المغرب عند مناف.
جالس وجنبه نغم محاوطها من كتوفها ومبتسم بهدوء
نغم تناظره بصدمه : وش في ؟ ليش هالنظره
مناف : ابد سلامتك بس عندي طلب
نغم اشاحت بوجهها بعيد عنه : طلبك مرفوض
ضحك مناف وقربها منه اكثر : ليش ؟
نغم بعدته عنها وهي تهف على وجهها : يوووه وش هالحر
مناف شد جاكيته عليه وبأستنكار : حرر ؟؟
نغم ووجهها احمر : ايه حر وش عندك؟
ابتسم مناف ابتسامه عريضه وغمز لها : مستحيه ؟
قبل ترد نغم دق جوال مناف وحمّدت ربها ع الاقل تاخذ راحتها لو ثواني.
مناف رفع الجوال ورد باستغراب : هلا سعود ......... بالله جو ؟ ......... طيب جاي انا اللحين ......... اللحين جاي يالله مع السلامه.
قام مناف وقامت وراه نغم : ايش فيه ؟
مناف : ولاشيء الدوام دقوا علي لازم اروح
نغم تناهدت : انتبه لنفسك
عض شفايفه مناف: اويلي تخافين عليّ؟
نغم انحرجت ولفت وعطته ظهرها : يالله رح لدوامك لا تتاخر
سحبها مناف وضمها صار ظهرها ع صدره : بتذبحيني بحياك ذا ؟ ناويه علي انتي ؟
نغم تلعثمت : لا ياخي روح دوامك لا تتاخر
مناف لفها له : ماني برايح لين تبوسيني ولا اسحب على ام الدوام واظل هنا
نغم انصدمت : ايش ؟
مناف ضحكت : اللي سمعتي يالله لو سمحتي لا تاخريني وعطيني بوسه
نغم تحاول تفلت من بين يديه : طب سيبني عشان ابوسك
ضحك مناف بقوه وقرب لها وطبع على خدها بوسه وابتعد بهدوء : ايش اللذاذه هذي ؟
بثواني صار وجه نغم احمر بعدت ايديه عنها وراحت بسرعه لجهة مجلس الحريم.
.
.
بعد المغرب بالمركز.
دخل مناف للمكتب والقى السلام وجلس بمكتبه.
كان امامه رعد اللي جالس ومتكتف ورافع حاجبه وامام رعد ثلاث رجال والثالث شاب يناظر رعد بنص ابتسامه.
مناف استعدل بجلسته ب اهتمام : انتو من مباحث جدّه ؟
الشاب تنحنح وناظر مناف : ايه وجينا اللحين بامر من المباحث
رعد وهو يناظر الشاب بحّده : ايه وبعدين ؟
الشاب ابتسم لرعد بأغاضه : حققنا مع الباكستان اللي جبتوهم ورحلناهم لبلدهم
