ع الهوى

١٦

#ع_الهوى١٦
Shahd Alsalman
بالاضافة لرحلة بحثي عن اسم ابويا بمستشفيات الشمال ما هدت محاولاتي حتى اوصل لدر واشوف وينها وليش اختفت
سويت برنامج جديد ويا مذيعة متعينة مكان در بس دائما بيني وبينها مشكلة انه هي تريد تسوي بكيفها الحلقة وتشتهر بسرعة واني ما احب الاستعجال او انه تتجاوز شغلي يعني هي عكس در بكل شي
و لأنه ايسر المخرج الرسمي للبرنامج فتقريبا علاقتنا رجعت طبيعية بس هو مو مثل قبل دائما اكو شي مخلي حزين وممرتاح
و٢٤ ساعة لازم التلفون يا دوب وكت الشغل يهدة ..
وباعتبار سمعت مرة عندة عمة عايشة بالشمال قررت اسالة بلكي يعرف شي عن المستشفيات
- ايسر
- نعم
- باوع اريد تركز وياية شوية
- اي كول
- دذب التلفون من ايدك دنحجي
- لحظة
اي وياك كول
- باوع مو مرة كلت اكو عندك عمة بالشمال ساكنة وحدها
- اي شبيها
- شبيك اصفر وجهك هههههه
- ههههه لا ما بية
ليش تسال
- تكدر تدكلها وتسالها عن اسماء مستشفيات السرطان هناك او مراكز تخصصية
- ليش !؟؟
- يعني هي مو بالشمال عايشة اكيد تعرف
-وهي شمعرفها ؟
- ددكلها هسة شخسران وانطيني احجي وياها
- شنو هالميانة!؟؟
- يمعود انت مو تكول جبيرة هي خما حغازلها هو سؤال
- اوكي هسة ادكلها
- شبيك اذا متريد عوف الموضوع ليش هيج ضجت
- لا لا عادي
هسة اجيك
طلع برة جايب جاي و رجع دخل للغرفة انطاني التلفون واشرلي حتى احجي ويا عمتة
وطول المدة الحجيت بيها وياها ايسر يترقب شوكت انهي هالمكالمة بحيث كل اللي حفظتة منها اسم مستشفيات اثنين وحدة خاصة ووحدة عامة اتشكرت منها وسديت الخط .
-هاك عيني مشكور 
- العفو
ها فادتك !؟
- يعني اكدر اكول ان شاء الله
- انت ليش دتدور على هيج مستشفى ! ؟
- اريد الكى والدي
- والدك !؟
- اي ابويا عايش مميت
- اول مرة اعرف هالمعلومة
وليش انت متعرفة لعد او متعرف وين يشتغل
وبديت احجيلة مختصر مفيد عن قصتة وشلون ترك امي يعني احداث بسيطة بس بحدود القصة بدون تفاصيل
- تريد اساعدك ؟؟
- اكيد احتاج احد يساعدني
- ابشر
اني حدورلك علي
- يعني عندك احد هناك بالمستشفيات يشتغل
- لا مو هيج بس اني حروح للشمال الخميس وابقى للاحد علمود ارجع للدوام
- ها خوش لعد خل اكتبلك اسمة
( عامر مفيد حسن )
- هاهية ان شاء الله خير
-ان شاء الله
ايسر اسالك سؤال ؟
- اعرف شراح تسال
بس ما ادري شي عنها صدكني
- زين شلون متدري انتو مو واحد يحب اللاخ
- لا
- لعد شنو !
- تركنا مصار نصيب نكمل
- شون راح الكاها تعرف راح تخلص اجازتها هي وبعدها مرجعت
المشكلة حتى اهلها هم ماكو ما اعرف شي عنها
وتدري رحت سالت بشغل ابوها كالولي مصفي شغلة هنا
جان فادني لو مفاصلين الشراكة بين امي وبينة
اقلها اعرف وين راح بس فجأة امي قبل لا تتمرض كالتلي ابو در كالي نفصل الشراكة لان يريد يتصرف بحصتة ومكالتلي حيبيعها او يصفيها
وامنها بشراكة ثانية ويا صديقة واستحيت بوقتها اسال در ليش وشنو السبب كلت يجوز احنا ثكلنا عليهم
- لا
- شنو لا
- يعني ما اتوقع لهذا السبب لان اكيد انتو اهل حسب حجي در وعلاقتكم
- والله ما اعرف
- الله كريم
كوم نروح ناكل شي مجعت انت
- اي جعت
- صدك قبل لا نطلع خل نصور صورة اني وياك
- عود ليش
- نرجع ايام الكلية متتذكر شكد اخذنا صور عندي اربع البومات بودي احركهن هسة على شكلي القديم ههههههه
- هو انت شايف شلون جنت معصعص وطويل نوب مزعج
- والله محد غيرك مزعج
انت وهاي ايدك تتذكر شلون اخذتني بوكس طمست عيني
- ههههههههه والله كتلة كتلتك انت وجماعتك
- لا عود صالح يريد يهدي الوضع شو هذا هجم علينا فد هجمة طلع اضبط منك
- والله ايسر لوما شفت در واكفة وصاحت علية مدري ياهو راد يضربني براسي فلا اهدك
- وشنو الفائدة لو باقي انت تكتل بية اهون من الحجارة النزلت علية
- هههههههههه خرب
والله ايام حلوة
- ذاك اليوم تدري المن شفت
- منو
- هاي ميساء الشكرة
- اعرف ميساء السحارة هذي ما اعرفها
- لك شبيك هاي مرة كتلت نفسي عليها بس اريد انسق وياها
- هاااا ام المناظر الحمرة
- اي لك يابة كتلتني بمناظرها ويا خدودها تذبح ذبح
- وين شفتها
- بالزوراء تمشي ويا رجلها وبنات اثنين توأم صاير عدها بس طالعات عليها يخبلن
سلمت عليها وبوست البنات ورحت
- انت من يومك تحب النسوان
- شسوي افقد كدامهن مو بيدي
بس جانت ايام حلوة واحلى شي جنت اغار على در عود لان محصلتها ومكدرت اجيبها للدرب ههههههه
- ليش تحجي هيج انتو مو واحد حب الثاني
- ها اي يعني
اقصد يعني بايام الكلية
- اي
- شبيك ؟
- ما بية
حتى من اريد ما افكر بيها تطلع كدامي بذكرياتي كل الحجينا بي هي ويانة و الصورة الاخذناها هسة استهضمت اخذها وهي مو ويانة متعودين ناخذها جماعية بوجودها
- صحيح

و حلت علينا كآبة وحزن خلانة نعوف الاكل ونروح كلمن لبيتة ..