ع الهوى

1

#ع_الهوى١
Shahd Alsalman

- اليوم لازم نسوي الاستطلاع ونشوف الاراء حتى نكمل ولا تنسى مدير الاذاعة حيجي زيارة هاليومين فلازم نكمل كل شي
ونسوي اعداد للحلقة مال باجر
وشغلة مهمة همين اجتماع الاربعاء لازم نبلغ بي الاعضاء
- امرج ست در
- اها
ست در !
معناها الحلو زعلان مني
- و شيهمج اذا زعلت او لا ؟
- ههههه مثل الطفل
- شكرا
- ههههه اني اسفة عن جد ادري هاملتك هاي الفترة بس انت دتشوف الشغل شلون صاير
وبعدين احنا سوية دنشتغل
- صحيح بس اني اشتاقلج
- واني همين و ان شاء الله كلها فترة وراها  راح ادللك كلة لفات فلافل وببسي بطالة بعد شتريد
- هذا اقوى دلال عندج هههههههه
- ها شو تضحك
روح لا لفة ولا بطل
- تعاااي يمعودة اتشاقة وياج
- ابد
- متتحملين شقا
- هههههههههه
- ههههههههه احلى شي بالدنيا ضحكتج
- يلا كافي خل نشوف شغلنا
- اويييلي امري لله
- بس خل اروح اغسل ايدي وارجعلك
- حنتظرج بالسيارة جوة
- اوكي
—————
ابلش يومي بالخمسة الصبح اصلي وابدي اسوي ريوك النا واكعد بابا وماما دوامهم  ع الساعة ٧ ونص يخلصون ريوك ويطلع بابا لدوامة و ماما تشوف شغل البيت 
واني اكل شي سريع ومرات ما اشتهي وابلش اجهز نفسي البس واتشيك على كولة فريد وانزل لدوامي بالاذاعة
تخرجت من كلية الاعلام اللي جانت حلمي واشتغلت باذاعة جديدة اني و فريد صديق الطفولة وجيرانا وامة بمقام امي كعداتنا اكلنا شربنا دراستنا اني وياه كلها سوة حتى بيوم اللي دخلت اعلام هو مجان قابل بس شافني حابة الكلية وحول وياية واتخرجنا منها
ومن اشتغلت بالاذاعة حسيت نفسي محتاجتلة ما اعرف اسوي شي بلياه كلش متفاهمين
فرشحتة لرئيس الادارة والاذاعة وهو وافق وداوم وياية صرنا نروح ونجي مثل كل مكان
العالم عبالهم احنا مخطوبين وجانت شكوك اهل امي وابويا دائما متوكف ويحجون بينا وعلى اهلي لانه عندي ميانة وياه وبحجة هو ولد ميعيبة شي بس اني سمعتي وميصير لان بنية واللي زاد حجيهم واذيتهم لاهلي هو دخولي لكلية الاعلام لان يعتبرون هذا المجال ( للي يريد يفلت باخلاقة حصرا )
قررت اترك هالكلية واشيل هالحمل عن اهلي وما اجيبلهم حجاية على كولة عمي الجبير
- بابا
ماما 
اريد اكللكم على شي
- كولي حبيبة بابا
- بابا اني احبك انت وماما كد الدنيا كل شي بالكون ميساوي ضوجة او حسرة او تنهيدة بصدركم بسببي
- بسببج !؟
- اي بابا اني جبتلكم حجي هواية لا تحجبت مثل بنات عمامي ولا صادقت بنات وتركت فريد مثل بنات خالي وهسة اريد ادخل كلية اعلام
ف ..
- ف شنو كملي ماما !؟
- ماما
بابا
اني حدرس اي كلية واخليكم مرفوعين الراس ما راح اخلي احد يجيبلكم حجاية ابد
- اتوقع انت خلصتي كلامج مو بابا ؟
- اي
- ام در اني شنو جنت اكلج قبل شوية !؟
- كلتلي اني فرحان ومفتخر عندي بنية مثل در شاطرة وحبابة وتربيتنا ما ضاعت بيها بلاش وهي اسم على مسمى
- بابا
- خليني اكمل بابا
احنا مجبناج للدنيا حتى تعيشين مثل ما فلان وعلان يريد ولا حتى مثل ما احنا نريد
احنا نريدج سعيدة ومرتاحة وهو هذا كل غايتنا بالدنيا
- يعني يا ماما كملي طريقج واختاري كل شي تحبي مراح تسلمين من كلام الناس لا تخلي عثرة بطريقج ابد ولا تنغرين بنفس الوقت كوني انت وبس واحنا وياج ونساندج واصلا ممصدكين شوكت تروحين ونشوف تخرجج من كليتج التحبيها
معليج باحد مدام ما اذيتي بشر ولا غضبتي رب العالمين ولا تجاوزتي حدودج معناها انت بالمكان الصح والسليم
- ما اعرف شكوللكم الله لا يحرمني منكم العالم تحسدني عليكم والله
- احنا اللي تحسدنا العالم عليج خلينا فرحانين بيج دائما
- ان شاء الله حخليكم اسعد اب وام بالدنيا
بستهم وحضنتهم وحسيت بنشوة انتصار وكمية حب جبيرة والسند اللي الله خلاه الي بالدنيا هم ماما وبابا وعدت نفسي ما اخذلهم ابد ولا بأي شي
رحت لغرفتي وخابرت فريد حتى اكلة على اللي صار جان فرحان بكلامي بس خايف علية من هذا المجال طمنتة وكلتلة مدام هو يمي حكون بخير ..
اول ايام كلية جانت حلوة كلش عالم جديد وحياة مختلفة وطلاب اشكال الوان واكيد فريد كل الوقت وياية
بالسنة الثانية صارت مشكلة جبيرة بسبب ولد تجاوز علية وعلى فريد بالحجي واكيد فريد مراح يسكت اذا ميتعارك وياه باعتبار الموضوع مسني واساس تركيبة شخصيتة هي العصبية
......