ع الهوى

٢٧

#ع_الهوى٢٧
Shahd Alsalman
كل ذكرى تحمل وجهين بحياتنا الحزن والسعادة
مرات تكون اللحظة العشناها سعيدة كلش لدرجة منتخيل بيوم من الايام حنكوم نتذكرها وننقهر او نحس بالم ونتمنى ننساها
و مرات يصير العكس تماما ..
كل صورة من صور در على مكتبي باقية ذكراها براسي يمكن هي مجانت ايام حلوة ولا سعيدة واصلا ما احبها بس جان بيها تحدي وصبر و قوة ومقاومة تنطي معنى انك اذا متواجه وتقاوم ضعفك حتنكسر و تبقى ضعيف
ايسر يضوج اخلي هذي الصور ويتمنى لو اشيلها وانسى كل شي مريت بي وصار وياية و ميريد اتذكر در بهاي الايام
ويتضايق لان مخليها بالوقت اللي جان بي واكع شعرها بس هو مفاهم ليش اني معتز بيها وليش احسها سبب طاقتي
- يا اخي والله لو تشيل هالصور من مكتبك
- ليش اشيلهم شمضوجك انت
- شيلها الا هاي الصور اني اتضايق منهم وما احبهم لان احس بتعب نفسي من اتذكرها
- بالعكس والله ايسر شوف كل نظرة من عيونها من اشوفها احس تنطيني دافع حتى ما استسلم بشي
- انت متابع افلام وتجي تطبقها براسي
- من تحب من كل كلبك حتفهم قصدي
- هو اكو احسن مني يحب
- اويلي منك انت
انت خطبت وهمين ما جزت عيونك على الرايحة والجاية
- اي صحيح خطبت وكلبي الها بس عيوني للحلوات
- ههههه يعني  نادين محلوة
خلي تجي والا اكللها
- يمعود استر علية اتشاقة وياك
- ههههههههه جبان
- الميخاف من مرتة مو رجال
- هههههههههه شوكت تتزوجون صارلكم سنتين خطبة
- شعدنا هيج خلينا احلى
- نفرح بيكم وافرح من اشوفها صاكرتك بالبيت لا منا ولا منا ههههههه
- تخسى منو هاي التكدر علية اني ايسر باشا
وفاتت نادين علينا
- ايسر انت وينك صار ساعة انتظرك وانت كاعد هنا
- حبيبتي وروحي ومعلاكي جايج
- والله عقوبة عليك على هالتاخير الا تعزمني على عشا
- خادم اني بس كون ترضين
- هههه خجلتني
- هههههههههههههههههه
- ها ولك فريد شو تضحك
- لا هيج هيج روح الله وياكم اني حقفل الغرفة هههههههه
- شبي يضحك
- معليج بي عمري انت
يلة يلة دنروح
طلع من الباب واشرلي بيدة بسيطة ورجعت
ضحكت علي ميقبل يعقل ولا يكبر ابد ونادين هي دواه صح كلش تحبة ويحبها بس هي فارضة شخصيتها علي خاصة بعد ما فسخت الخطبة من احمد صارت ارزن من قبل وتتأنى بامورها هواية وايسر محتاج بنية مثلها ..
كمت سديت الغرفة و رحت على غرفة التسجيل جانت ساعة ١ الظهر تقريبا
دكيت الباب و فتت جانت ملتهية بالاوراق وترتيبهم
- اليوم لازم نسوي الاستطلاع ونشوف الاراء حتى نكمل  ولا تنسى مدير الاذاعة حيجي زيارة هاليومين فلازم نكمل كل شي
ونسوي اعداد للحلقة مال باجر
وشغلة مهمة همين اجتماع الاربعاء لازم نبلغ بي الاعضاء
- امرج ست در
- اها
ست در !
معناها الحلو زعلان مني
- و شيهمج اذا زعلت او لا ؟
- ههههه مثل الطفل
- شكرا
- ههههه اني اسفة عن جد ادري هاملتك هاي الفترة بس انت دتشوف الشغل شلون صاير
وبعدين احنا سوية دنشتغل
- صحيح بس اني اشتاقلج
- واني همين و ان شاء الله كلها فترة وراها  راح ادللك كلة لفات فلافل وببسي بطالة بعد شتريد
- هذا اقوى دلال عندج هههههههه
- ها شو تضحك
روح لا لفة ولا بطل
- تعاااي يمعودة اتشاقة وياج
- ابد
- متتحملين شقا
- هههههههههه
- ههههههههه احلى شي بالدنيا ضحكتج
- يلا كافي خل نشوف شغلنا وخر لا يجي احد
- اويييلي امري لله
- بس خل اروح اغسل ايدي وارجعلك
- حنتظرج بالسيارة جوة
- اوكي
اجتي صعدت يمي وبلشت تلعب بالراديو مثل عادتها وتطلع اغاني او برامج واني ماشي بالسيارة هي محاسة وين رايح اني من باوعت للطريق سالتني
- وين رايحين ؟
- مفاجأة
- امممم اليوم مو عيد ميلاي !
- اي اعرف مو عيد ميلادج
- ولا عيد ميلادك !
- هم اعرف بس صبرج علية ست الستات
- اممم اوكي ههههه
نزلنا على الشط وكمت فتحتلها الباب حتى انزلها
- الله على هالمكان
- اتوقع عرفتي او حزرتي ليش جبتج
- تتذكر يعني
- هاليوم مينسي وبالنسبة الي اعتبرة عيد ميلادي و ميلادج
- الله لا يحرمني منك حبيبي
رحت جبتلها الهدية من السيارة فتحتها وهي تضحك وفرحانة
- البوم صور !
- كلبي بي وشوفي
- اوكي
تعال خلي نكعد هناك ونتفرجة سوية
- يلة امشي
كعدنا قريب ع الشط وبدينا باول صورة وهي صغيرة توها جاية للدنيا وصورة بعد صورة بيها كل مراحل عمرها وحركاتها تخرجها وبداية اول يوم بالشغل واول برنامج الها لحد ايام مرضها
- الله هاي الصورة شكد احبها فريد
- واني هم احبها
طلعت عفوية اخذلنياها ايسر من درينا بالخبر قبل ٤ سنوات ...