ع الهوى

٢١

#ع_الهوى٢١
Shahd Alsalman
كعدت بالانتظار يم امها وابوها تعبان شكلهم وكبرانين عبالك ٤٠ سنة زيادة على عمرهم
- عمو ، خالة ليش متروحون للبيت ترتاحون
- متعبانين
انت روح ارتاح جاي من طريق طويل
- اني زين و ما ارتاح اذا متطيب در
كامت تبجي امها وتحجي بكلب محروك و خايف عليها
- اني ما فقدت الامل بالله بس در تعبت يعني شكد اكول و ادعي تبقى كدام عيوني ونظل نداريها اني وابوها بس الى متى تبقى تعاني ؟
من كد ما اشوف وجعها والمها اللي تحاول تخفي عنا وتبتسم اتمنى الله يرحمها بأي طريقة حتى لو ...
- خالة لا تكمليها در حتعيش اني اعرفها قوية وما تنهزم وصرت هسة يمها واني اللي حهتم بيها وياكم
-تعرف هي اتأذت على فراكك اكثر من المرض
البينكم اكبر من كل شي اني اول مرة اشوف هيج حب
انحرجت من كالي ابوها هيج ووجهي كام يذب الوان معرفت شجاوبة
- عمي ... اني و در ...
- عمي اني اعرف كل شي و من جنتو صغار واني وام در نحجي بيكم ونكول حيكبرون ويحبون بعض ويتزوجون
بيوم عيد ميلادها جانت وياك رجعت منهارة بالبجي و كلش مقهورة خليناها تهدى على راحتها جنا متوقعين علمود نتيجة التحاليل ولان عرفت هي مريضة بس هي كالت لان انت اعترفت  بحبك الها و ردتها
- فريد يمة من عرفت در بمرضها وجان هذا اصعب شي علينا واصعب خبر نسمعة كالتلي الحمدلله اللي اني وفريد بيناتنا بس الصداقة القوية من سالتها ليش كالتلي لان حيتاذى اذا عرف خلي يحس بية مو الة احسن
- يعني هي جانت تحبني قبل لا اكللها !؟
- اي ومن زمان كالتلي
ومن ساعتها كعدت تقنعنا و تحلفنا انه ما نجيب سيرة لاي مخلوق بمرضها خاصة انت
- اااه يا ربي
- الله كريم ابني يمكن الله يباوع لحالكم ويرحم بيكم ويرجعها سالمة النا
اني لو علية مجنت بيوم افرح اذا ما اسلم بنتي الك لان اعرفك و رابي على ايدي اعرف حتحافظ عليها وانت تدري احنا مدايميلكم وهي بنتي الوحيدة ما عندي غيرها ولا اغلى منها
- الله يطول بعمركم يا رب وتشوفون احفاد احفادنا
- فريد امي شخبار امك لو تعرف شكد مشتاقتلها
- امي انطتج عمرها
- لا اله الا الله
- لا حول ولا قوة الا بالله
هاي شوكت صار هالحجي
- قبل شهور والحمدلله على كل حال
اتازمت صحتها اكثر من قبل كامت تكضيها بالمستشفيات
وتالي الله اخذ امانتة
- الله يرحمها يا رب
- ويرحم امواتكم
ترخصت منهم و رحت للحمام غسلت وجهي و لزمتني نوبة بجي طويلة واني اتذكر منظرها وحجيها و ضعفها
اجة ايسر جان ديدور علية حضنتة وبجيت يحاول يهدي بية و يواسيني
غسلي وجهي مرة ثانية وطلب مني اكون قوي واروح اشوفها لان هي كعدت وتريد تشوفني ..
رحتلها جانت بفراشها بست ايدها وفات ايسر وياية وامها وابوها كدامنا
- عمي اني اريد اطلب منك طلب واتمنى متردني
- كول ابوية ادلل
- اريد من بعد اذن خالة اطلب ايد در على سنة الله و رسولة
- النا الشرف واني موافق
- واني موافقة
- ها در شتكولين بابا
- مموافقة
-ليش
- انتو عليمن تضحكون ؟؟  اكو هيج شي ؟؟
مدتشوفون ؟
هذا وضع وحال بنية تنخطب بي !؟
- در هذا احلى وضع فريد يحبج ورايدج واهلج موافقين وحتى اني فرحان الكم
- بس اني مفرحانة واصلا زعلانة منك هواية ايسر لان كتلة لفريد
جان عايش حياتة وسنة ولا اثنين وينساني يتعرف على بنية صاحية مو مريضة ولا عاجزة والله اعلم اموت لو ابقى
يكفي واحد يضحك ع اللاخ وعيشو واقعكم
اذا انت راضي تنهي حياتك بهيج طريقة فاني ما ارضى ولا اريد
- اني اريد انهي حياتي وياج انت بكل حالاتج مو بوكت الرخا احبج وبالشدة اتركج
يعني اني لو هسة مكانج حتتركيني ؟
.... -
- متتركيني اعرف جوابج حتى لو سكتي
- يعني انت مسويها وحدة بوحدة
وباجر من تمل مني ومن حالي راح تكوم تشكي وتتذمر
-اتذمر من شنو ؟
- اذا مو كدامي حتكولها بينك وبين نفسك حتكول ليش تورطت وياها حتكول لو باقي واكف يمها بلا ما اتزوجها
- انت هيج دتظلميني
- ما اظلمك عبالك ما احس على كل واحد بيكم شكد تعبانين بسببي
بس ان شاء الله اموت واخلصكم مني
بجت وشوي شوي زادت حالتها وعصبت اكثر واكثر وكامت تصيح حتى نعوفها ونطلع برة متريد احد
راح ايسر يصيح الدكتور واجة فات طلب من عدنا نطلع برة
استغربت من هالحالة حتى اهلها كالو اول مرة تنهار بهيج طريقة
ساعة تقريبا واحنا بالانتظار انفتحت الباب وشفتها نايمة
- شصار وياها وهيج عصبت ؟
- جنا نحجي طبيعي وهي فجأة بجت
-لا ماكو فجأة اني مفهمت منها شي بس اللي صار وياها حالة شد عصبي بسيط وممكن يتطور وهالموضوع حيصعب علاجها
حجالة ابوها اللي صار وباوعلي الدكتور
- وجودك هسة انطاها طاقة سلبية
وتحسسها هذا لانك شفتها بهذا المنظر
انتبهو ولا تسوون اي تصرف يثير حساسيتها
در حاليا ملت من كل شي وبدت تدخل بمرحلة الجزع يعني حتى لو تجيبولها كلاص مي حتحس هي عاجزة
اريد صبركم عليها ومن تكعد لا تدخلون كلكم واحد بس ولا يطول
- شكرا دكتور
-العفو ابو در
من رخصتكم