ع الهوى

٢

#ع_الهوى٢
Shahd Alsalman

بداية المشكلة جانت ويا ولد من القسم بس مو نفس شعبتنا راد يتعرف علية ( صارحني )
وكتلة اني ما اريد وسحبت نفسي منة وبعد كم محاولة فاشلة
مجابت نتيجة وياية ردت احجي ويا فريد وافهمة بطريقتي على ايسر و محاولاتة حتى لا يزعل مني اذا مكتلة وبنفس الوقت ما ينطي اهمية
رحت كعدت يمة بالحديقة  على المصطبة
- هلو
-هلوات
وين جنتي
-هنا وين جنت قابل
- شبيج
- اني !؟
- لعد اني !
- اني ..ما بية شي
انت شبيك !؟
- ما بية بس دا انتظر شوكت تحجيلي اللي ضامتة عني
- مضامة شي
- عينج بعيني
خليت عيني بعينة ووخرتها بسرعة لان ما اعرف اجذب علي ولا اضم
- ها
- فريد
اكو واحد صارحني
- شنووووو يمة منو هذا ؟؟؟؟؟؟
- فريد بلا عصبية الموضوع ممتحمل راح احجيلك من الاول
بس توعدني و داعتي عندك متتعرضلة ولا تحجي وياه واني ممنطيتة اي اهمية بس ممرتاحة ما اعرف ليش
- اوعدج احجي يلة
- هو ايسر اللي بالشعبة الثانية وعندة اخت بمرحلة رابعة عرفتة
- والله هذا الحقير عرفتة من نظرات عيونة عليج
- ترة ما اكمل
- خلص اسف كملي
- طلب رقمي وراد يحجي وياية ورفضت
وراها صاحني على صفحة وهم رديتة
وذاك اليوم اخذ دفتري من سمر وكتبلي بي رقمة وكاتب اتصلي
شككت الورقة ورزلت سمر
- واني اكول ليش وجهج ثكيل على سمر بس متدخلت كلت بنات بيناتهم
كملي وبعدين
- اخر شي كالي انت عندج علاقة ومتريديني
كتلة عندي او ما عندي شي ميخصك وعفتة واجيت عليك
- اذا ما اطيح حظك ايسر بسيطة
- فريد شحجينا احنا مو حلفت وداعتي
هيج رخيصة عندك
- استغفر الله لج هذا هيج يسوي واسكت !!!؟؟؟
- ما اريد مشاكل الله يخليك خلص لخاطري
- ماشي بسيطة
عدت كم يوم بس هو كل ما يشوفة يخزرة وعبالك يكلة بعيونة اصبرلي اني الك
لحد ما اجتي سمر ووديان واحنا بالكافتريا دناكل اني وفريد و زينب وصالح
- شلونكم
- هلا سمورة اكعدو حبي وديان
-بس نجيب اكل ونجي
- يلة منتظريكم
جابو اكل و كعدنا سوية ضحك وشقا وسوالف لحد ما سمر انتبهت على فريد صافن على الميز الورانا بالسرة الاخير
- فريد شبيك صافن
- ما بية
-معليك بي ادري الحجي يضوج بس هو ميعرف شي واحنا نعرفكم انتو شنو
- سمر يا حجي !!
- در شنو ميدري فريد ؟ (بصوت ناصي )
- يا حجي ما فهمتج
- سمر يا حجي !؟؟ احجي
- هيج هيج ماكو شي
ضرب بيدة ع الميز وباوع بعصبية وعيون جادحة على سمر
-احجي دا اكلج
شسامعة وليش هيج كلتي
- فريد صوتك
اني مو لوحدي سمعت هالحجي وعبالي انتو تدرون حتى كلت لوديان همزين فريد ممنطي حجم لهذا ايسر
-احجي عاد
- ايسر يكول على در هي لان مكبلة ولان عدها علاقة ومصاحبة هيج رفضتة وديحجي يم الولد عليها وعليك
-ايسر هيج كال !؟
- اي در صحيح اللي كالتة سمر حتى وين منروح نسمعهم يحجون عليكم عبالك بس انتو بالكلية
- وديان شنو عبالك بس انتو بالكلية ليش انتو متعرفون علاقتي بفريد لو جديدة عليكم عيب هالحجي منكم
- حبي هذا مو حجينا احنا مردنا نحجي بس انتو اصريتو
- بسيطة
كام فريد وشمر الكرسي ليورة واتوجه لميز ايسر وجماعتة وكمنا وراه حاولت اجرة وانبهة حتى لا يروح والكل تباوعلنا
بس وصل للميز
- كوم عندي حجي وياك برة انتظرك
- ومتحجي هنا شبيك
-كوم دا اكلك لا اتصرف وياك غير تصرف
- دروح منا اخذ هاي وياك وروحو
- حتكوم لو افرج النادي عليك
انتظرك بالكراج
طلع واني وصالح وراه
وصالح يحاول يرجعة بس هو كلش عصبي وميشوف ولا يسمع شي
اندار علية وكالي ارجعي للكلية مقبلت صاح بكل قوتة ورجعت وكفت يم باب الكراج وختلت خفت لا يسويلة شي
بقى صالح يمة واجاه ايسر وجماعتة ٤ ولد
اول ما اتقرب منة فريد ضرب ايسر براسة وكعة ع الكاع ومسمعت الحجي اللي دار بيناتهم بس صياح وصارت عركة جبيرة خمستهم على صالح وفريد
صحت على ابو الكراج وصاحبة حتى يفكوهم ركضنا عليهم ناس لازمة بناس وانتبهت على صديق ايسر شايل حجارة جبيرة يريد يضرب فريد براسة من ورة
صحت بعلو صوتي ( فرييييد انتبه وراك )
وخر جسمة والضربة اجت براس ايسر فكيناهم وانهزمو ايسر واصدقاءة وفريد ظل يهدد ويتوعد اذا جاب سيرتي على لسانة او حجة بسمعتي يكون اخر يوم بعمرة
طلعنا من الكراج اخذنا تكسي للبيت وطول الطريق ساكتين اني وياه
بالليل خابرتة
-الو
- الو هلو
- شلونك
-زين وانت
- زينة
اممم بعدك عصبي ؟
- اي بعدني
- لحد شوكت ؟؟
الموضوع انتهى فريد انت كبرتة ومالة داعي
- مالة داعي !!
يحجي بيج وعليج ويشوه سمعتج وصورتج كدام الطلاب واسكت واكول مالة داعي !!
- ادري بس..
-باعي اسكتي احسن
مالة داعي (و قلد صوتي )
.....-
-لا تضحكين
-هههههههههههههههههههه
- كتلج لا تضحكين اني عصبي
- هههههههههههه مدا اكدر اسفة
...... -
- اضحك اضحك لا تحبسها ههههههههههههه
-هههههههههههه
كمنا نتشاقة ونضحك لحد مخلصنا المكالمة ونمنا ..