اللحين ب البس عبايتي وبجيك .!
طلعت وتركت نغم .
مناف انثنى ولبس جزمته واخذ شماغه ومد يده لها : خلينا نطلع
طلعت معاه بهدوء وهي ماسكة يده .
مناف : نغم
نغم ناظرته : ها
مناف : تدرين لو عكسنا الحرفين الاولى من اسمك وش يطلع ؟
نغم ببرائه : وش
مناف اشر ع الغنم من بعيد
شهقت نغم ولفت عليه : يحمار تشبهني بالحيوان
مناف : ع اساس انتي اللحين مشبهتني بالقمر
ضحك نغم وهي تمشيء معاه ل السياره .
ركب مناف السياره وهي ركبت معاه من الجهه الثانيه .
مناف : انتبهي لنفسك ولا تطلعين بالليل لحالك
نغم : هند والبنات معايه
مناف : ولو
نغم فتحت الدرج اللي بالنص وطلعت منه جوال : لمين هالجوال ؟
مناف ناظره : جوال واحد من العيال
رفعت حاجبها : بالله ؟
مناف : وش تتوقعين انتي ؟
نغم بصوت توضح فيه الغيره : مدري عنك
مناف تناهد واشر ع خشمه : تراها واصله معي هنا ف اعطيني مقفاك اصلح لش .!
نغم نزلت من السياره بقهر وهي تشتم نفسها : انا وش دخلني فيه وبسيارته غبييه ي نغغم غبييه دايم تتجاوزين حدودك معاه دايم .
نظرات مناف لحقتها لما اختفت ومعاد قدر يشوفها تناهد وسرح فيها .
دقايق وقطع عليه : ههييي مناف ؟
لف لها : ها هلا
امل : ساعه وانا اناديك
مناف : م سمعتك لا تسوين لي سالفه .
امل : قلت ل ابوي ؟
مناف : ابوي ب ابها .!
امل : لييش راح ومتى ؟
مناف : بعد الظهر ليش مدري .
امل : طيب.........
قاطعها : مصدع وقافله اخلاقي لا تكثرين حكي .!
امل : والله لا اسولف واغني وش دخلك انت ؟؟
مناف : والله لا انزلك هنا
امل : لا تهايط م تقدر
مناف ابتسم وم رد .
.
.
.
عند نغم رجعت للجلسه وجلست بهدوء
دلال : وجهش م يطمن عصب عليش مناف ؟
نغم : لا عاد احد يكلمني ب الشين هادي اللي بدال الكا تسمعون .
هند : لا ابشركم مردغها .
نغم : يخسي يمد يده عليّ
دلال : اجل ؟
ريما : امل وينها ؟
نغم : اخذها وذلف
هند وريما : وين ؟
نغم : المستشفى عشان رجلها
فتون : ايش فيها رجلها
هند : عملو حادث قبل امس المغرب ب الدباب .
ريما : اي وقت متى ؟
هند : يوم سوو العيال سباق دبابات .
ريما : ي عمرررييي عليها
عبير : مين معاها بالحادث ؟؟
هند : نغم
دلال : يعمري الحمد لله ع السلامه
ريما : م تشوفي شر ي بعدي
وطبعاً كل البنات تحمدو لها ب السلامه عدا عبير ك العاده .
واستمرت سوالف البنات المعتاده ونغم مو معهم ابداً تفكيرها كله ب مناف ومنقهره منه وقت م بغى يحّن عليها ووقت م بغى يقسى كأنها لعبه بيده .!
قامت : انا استأذن بنات بروح اريح شوي
دلال : مو قلنا نوم العصر مو كويس ؟؟
ابتسمت لها نغم ب مجامله .
دلال : اجلسي اجلسي والله مره واضح انك متهاوشه مع مناف .
جلست نغم وهي معقده حواجبها ولا ارادي قالت متناسيه وجود عبير : عجزت افهمه ي بنات .
دلال : وعشان كذا منفسه ؟
نغم : ايه
دلال : وكيف عجزتي تفهمينه ؟
قبل تتكلم نغم دق جوالها وعقدت حواجبها .
دلال ناظرت معها ب الجوال : ردي ردي هذا مناف
.
.
وبس هنا رح اوقف طبعا زي ما قلت مارح انزل بارت الا لما اشوف 100 كومنت يفرحني
(جمعه مباركه )
