ترك يدها مناف بغضب وجلس ع السرير وهو معصب
نغم عقدت حواجبها وهي تناظره : والله مو قصدي
رفع عيونه لها بحّده ورجع نزلها وهو يفك ازارير قمصيه.
نغم جلست جنبه : يعني بالله لو ادري ان معاك احد كان دخلت ؟! بعدين انا م شفت احد يوم دخلت م كان فيه الا انت
مناف رافع حاجبه ولا يرد عليها.
مدت يدها وباصابعها نزلت حاجبه المرفوع : لا تعصب
طنشها قام وراح ل الدولاب وطلع له ملابس ودخل للحمام " وانتو بكرامه" وسكر الباب بقوه.
عقدت حواجبها ومدت شفايفها بزعل وجلست ع السرير بضيق دقايق ورفعت عيونها له لما طلع من الحمام وهو معقد حواجبه وشعره يقطر مويه.
قامت واخذت المنشفه وراحت له .
رفع عيونه لها بدون م يتكلم.
نغم بهمس : نزل راسك خلنشف شعرك.
م قدر يخفي ابتسامته وابتسم ونزل راسه لها وهمس بضحكة : سنفوره.
ضحكت نغم معاه ثم قالت بدلع استعطاف : زعلان؟
مناف حرك حواجبه بمعنى لا بعدين قال : خلاص احس رقبتي بتنكسر
نغم : دقيقه بس
رفع راسه مناف ولف ايديه حول خصرها ورفعها : نشفي براحتك .
ضحكت نغم واتمسكت فيه : خلاص نزلني معاد ابغى
نزلها مناف وراح للمكتب وجلس ومنشغل بجواله .
نغم : هو صاحبك ب الدوام ؟
مناف ابتسم لها وعيونه ب الاب توب: ايه
جلست ب الكرسي اللي مقابل ل مكتبه وحطت يدها ع خدها وصارت تتأمله بهدوء.
رفع عيونه لها بضحكة : ايش فيك ؟!
م ردت نغم لكن ضحكت.
مناف قام وهو يتثاوب : بنام انا
نغم : لاااا
لف لها ب استغراب : وش في ؟
نغم : لا تنام اااا م ابغى اظل وحدي ياخي
مناف ضحك وانسدح ع السرير : م تحسين انك مخليتني اخوك اليوم.!
نغم قامت وجلست جنبه : بسوي لك شاهي بس لا تنام
مناف سحب يدها وحطها بشعره : اصص نغم والله اني تعبان.
نغم صارت تلعب ب شعره : طيب متى بتروح دوامك ؟
مناف : مادري على حسب
نغم : هالايام طايل وقت دوامك
مناف : هممم
نغم ناظرت وجهه : نمت ؟
م رد عليها وقربت وجهها من وجهه وهمست : مناف ؟
م جاها رد وهمست من جديد : الله ياخذ دوامك ي شيخ.
ابتسم مناف وعرفة انه صاحي وابتعدت نغم.
ضحك وفتح عيونه ع الخفيف : وحشتك ل هالدرجه ؟
نغم ارتبكت ونزلت عيونها ل يده وصارت تلعب ب اصابعه : ااا مو كدا بس انو البنات عندهم مدارس وانت عندك دوام وانا اصير وحدي طفشانه مو حرام .!
مناف : اها وانتي تطفشين وحدك اجل ؟
نغم مدت شفايفها بدلع : ايي مره اطفش وانت م تطلعني.
مناف ضحك : وعد رجال اذا خليتيني انام اللحين اطلعك بكرا.
نغم : احلف ؟
مناف : والله.
.
.
العصر.
امل تكلم بجوالها يارا : رفض ؟ الله يلعنه ...... حاولتي انتي ؟ ......... خلاص بجيك ...... يالله بلبس عبايتي واجيك ...... مسافه الطريق باي.
لفت ل نغم اللي جالسه ع الكنب بضيق : ااااا انا بروح ل يارا لان عندها مشكله ب البريد بصلحه لها وارجع .
م ردت عليها نغم.
امل : تجين معاي ؟!
نغم هزّت راسها بمعنى لا .
امل : راكبتك ام العبيد اليوم.
نغم رفعت حاجبها وبنفس حركة مناف : نعم؟؟
امل بضحكة : اووه صرنا ناخذ حركات بعض بعد.!!
نغم م فهمت قصدها ف طنشتها.
قامت امل : الزبده انا رايحه.
م ردت نغم وهي متكتفه ومستنده ع الكنب بقهر لان مناف خدعها وسحب عليها وراح ل دوامه.
رفعت عيونها لأمل اللي طلعت وهي لابسه عبايتها على دخلت مناف المبتسم.
مناف : السلام عليكم وين رايحه انتي ؟
امل : بروح عند يارا
مناف مسكها من اذنها : اعنبو دارك استحي على وجهك كل شوي وانتي ناطه لهم ببيتهم.
.
.
نهايه الجزء الرابع ، شوية تشجيع يخوان
_______________
معليش ادري انه البارت مررره قصير بس ضروف
و هاذي اول مره اكتب بارت مررره قصير كذا ......
_______________________
