ع الهوى

١٣

طلب صغير من المتابعين
سوو للقصة اضافة للمكتبة بعد التصويت
شكرا لتفاعلكم حبايب

#ع_الهوى١٣
Shahd Alsalman
تفاجئت كلش بوجود فريد على باب الغرفة وبعدت نفسي عن ايسر سلم علينا بسلام حار وكانه مشتاق وصارلة سنين مشايفنا بس لمعة الدموع بعينة تكول غير شي اني اعرفة هو من يكون هيج معناها ضام شي بداخلة جارحة حاولت افسر تصرفاتة بس معرفت ليش ؛
رحت اسجل حلقة اني و ايسر واختاريت يكون موضوعها هالمرة عن الحنين ولحظات الفراق والوداع وشلون ممكن ننسى كل هاي الذكريات
صار التفاعل قوي ع الحلقة وكل واحد ووحدة جرح بداخلهم اكبر واكثر من الايام العاشوها سوة ويا الشخص اليحبو وتركهم او صار بينهم فراق لاي سبب
بنص البرنامج وبكد المشاعر اللي سمعتها واثرت بية وخلتني اتخيل نفسي بين كل قصة كالوها الي
وكل رسالة وصلوها من خلال برنامجي وحتى طلبات اغانيهم جانت حزينة وحنينة بشكل مو طبيعي
طلبت من ايسر يطلع اغنية وفاصل طويل متحملت وبجيت من كل كلبي كانه بعد مراح ابجي ابد
كام علية ايسر واتقرب مني حتى يسكتني  خليت راسي على جتفة وحط ايدة على راسي وزادت رغبتي بالبجي اكثر
رفعني منة سند وجهي بين ايدة كالي  لا تخافين من شي اني يمج وان شاء الله ميصير اللي ببالج ابد
مرر اصابعة حتى يمسح دموعي عن خدودي 
انفتحت علينا الباب وجان فريد واكف وكعت من ايدة اوراق شايلهم ابتعد عني ايسر كام وكف
وانداريت انطيتة ظهري حتى امسح دموعي
بقينا تلاثتنا ساكتين وكطع السكتة صوت فريد كال اسف بس جنت اسمع الفاصل طول كلش جيت اشوف شكو
وسالني بية شي منداريت علي بس كتلة ما بية و طلع وعافنا حتى ما لم الاوراق
شال ايسر الاوراق وخلاها كدامي باوعلي بمعنى هسة ارتاحيتي  رجع لمكانة وكطع الفاصل رجعني ع الهوا وحاولت اخلص الحلقة بسرعة واروح على فريد
رحت ادورة ملكيتة كالولي طلع قبل ساعة دكيتلة وتلفونة مغلق واكيد بعد كل شي شافة مراح يباوع بوجهي
رجعت لغرفتي والحزن ماليني وايسر ساكت
- شراح نسوي
- هذا نتيجة عنادج در
- خلص لا تلومني
- لو كايلين الة من الاول مجان انحطينا بهيج موقف اليوم
- ايسر اني اسفة لان عرضتك لهيج وضع
- اني ردت كل شي واضح وانت سويتيها ازمة
- لان هي فعلا ازمة شتتصور اذا عرف شيكون حالة
- وهذا الحال احسن
- شوف هو مو احسن بس ع الاقل يريحة ويريحني
- هالوضع ميريح اي احد در ويكفي تقشمرين على نفسج
- اني طالعة للبيت
- لا تروحيلة
- لازم اروحلة
- حيسمعج حجي ميعجبج وتتاذين اكثر
خلص اذا انت شايفة هيج احسن ابتعدي وانتهى كل شي
- صحيح
لعد حرجع للبيت ارتاح
باي
- باي
رجعت البيت شفت سيارتة ماكو رحت لخالة حتى اتطمن عليها واتعذر منها لان مقصرة وياها  حضنتها قوي قبل لا اطلع واستغربت من هالحضنة كتلها احس مشتاقتلج هواية وخايفة اطول عليج لان شغلي ديزيد بالاذاعة وما الحك
- صحيح يوم شغلها واصل لراسها مدتلحك
- هلا يمة شلونك
- هلا بيج يوم
باس راسها و كعد يمها ويباوعلي بنظرة شعندج جاية ويحجي بكلب محروك
جسمي يرجف من نظراتة وعيوني تتوجه بكل مكان الا على مكانة هو مكدرت
- متكعدين لو متكدرين الا باوامر من هههههههه
- شتقصد ؟
- تعرفين شقصد كافي غشمنة
- فريد اذا ع اليوم فاني ...
- اليوم !!!
ليش هو بس اليوم
....-
خالة اني اترخص
- ما كعدتي يمة
- ميخالف غير وقت
- خليها يمة غير وكت هسة تريد تلحك ههههههه
- فريد
- على شنو يمة ؟؟
- هي تعرف على شنو
عفتهم و طلعت استحيت من نظرات خالة وكلامة وياية
حسيتة اجة وراية جرني من ايدي و صرت كدامة عيونة كلها شرار وحمرة واعصابة فايرة ويكز على سنونة من يحجي
- جنتي تكدرين تكليلي بكل وضوح على كل شي
خاف عبالج اني مكاشفج وما اعرف ليش هيج سويتي
- انت مفتهم غلط
- شنو اللي فاهمة غلط حضن اليوم ويمسح دموعج لو كذبج بالمستشفى لو جيتة يمج لو توسلج بي لو التلميحات البيناتكم لو قربة منج اكثر من قربي منج لو توسلج بي حتى ميحجي شي و هو الي علاقتي بي مصار كم سنة يكلج لازم اكلة
هيج!!! هذا تقديري بحياتج وقيمتي !!!!
- صدكني اللي ....
- انت وكعتي من نظري هواية
جنت اشوفج غير
وجنت احسبج مثل هذا الهوا اليطلع والينزل بصدري
واليوم انت كتلتيني ع الاخير
- خليني اروح
- حتى تلحكين تخابري مو
لو ميقبل يوجودي بحياتج وصار هو كل حياتج
مو صح مو هو هذا اللي خلاج تبعدين عني وتحتقريني
- محتقرتك انت منين دتجيب هالحجي
- كم مرة حضنج واتقرب منج بالوقت اللي اني حافظت بي عليج انت رحتي برجلج الة
و بلحظة ضعف من فريد حط ايدة على خصري سحبني الة اكثر ولزم ايدي بقوة وحاول يبوسني و يتقربلي اكثر
فلتت ايدي منة دفعتة عني وضربتة راشدي وهو رجعة الي اقوى وكعت ع الكاع محسيت على شي كأنه انكطع الهوا عني بس حسيت هو ورافعني ويصحي بية
من فتحت عيني شفت بعيونة خوف و ندم لان ضربني وخرتة عني و كومت نفسي وشلت الجاكيت مشيت ببطئ للباب
وعفتة ورحت للبيت وهو يردد اني اسف در مو قصدي ويلحكني
فتحت الباب وطلعت من البيت
و من هذا اليوم واني وهو منحجي ولا حتى نسلم واحد ع اللاخ ..