اتوقع كذا حلو نزلت لكم بارتين و ذا الثالث يلا بلعافيه عليكم و بروك عليكم رمضان
_______________________________
امل بالغرفه منسدحه ع ظهرها وعيونها مثبته ب السقف " تحس ب ضياع ولخبطه " من جات من المدرسه م نامت تفكر فيه ومقهوره ومع ذالك م تدري ليش تفكر فيه ، ل اول مره تحس نفسها ضعيفه ، شعورها تجاه مهند غلبها المشكله انها م تدري وش نوع هالشعور هل هو قهر عشانها تكره لجين ولا هو غيّره على مهند.
صرخت بقهر : خلااااص اطلع من راسي
قامت بكل قهر ل الشباك وفتحته وكان امامها شباك مهند تفلت عليه وكأنها تتفل على مهند : كلزق ي ورع م لقيت الا لجين الصايعه الله ياخذكم سوا
دمعت عيونها وخنقتها العبره : تف عليك وعليها الله ياخذك وياخذها
طاحت دمعتها ومسحتها بقوه : انتي ليش تبكي اللحين ؟ م في شيء يستاهل تبكين عشانه
جلست بقهر ع الكنب وهي تتذكر مهند وكيف كان يناظرها اليوم ب مرايه السياره : الله يلع## انت وعيونك جعلها العمى " سكتت شوي وقالت " استغفر الله .
اندق الباب وقالت امل بنرفزه : ادخللل
فتحت نغم الباب بشويش وطلت براسها : صاحيه
امل : وش شايفه انتي ؟
نغم دخلت : سامعتك تصارخين عسى م شر ؟
امل : وش دخلك انتي ؟ اصارخ م اصارخ انا حره
نغم بهمس : واضح النفسيه زق
امل : تعالي تعالي
نغم خافت : وش في ؟
امل : قلت لك تعالي
جات نغم وهي واضح الخوف بوجهها وجلست جنبها .!
امل : بسألك سؤال ؟
نغم : اسألي
امل : لا خلاص انقلعي
نغم : ألومتي وش فيك مو طبيعيه من رجعتي من المدرسه
امل دمعت عيونها ووجهها صار احمر دلاله ع البكاء : مادري وش فيني ي نغم .!
نغم ضمتها : ي روحي تكلمي فضفضي لي
امل : مادري وش اقول ب الضبط متلخبطه احس بضياع
نغم بعدتها ومسحت دموعها : قولي اللي تحسين فيه اللحين حتى لو هو حكي مو مترابط قولي لا تكتمي ب قلبك
امل : ماني عارفه وش اقول ي نغم ماني عارفه
وصارت تبكي بصوت مسموع وتشاهق ووجهها احمر ونغم تحاول تسكتها وتهديها بس امل مو راضيه .
مرّت دقايق بسيطه وابتعدت امل عن نغم وهي تمسح دموعها وقالت بضحكة مصطنعه : احس ارتحت
