ع الهوى

١٢

الاحداث الجاية اقوى واحلى
اتمنى تصوتون اكثر حتى انزل القصة اسرع

#ع_الهوى١٢
Shahd Alsalman
اصعب لحظة من رجال يفارك امة هنا فعلا يحس نفسة طفل وبعدة محتاج حنانها وقوتها ومساعدتها بس اليوم صار العكس هي بحاجتي
دخلت للعمليات وكلبي وياها يمكن اكثر مرة بجيت بحياتي هاليوم وما اعرف مكتوب الها تعيش لو خلص هنا نهايتها واني جنيت عليها لمن وقعت تعهد موافقة على العملية ؛
تمنيت افوت وياها للغرفة واخليهم ينطوها روحي ودمي وكل شي بية بس تعيش وترجعلي
سحبني عمي ابو در وكعدني يمة وكالي اقرالها قران بس اول مشفت السورة بجيت اريد الله يستجيب لدعائي كعدت يمي در حسيتها تواسيني وتكلي اني يمك
اثناء ما اقرة دك تلفونها قريت اسم ايسر وهي غطت شاشتها بسرعة وتسحبت من يمي وراحت برة اعتقد عبالها ملحكت اقراه؛
ترخصت من اهلها وكتلهم حروح اغسل وجهي بس لحكت در وشفتها تحجي بالتلفون حاولت اتقرب بس مسمعت شي منها
رحت وراها بالضبط بمكان ختلة وسمعتها تكلة ..
"كتلك اني باقية هنا ومراح اروح حتى لو زعلت علية "
"لا ايسر هو بيا حال هسة لا تجي "
" شنو ليش انت مو تعرف الوضع وكتلك "
"يلة خلي اروح هسة بس تخلص العملية ونتطمن عليها ادكلك "
" اي اكيد هههههه لا تخاف علية "
" باي "
" ها "
" هههههههه والله ادري يلا باي "
سحبت نفسي بسرعة ورجعت قبل لا تجي ؛
حسيت نفسي مغفل وكلش غبي لمن حسبت حساب خاطرها تزعل مني لان كتلها احبج بس يمكن اني مو الشخص اللي رادتة وهسة لكتة
حسيت اريد اشرب من دمها ؛ شعوري بالاشمئزاز من احساسي تجاه در خلاني اتصرف وياها بطريقة ناشفة ما انطيها اي وجه
من رجعت سالها ابوها وين رحتي وردت علي للحمام غسلت وجهي وجيت مجابت سيرة المكالمة ولا كالت جنت برة تركت هالموضوع حاليا لان امي اهم من اي شي حتى من در ...
طلعت الدكتورة بعد مدة وكالت العملية نجحت الحمدلله وان شاء الله كل شي يرجع طبيعي احسن من قبل بس فترة وتعدي هالازمة
عمي ابو در حضني وخالة تحمدت بالسلامة ودموع فرحها موكفت و در همين بس مباوعت ابد بوجهها حتى من كالتلي حمدلله على سلامتها مجاوبتها واعتقد هي حست علية لهذا اتطاهرت بالتعب و انسحبت وكالت لامها اني راجعة بس اهلها ظلو متوترين لان رجعت وحدها وابوها كال راح اروح للبيت فبقت امها وياية
دكتلي بالليل اكثر من مرة ومجاوبتها كتبتلي رسالة انت كاعد وهم مرديت عليها
بقينا كم يوم بهذا الحال اني ملتهي ويا امي وما اباوعلها ولا انطيها اي مجال تحجي وياية وهي هم حست وكامت تجي قليل
بعد فترة شهر او اقل امي كامت بالسلامة و رجعت عافيتها فخرجتها من المستشفى ورجعنا للبيت
اجتي خالة ام در وابو در وسلمو على امي وهي سالتهم عليها كالولها بالشغل ومكدرنا نتصل عليها مغلق تلفونها
واني هنا اجتي مليون فكرة ببالي ما اعرف برغم كلت ابتعد عنها واخليها تشوف حياتها بس شي داخلي ميكدر يخطي هالخطوة لان بعدني احبها
دكيت لايسر مشالة علية ودكيت لنادين هم ماكو
٤ أيام فاتو وهي لا مرت علينا ولا دكت علية حتى اهلها مشفتهم بالبيت او يمكن من يفوتون و يطلعون ما اكون ويا وكتهم ويمي امي او اني يمها نتفاوت
وبالليل دك تلفوني جانت در
- الو شلونك فريد
- هلو شلونج
- اني اسفة مكدرت امرلكم والله مشغ...
- عادي مو مهم اكيد مشاغلج هواية
- تمام
شلون صارت خالة
- احسن شكرا ع سؤالج
- العفو واجبي
باجر امرلكم
- ماكو داعي
- نعم !
- ماكو داعي تعب عليج قصدي
- بالعكس
تصبح على خير
سديت التلفون حتى بلا ما اجاوب عليها وفعلا مجنت اريدها تجي لان من اشوفها اضعف كدامها وكدام عيونها وضحكتها وبنفس الوقت احس بنيران بداخلي والغريب انه ولا سالت سبب تغييري عليها ولا حتى عاتبتني على برودي واهمالي الها ويمكن هي هذا اللي رادت توصلة حتى تكمل ويا ايسر براحتها ..
صوتها خلاني احن و اميل حتى احجي باسلوب حلو بس اتذكرت طريقة حجيها ويا ايسروتراجعت
رحت نمت وكعدت الصبح حتى اكعد امي واريكها
كالتلي امي روح على شغلك وشوف امورك لا تكعد اكثر اني طبت هاهية
وبعد الحاح واصرار منها انه هي تحسنت ولازم ما اهمل شغلي اكثر من هيج رحت بدلت وتوجهت للاذاعة من فتت سلمو علية الاستعلامات و شفت احمد و وليد والبنات سلمت عليهم
وفتت على غرفة المدير سلمت علي و اشكرت منة على الاجايز و على مساعدتي واتصالاتة بية طول الوكت وبعد نص ساعة تقريبا طلعت من يمة رحت للغرفة دا اريد افوت وجانت الباب نص مفتوحة
شفت در قريبة من ايسر وهو يحجي وياها بطريقة شبه عصبية وهي واكفة كدامة كانما تتوسل بي
- كتلج اذا مكتيلة اني اكلة
ولج افتهمي هالشي مينضم
- ادري والله
بس ساعدني ما اكدر اروح اكلة هيج بهاي السهولة حيتاذى
- در صدكيني هو حيزعل اكثر مني ومنج اذا ما عرف لا تسوين هيج لا تحطينا بهيج موقف صعب مراح يصير شي واذا مدتكدرين اني راح افهمة واحجيلة اعرفة عزيز عليج
- ما اكدر صعب علية اكلة هيج شي
- استغفر الله يا عزيزتي يا عيوني هو حيعرف اول وتالي
- لهذاك الوكت حعرف شلون اتصرف بس هسة
اصلا توها امة طلعت من المستشفى و.. ..
- تالي وياج تعبتيني والله عنادج كلش يتعب واني ليل نهار وياج بس مدا اكدر عليج
- خلص لعد خلينا هيج احسن وسد هالموضوع هو بوكتة يعرف عود
-شوكت ؟؟؟ من ...
جريت نفس قوي ودكيت الباب كطعت حديثهم وصار كل شي واضح بالنسبة الي
سويت نفسي اضحك وكأنه مسمعت اي شي ولا حتى لاحظت وكفتها شكد قريبة منة وشلون وخرو واحد عن اللاخ سلمت عليهم وحضنت ايسر وبداخلي نار تريد تحرك كل شي موجود كبالها ....