ع الهوى

٢٣

#ع_الهوى٢٣
Shahd Alsalman
شكد حلو شعور اللي تحبة يصير الك ويختفي احساس الوحدة من حياتك در بحضني واني يمها واحس بيها تكلي انت امان الي ؛
الليل طويل وهي متكدر تنام ونفس الشي اني
- در انت مرتاحة ؟
- فوك متتصور
- الحمدلله
عادي نسولف لو ما بيج حيل تحجين
- لا عادي بس اني لان حسيت نفسي مسترخية فسكتت
- شلون عرفتي بالمرض من شوكت ؟
- ما اعرف من شوكت هو موجود بية
بس بديت احس بتعب قوي حتى من انام واكعد احس بنحول عبالك ولا نايمة
بالبيت مرة نزف خشمي كالتلي ماما يمكن مرتفع ضغطج قاستليا ومجان بي شي اصلا نازل شوية
دوخات واغماء ومرات تحسس بجسمي او زراك بلا ما انطخ وافلاونزة بس هي اعراضة
مجنت مريضة بالافلاونزة يعني
رحت دكتور وطلب مني فحوصات وخزع يعني هواية شغلات ومكال انه هو شاك بالسرطان بس القلق مبين بوجهة
- ومن كالج ع النتيجة شحسيتي بوقتها ؟؟
- بيوم اللي كتلي حتروح للمحطة قبلي بيوم عيد ميلادي يعني
- اي
- دا اجي واتصل علية الدكتور من رقم العيادة وكالي تعالي
رجعت واخذت ماما ويايا و رحنا العيادة
اول ما كعدنا كال اريد يكون ايمانكم قوي بالله وما تفقدون الامل
وامي كامت ترجف مثل السعفة وراسا بلا شعور مني كتلة بية سرطان وابتسمت جنت اتشاقة وياه يعني ما اقصدها
كالي للاسف بيج المرض بس ان شاء الله الة علاج
- خالة شنو سوت !؟
-خالة كضتها بجي ومجلبة بيدي متقبل تهدها وتتوسل بالدكتور حتى يلاكي علاج وتسالة ع السفر يعني هم حجو هواية بالموضوع بس ما اتذكر شي لان بالي كلة جان يمك من راح تعرف شتسوي وشون حتواجه هالموضوع وتتقبلة
وتمنيت لو مماخذة امي وياية جان همين مخليتهم يعرفون بشي
مردت احد بيكم يتاذى والله
- بس غلط هالتصرف در
احنا نبقى بحاجة الناس حوالينا خاصة النحبهم
هسة انت ببعدج عني اذيتيني
وببعدي عنج تاذيتي
يعني ما اختلف الوضع هواية كل شي جان متشابه بس الفرق ما ادري بمرضج
- صحيح
-و بعدين
- ماكو بديت كورسات علاج تحضيرية وفحوصات اشمل
بديت اتعب اكثر هواية
ما اعرف شنو صار ويا الدكتور خلاه يسافر وحولني  على دكتور غيرة بس ايسر نصحني بدكتور عامر كالي صديقة عمتة متشافية على ايدة وبروفيسور ابوية مجذب خبر واتصل بي وكالة يجي حتى يشوف حالتي بس باعتبار ما اتحمل السفر والمكانات البعيدة وتغيير الجو ايسر رتبلي انه نكعد ويا عمتة وحضرتلنا الطابق الجوة مقبلت تاخذ فلوس من عدنا
- ابوج لهذا السبب صفى شغلة ببغداد مو !؟
- اي
وراها صار يوم السفر واجيت لهنا
صحيح اني جنت كلش كارهة حتى اتعالج هنا لان ما تخيلت يوم اترك كل شي وراية وبهيج طريقة بس اللي جان مريحني شغلة وحدة
- شنو هي
-الدكتور بي شبه منك بحيث اول ما شفتة فزيت عبالي انت
حتى اهلي كالولي
- اي صح يشبهني
- انت شفتة مو
- اي وحجيت وياه
- حباب كلش وكلبة طيب
وبالة طويل بالعلاج يعني شكد جنت اخاف واتوجع خاصة من اخذ الجرعة بس هو بطريقتة يخليني اتقبلة
- صعب الكبمياوي ؟
- احساس مينوصف فريد
يبدي يسري شي بالجسم مثل النار على لسعة تيزاب جنت اشبه الالم مالتة بالفلاش مال تنظيف من تطفر بالغلط على جسمك او ايدك بس بعد اقوى شدة الوجع
ابلش اتقيء وادوخ هواية ومرات انام حسب كل جرعة شكل
بس تعرف شي
- شنو حبيبي
- هذا كلة بجفة ومن كمت اشوف شعري شلون يوكع خاصة من انام واكعد اريد اكوم اتحرك شوية الكى خصل شعري ع المخدة او توكع ع الكاع
شكل وجهي وهو يذبل مرة بعد مرة ويبهت لوني يوصل للبياض
الملابس اللي ما اكدر البسهم لان متصير علية حتى اصغر قياس ميرهم لان اضعف وجسمي حجمة يصغر
ما عدا قائمة الممنوعات علية اكل شرب نوعية القماش اللي البسة الجو و التعقيمات وهواية شغلات
-تعبتي حبيبي واتمنى اشيلة كلة عنج
- لا تحجي هيج اسم الله عليك
- در
- نعم
- اريد اكلج شغلة
- شنو كلي
- هذا الدكتور مالتج تعرفين ليش يشبهني
- اكيد  هالشبه حتى الله يعوضني بيك
- يمكن صح كلامج بس هو
- شنو هو شبيك سكتت
- هذا ابويا
رفعت نفسها من حضني واندارت علية
- صدك !!!!
- ممنتبهة على اسمة ؟
- اي والله صحيح بس متوقعت يكون هو ابد
- لا هو
- زين هو عرفك
- منين يعرفني هو اصلا مشايفني
بس اني عرفتة علية وكتلة اني ابنك
- وشكال؟  شنو جان رد فعلة !؟
- والله ما اعرف يمثل علية مدري متفاجئ ما ادري
- شسوة
- راد يحضني وابتعدت عنة
- ليش ابتعدت فريد هذا ابوك
- در اني ما اعرفة يعني هو غريب بالنسبة الي ماكو اي صلة بيناتنا غير الاسم والدم ماكو شي بينا مشترك عدا الشكل لا اعرف هو شنو من بشر لا هو يعرفني شخص اقل من عادي
بس حسيت بغربة تجاهة كلش ولا كأنه ابوية ومفروض افرح من اشوفة
- والله فريد ما اعرف شكلك بس هو يظل ابوك واكيد فرح بيك
- ميهم يفرح او لا المهم عرفني وعرفتة وهذا كافي
- اي بس
- اكلج مراح تنامين
- لا خل نكمل حجي
- در اني صارلي ٣ ايام منايم وكلش احس بتعب
خلي نام
- وحتنام يمي هيج
- اي طبعا بعد انت صرتي الي
- لا كوم افتح هذا السرير ونام بي
- هاي ليش هيج
- اول شي عيب اذا الصبح شافونا هيج وثانيا ما اكدر تنام يمي لان هسة بعد شوية حتجي الممرضة تخليلي محلول
دتحجي وفاتت الممرضة سوت مثل مكالت در وشوي وغفت واني هم غفيت ...