......
عصر اليوم التالي وبغرفة امل.
فزّت على صوت دق خفيف ع الشباك وبسرعه قامت للمرايه عدلت شكلها ورتبت شعرها وتوجهة ل الشباك وفتحته وبمجرد مافتحته كان بوجهها مهند الواضح من ملامحه الغضب.
بلعت ريقها بتوتر وحاولت تبين انه ماهمها كونه زعلان : وشفيك؟
مهند بحّده : خير كل الناس يعرفون انك وافقتي الا انا؟
اخفت امل ضحكتها وقالت : مين قالك اني وافقت اصلا!
مهند رفع حاجبه : امي قالت يعني كذابه؟
ضحكت امل : لا ماتكذب خالتي طبعا.
مهند : مو موضوعنا! ليه ماقلتي لي انك وافقتي قبل يومين! حرام تزيدين حرقة قلبي يومين بعد!!!
امل : اص لا تخليني اكنسل
مهند بنبره مستعطفه : يهون عليك؟
امل : اي مو انا نزوه؟
مهند ضحك وبانة اسنانه العلويه : لا انتي مو نزوه انتي ورطة قلبي "ضحك" كنت شزيني قبل اعرفك من عرفتك لا ليل انامه ولا نهار ارتاح فيه!
ابتسمت امل بحيا وعيونها تعانق عيونه.
مهند : ايه ومتى ان شاء الله الملكة؟
امل مدة شفايفها بتوتر خوفا من زعله : ما قالو لك؟
مهند بحده : الا قالو بس ودي اسمعها منك!
امل بصوت هامس : بالاجازه الصيفيه الملكة والزواج سوا
رمقها مهند بنظرة حاده : وهند اختك متى زواجها؟
امل استغربت وعقدت حواجبها : بعد شهرين ليش؟؟
مهند : اجل خلاص ملكتنا مع زواجهم ولا تناقشيني
امل فتحت فمها بصدمه : سلامات مهند؟؟خير؟
مهند : انا الرجال ولا انتي؟وبعدين خلاص الزواج بالاجازه والملكة مع زواج هند وياسر انتهينا
قبل تفتح امل فمها بترد عليه سمعت صوت مناف وهو ينادي عليها من الصاله وقفلت الشباك بسرعه وعدلت شكلها في محاولة لتهدأت ارتباكها وقامت طلعت له.
مناف حاوط كتفها بيده : كيفها حلوتي؟؟
امل بلعت ريقها : تمام وانت؟
مناف : عال العال المهم
امل ضحكت : وش المهم؟؟
مناف غمز لها : شكرا ع الفيديو كحلت عيوني!
امل : افا عليك حاظرين للحلوين
مناف : المهم ترى اليوم الصبح كلمني مهند بيجي هو واهله بعد يومين بيخطبون خطبة رسيمه وبعد قال يبي الملكة مع زواج ياسر او اذا جو اهله بيسوون ملكة صغيره وعائليه وقالي اخيرك لان ماعندك غير هالخيارين!
