بسم الله
احم احم
____________________-
انا قررت انزل لكم بارت اليوم علشاني مروقه و علشانكم تستاهلو يا حلوين يا مزز ....
و علشان بكره خميس و انا اعشق الخميس فا رح انزله اليوم هديه لكم و كمان بينزل انشالله بات يوم الجمعه
ترقبووووووووووووووووووووو
_____________________________________
على مسافه قريبه منهم شوي كان مناف واقف ورافع الجوال لأذنه.
مناف : هلا
......: م امداك تشرب ي مناف ؟
مناف : شربت لكن للحين ذابحني الضما
......: انا واللي اللي ذابحني الضما مو انت
ضحك مناف : لا تستعجل جايك رزقك
......: مو رزقي معتمد على ضماك وشربك .
ضحك مناف بقوه : هذا لاني مديرك
......: تصدق مدري وش سويت عشان ربي يبلاني ب مدير من اشكالك
مناف زاد ضحكه : انا مارح ارد عليك ولا راح اسوي فيك شيء مقدر انك عطشان وم تحسب ل حكيك حساب .!
......: عطشان وبس ؟ الا بموت من ضماي
مناف : لا تزعل ي الحبيب اليوم انا جاي انت بس جهز اغراضك وشد عزمك
......: مو انا احتمال من ضماي وعطشي اموت من شوقي قبل اوصل ل اهلي .
مناف : بعيد الشر ان شاء الله توصل بخير وصحه وسلامة وانا اخوك انت بس احجز لك تذكره من اللحين وجهز شناطك انا ساعتين بالقليل وامسك بدالك .!
تناهد : لا تطول عليّ بيذبحني شوقي
مناف : مو مطول عليك ان شاء الله .!
قفل مناف وظل واقف يستلم الرسايل ويفتحها ويقراها عدا رسايل مهند المزعج لا يفتحها ولا يقراها .
دق جواله من جديد تافف ورد : خيير ؟
......: م تستحي على وجهك انت ؟
مناف : اي والله طالع عليك م استحي
......: لو انك طالع كان فيك خير
مناف : اخلص مهند وش تبي ؟
مهند : انا وش قلت لك قبل يومين ؟
مناف : وش قلت لي ؟
مهند : شف ذا اللي بيجلطني ؟
مناف ضحك : ياخي وربي اني كلمتها امس وهي رفضت مو انا ولا انا قلت بجيبها م عندي مشكله
مهند : مو بكيفها ترفض غبييه هي ؟ تبغى الجراثيم تاكل رجلها .
مناف : مهند احسك مره تبالغ ؟
منهد : لا ي شيخ ابالغ ها ؟ شف الشرهه عليّ انا اللي اترجاك انت واختك على تراب هذا وجهي ان كلمتك مره ثانيه ." قال حكيه وسكر بوجه مناف "
ضحك مناف بقوه ولف راجع ل المجلس بس بطريقه لمح امل وراح لها .
تقدم بس شاف ريما جالسه معها عطاهم ظهره : امممللل
ريما بس سمعت صوته لفت الطرحه ع راسها وتغطت .
امل : ها ؟
مناف : مهند يقول لازم تجين. تنضفين جرحك اليوم ؟؟
امل تتكلم ببطئ : قول له امل تقول كل ترااااابببب .
منافف : بلا طولة لسان انا احكي جد
امل : وانا احكي جد مهبول ذا يبيني اطق مشوار ساعتين عشان اقل من ربع ساعه ينضف جرحي بعدين ترى حنا مو مطولين ثلاث ايام بالكثير وراجعين ابها
مناف : لو حصل ل رجلك شيء انا مالي شغل اللهم بلغت اللهم ف اشهد .
امل : توكل توكل
مناف : رايح من دونك .
مشى من عندهم متوجه ل المجلس عند العيال .
مناف : شفتو مفتاح سيارتي ؟
سامي لف عليه : ليش ؟
مناف : خلاص اجازتي خلصت على قولة سعود شربت وخلصت الحمد لله .
سامي ضحك بقوه : وهه ي زيينننه اللي بيداوم وااا فديتتته
تعالت ضحكات الشباب .
مناف تكتف : اساساً بفتك من وجيهكم الحمد لله
سامي : اساساً الدوام ل الرجال يالله ي رجال الى دوامك
مناف هز راسه بأسى من سامي واخذ مفتاحه وخرج رايح ل ابوه وامه .
دق الباب ودخل : سلام
ابوه : ارحب
مناف جلس مقابل ابوه : رايح انا ابها اللحين خلاص بيبدأ دوامي .
ابوه : الله معاك
مناف : حبيت اخبركم بس .
دخلت امه وقام لها باس راسها : يالله يمه انا ماشيء ل ابها
ابوه : ماخذ زوجتك معك ؟
مناف : لا بخليها معاكم
ابوه : خبل انت ؟ تروح وتترك زوجتك ليه ؟
مناف : اول شيء انا بظل بدوامي كل الوقت وثاني شيء هي بتخاف وتمل لحالها عشان كذا تبقى معاكم ازين
ابوه : لا خذها معك
مناف : لكن ليه ؟ بتثقل عليكم يعني ؟
امه : الواحد ي يمه يبي وحده تهتم فيه تسوي له اكله قبل يجي ترتب له ملابسه وتنضف له بيته وش فيك انت ترامي بهالوحده ؟؟
مناف : مو سالفه ارامي فيها ؟ بس بتظل لحالها وبتطفش وانا انسان مشغول
ابوه : المشغول يفضى وانا ابوك
مناف : اوكيه لكن افهموني اذا رحت دوامي ه...
قاطعه ابوه : تاخذها معاك مناف وانتهينا
مناف بقهر : طيب
طلع من الغرفه معصب وتوجه ل غرفة امل وهند بما انها تجلس هناك كثير دق الباب بقوه .
شوّي وفتحت له هند : هلا والله هـ...
قاطعها : نغم فيه ؟
هند تكتفت : الله ي الدنيا انعميت خلاص ؟ معاد تشوف غير زوجتك ؟
غصباً عنه ابتسم : اقول اقلبي وجهك
هند : زوجتك ب ......
قبل تكمل هند جملتها كانت نغم طالعه من الحمام وانتو بكرامه لافه المنشفه حول جسمها رفعت عينها ل مناف وصبغ وجهها احمر رجعت بسرعه دخلت للحمام وهي بتموت من الاحراج .
اما مناف م كان احسن منها حتى هو استحى وضاع كل حكّيه .
هند طايحه بالارض ماسكه بطنها من قوة الضحك مو قاده توقف .
مناف : خير ليش تضحكين ؟ ومين المضحك بالموضوع ؟
هند مو قادره تتكلم من الضحك
مناف رفسها بقهر : قومي بحاكيك
قامت هند وهي تحاول تسكت وتبطل ضحك بس مو قادره .
مسكها مناف من اذنها : بس خلاص انطمي
هند : ايي ههههههه اايي مناف ايييي
مناف تركها : قولي لها يالله تجهز اغراضها في اقل من ربع ساعه بنرجع لابها ؟!
هند : اما عاد راجع لابها ؟
مناف : اي خلاص جاء وقت دوامي .!
هند : خساارررهه بيفوتكم الجو عاد يقولون متوقع امطار وكذا
مناف تناهد : اخلصي علمي نغم
هند : ادخل ادخل انا بعطيها ملابسها تلبس داخل الحمام وانت كلمها اذا طلعت
مناف : وليش المشوار ذا كله ؟
هند : عشان انا اشعر بالجوع وبروح ادور لي شيء اكله وبيني وبينك زوجتك اذا تكلمت معاد تصك حلقها عشان كذا افضل تعلمها انت .
دخل مناف وهو مبتسم بسخريه .
اما هند خذت ملابس نغم من السرير ودقت الباب : نغم افتحي خذي ملابسك
نغم : مناف راح ؟
هند : لا موجود هنا يبي يحاكيك البسي واطلعي له
فتحت الباب وخذت ملابسها من هند وهي بنفسها تقول الله يستر وش يبي ذا .
اما هند عطتها ملابسها وطلعت رايحه المطبخ
لبست وطلعت له وهي منحرجه ومنزله راسها .
قام مناف وسكر المكيف : والله انا م اشوف في الارض شيء جميل يستحق التأمل .
نغم كان ودها تقول له ي سااااممجج لكن خوفها منعها .!
مناف تناهد : جهزي اغراضك عشان نرجع لابها
نغم : متى ؟
مناف : اللحين
لا ارادي قالت : وش اللحين
مناف قام : عندك خمس دقايق تجمعين فيها اغراضك وتلحقيني السياره .
نغم مسكت يده : شوّي شوّي فهمني
مناف رفع حاجبه وناظر يدها اما هي سحبت يدها بسرعه .
مناف : دوامي يبدا بعد ساعتين انا م كنت باخذك معاي لكن ابوي اصر عشان كذا توي اعلمك زي م قلت لك اجمعي اغراضك بسرعه لأن م عندي وقت .!
نغم بهمس : طيب واغراضك انت ؟
مناف : سيبيها اهلي بيجيبونها " قال كلمته وطلع من الغرفه "
تناهدت وبدت تجمع اغراضها من ملابس ومكياج وشوزات وكل شيء .!
خصلت نغم ولبست عبايتها على دخلت امل : ويين ؟
نغم : مناف يقول دوامه بدا وبيرجع لأبها وبياخدني معه
امل : ي عمررري بتظلي لحالك هناك عاد انتي خوافه
وقفت نغم عن الحركه فعلاً توها تستوعب انها بتظل لوحدها هناك ومناف بيكون في دوامه لفت لأمل وعيونها مليانه دموع : والله جد بظل وحدي .؟؟
امل : وش فيك توك تستوعبين ؟
نغم بصوت باكي : امل انا اخاااف والله م اقدر اظل لوحدي بموت
امل مصدومه منها : وش فيك انتي ؟
نغم بكت : والله اخااف والله
بهالحضه دخل مناف : نغم خلصتـ.
قطع حكيه يوم شافها تبكي رفع حاجبه ولف لأمل : وش فيها
امل : مدري تقول تخاف تظل لحالها وبعدين بكت
مناف انقهر : انا قلت لأبوي بس م يسمع
نغم مسحت دموعها : الله يسعدك خليني والله م اقدر اجلس لحالي
مناف يستهبل : م عليك باخذك معي الدوام
امل : سماجتك وقتها غلط
نغم ناظرة امل : انتي امل الله يسعدك تعالي معانا الله يسعدك
مناف يبغاها تجي ف قام قال : لا لا تجي معانا م نبغاها
نغم : الا انا ابغاها
مناف : لا خليها تنطق هنا تنكد علينا طول الخط وتنكد علينا بالبيت بعد لاحقين على نكدها
امل انقهرت : والله لا اروح معاكم
مناف : لا مارح تروحين
نغم : الله يسعدك خليها تروح
مناف : لا مافيه م تروح معانا
امل : والله لا اروح معاكم والله " قامت واخذت عبايتها " واللحين البس قدامك واكلم ابوي
مناف : لا تلبسين ولا تكلمين ابوي روحه معاي مافيه
امل : اقسم بالله لا اروح وخلك تمنعني
مناف : ترى السياره سيارتي على فكر....
قطع حكيه لان امل طلعت وتركته " بتروح تستأذن من ابوها "
نغم : الله يخليك الله يخليك تكفى خلها تروح معانا الله يخليك
مناف جلس جنبها وحاوط كتفها بيده : هذي سياسه م يفهمها الا الدبلماسيين امثالي
هند دخلت وبيدها صحن وكاس بيبسي : قصدك النصابين امثالك
مناف : م يهم المهم انها بتمشي معانا " قال حكيه وغمز ل نغم "
هند : على كذا يبغى لك نص ساعه عشان امل تجهز اغراضها
مناف : لا اذا كذا منجد مارح تروح .
دخلت امل مبتسمه ابتسامه تقهر فيها مناف : وافق بابا
مناف : حتى لو وافق بابا انا قلت لا يعني لا
امل : ي رجال انت كل تراب
سحب شعرها مناف : مين اللي ياكل تراب ؟
امل : اييييي شعرررريي اييييي ي ماما
تركها مناف : وجع صافرة انذار مو صوت
هند : بتروحين ؟
امل بثقه : ايه
هند : واغراضك ؟
امل : جيبوها معاكم لان اساساً انا م احتاجها .
هند : م شاء الله انتو تروحون وانا اتوهق ب اغراضكم اذا رجعنا
امل : تكفييين هنوده
هند : طيب بس ترى مو عشانك عشان نغم لا تظل لوحدها ب ابها .
مناف شال شنطة نغم : الحقيني السياره
اخذت امل جوالها وشاحنها وحطتها ب شنطة اليد تبعها وبسرعه جرت ل السياره .
ضحك مناف وهّز راسه بأسئ من حركاتها الطفوليه .
.
