ع الهوى

٢٩

باجر ان شاء الله اخر ٣ اجزاء

#ع_الهوى٢٩
Shahd Alsalman
دكتور عامر شايل بيدة ظرف جبير ويباوعلنا بلش يفتح بي ويطلع منة اوراق واني بعد حيلي ميشيلني رحت يم فريد تقربت منة وكعدت ع الكرسي اللي يمة ولزمت بيدة
رفع الدكتور عامر عيونة علية واني كلبي يريد يطلع من صدري
- دكتور شنو خوفتنا
- در بنتي
اني اعرف انت قاومتي هواية وادري هالشي صعب عليج جان
واني اجيت بنفسي حتى ابلغج باللي صار
- صار شي مو زين ؟
- تجاوزتي المرض وتشافيتي منة بنسبة مية بالمية
دمعت عيني واني اباوعلة واباوع لفريد مصدوم بس فرحان وايسر اللي جان يضحك
فريد ركض ع الدكتور وحضنة ويحجي وياه
- ما اعرف شلون اشكرك
انت رجعتلي حياتي
- الفضل لله والها هي جانت قوية ابني
- الحمدلله
اشكرك اشكرك هواية
و رجع عليةحضني وبجينا اني وهو ممصدكين اللي صار رجعت تقدمت علي حتى اتاكد
- دكتور انت متاكد ؟
- مليون بالمية بنتي
-مو انت كلت اسبوعين وتطلع النتيجة
- الصراحة اني جنت متاكد منها واعرف هيج حيصير وما ردتج تفكرين انه النتيجة قريبة بس انتظرت الفحوصات حتى اجيج بنفسي وافرحج انت وفريد واهلج
تشكرنا منة وطلبت من فريد نرجع نبشر اهلنا وناخذ الدكتور ويانة
- فريد خلي نروح لاهلي
- يلة امشي
- اوكف خلي ناخذ الدكتور ويانة
- ماشي
يلة
ايسر
- كول
- لا تحجي لاحد باللي صار
- ليش
- بعدين افهمك ليش
اخذنا بالسيارة وطول الطريق نضحك ونحجي ردت بينا الروح من جديد
واكيد اهلي ما راح اكدر اوصف فرحتهم وسجدة ابويا شكر لله على عافيتي ودموع امي واحضانها الي
ظلينا كاعدين ساعتين سوية واهلي ممصدكين كل شوية جايبين اكل و شرب شكل
حسيت الدكتور عامر تعبان من طريق السفر مبين علي
- اني اترخص منكم رايح ارتاح
- وين دكتور عامر
- والله ابو در اني تعبان من الطريق واول بارحة جانت عندي عملية
منايم
-الله ينطيك صحة وعافية مثل ما تتعب ويا المرضى وتأدي واجبك على اكمل وجه
- دكتور
- نعم بنيتي
- عندك بيت هنا
- لا راح احجز فندق
- ماكو داعي بيت فريد موجود
- اي بس ..
باوعلي فريد بعصبية
- در
- لا بنتي احجز فندق احسن
اشرتلة لفريد لخاطري
- دكتور انت تبات يمي اليوم
- ما اريد اكلفك ابني
- بالعكس حتنورني
- الله يسلمك
يلة عيني اترخص وعدكم العافية
- الف شكر دكتور ان شاء الله طولة عمر ومتشوف مكروه يا رب
- تصبحون على خير
- وانت بالف خير
اخذني فريد على صفحة
- حسابح بعدين
- ميخالف قابلة
باي
ركضت سديت الباب واضحك رجعت لحضن اهلي ونمت يمهم مثل مجنت اسوي اني وصغيرة ..
بالليل دزلي فريد رسالة حتى يكلي نطلع باجر من وكت جاوبتة اوكي
الصبح بدلت وطلعت انتظر فريد بالباب طلعلي وصبح علية وجان شكلة متضايق كلش
- فريد عادي نروح لمكان قبل الاذاعة
- اي اوكي وين تريدين
- اي مكان
- صار
نزلنا ع الجسر و فريد صفن صفنة طويلة اتقربت منة حطيت ايدي على ظهرة
- اني اعرف انت مضايقك هالوضع بينك وبينة
- احس محتاجلة بس كارهة
بارحة حاول هواية يحجي وياية سولفلي عن شغلة وحياتة
- شكالك ؟
- حضرتلة فراشة وكتلة يشوف المخدات اذا زينة او يريد بعد
كعد يمي وكالي تعال هنا اكعد واشرلي ع الفراش كعدت يمة
- تعرف اني اكثر شي فرحني بحياتي هو لمن عرفت عندي ولد
- بس اني مو ولد اني رجال
- والنعم بيك
- و هذا مو قصدي
قصدي انت عرفت متاخر انك عندك ولد ولحكت علي وهو رجال
- اعرف مراح تسامحني ولا تتقبلني بحياتك وهذا الشي من حقك
اني تركت امك وتركتك بدون اي سبب بنظركم
خليت كل شي ورة ظهري ورحت بس الي اسبابي يمكن هي متهمك بس يهمني تسمعني
- ميفرق اذا سمعت او لا مراح يغير حقيقة انك غريب عني وصلتي بيك اسمك ورة اسمي مو اكثر وبالنسبة للدم فهذا شي خارج ارادتي لو الي حق اختيار ما اختارك الي اب
- لهاي الدرجة حاقد علية ؟
- امي معلمتني احقد ولا ربتني ع الكراهية اصلا هواية حجتلي عنك وجملت صورتك بعيني حتى وهي تحجيلي قصتها وياك وعذابها تنطيك حق وتعذرك لدرجة كمت احس بالكذب بكلامها في سبيل ما اكرهك بس اللي  هي مكدرت تعرفة ولا تفهمة انه مشاعري مو بيدي
وما كدرت لليوم انسى كم موقف وموقف احتاجك وما الكاك لان ما عندي اب
كم اجتماع اباء وامهات بالمدرسة يصير واني اباوع اولاد وبنات جايين ابهاتهم وياهم واني امي وياية بكل سنة
كم مرة ردت اغلط واني مراهق وما عشت جو العقاب منك حتى تطلعني رجال
وكم مرة وكم مرة ما يخلصن ومراح اطولها عليك لان هاي شغلات تنعاش بوقت معين واذا فات معناها ما تنعاد ولا تتعوض بشي ثاني
- صحيح
بس خلينا نتفق اتفاق صغير باعتبارك مذيع واعلامي ناجح
- شنو الاتفاق ؟
- هواية تجيك اتصالات للبرنامج اكيد حتى لو مجنت انت مذيع بس تسمعها للاخير
اعتبرني مستمع ببرنامجك واتصلت بيك احجيلك
- حكطع الاتصال
كمت ومشيت من يمة
- فريد انتظر ابني كتلك حتى لو ميهمك فالي يهمني
اريد ارتاح من عذاب الضمير لان اعرف انتو تاذيتو كلكم بسببي ....