ع الهوى

٧

#ع_الهوى٧
Shahd Alsalman
كملت كتابة اعداد حلقة اليوم من البرنامج واحتاجيت ارتاح شوية رحت للكافتريا حتى اجيب كهوة وشفت نادين هناك سلمت عليها وكعدت وياها وشكلها جانت ضايجة كلش
نادين بنية مرحة و صريحة وكلش حبابة بس مشكلتها مندفعة
- نادين ليش ضايجة !؟
- ما بية شي
- دكولي شبيج! وجهج ميكصة السيف
- كون اكص راسة بهذا السيف
-يا ستار منو هو !؟
- احمد
-احمد ! شسوالج
- مسوة ليش هو يتحرك حيخبلني ساعة احسة وياية وساعات علية
مدا اعرف شيريد
- انت مو كلتي هو اعترفلج بحبة
-اي صح بس مديسوي شي لهذا الحب واحسة متورط وياية
- لا هاي يتهيألج اكيد هو يحبج بس انت هواية توهسين وبعدين احمد مو هوائي ومو من نوع يكول حجاية ويرجع بيها
- هوائي و لا ترابي ميهم
اصلا حعوفة اني
اذا يريدني يعرف شلون يوصلني
- لا مو هيج اكعدي واحجي وياه حتى لا تظلين معلقة نفسج
- انت هيج تشوف ؟
- اي طبعا من يكون كل شي واضح حيرتاح الطرفين
-وياك الحق
نشوف شلون الله كريم
مو تروح تفتن علية يمة
-ههههههههه ششايفتني قابل اني نادين
-هاااا هيج صرت هسة فتانة
-هههههههه الله يشفيج
- اكلك فريد اشتاقيت لدر كلش شوكت تخلص اجازتها
- بعد ٣ ايام تقريبا
- اييي واخيرا حترجع يمعود الاذاعة متسوة بلياها
- نادين
بعد ٣ ايام !!!!
- اي افتهمت
-اقصد عيدميلادها حيصادف بعد ٣ ايام مو بس تخلص اجازتها
-اي والله صحييح
والله هالشغل نساني حتى نفسي
لازم اطلع اجيبلها هدية
ولا اكلك شنو رأيك نسويلها مفاجأة ؟
-شنو ببالج ؟
-نجيب كيكة ونزين الغرفة نبقى ساعة اضافية ورة الدوام حتى من تجي نفاجأها ونكول للبقية علمود يتحضرون
- يلة لعد هاهية
- هسة من اكمل دوام اطلع اشتري شغلات مال زينة واشوفلي كيكة حتى احجزها
-لا الكيكة خليها علية اني اختارها و انت عليج بقية الشغلات اختاريهم
-تمام
- يلة كومي نشوف شغلنا
-اوكي
من حجيت ويا نادين اجتني فكرة اعترفلها بحبي الها بيوم عيد ميلادها بس طبعا لازم احضر للمفاجأتين وحدة كلنا والثانية لوحدي اني وياها وكعدت اخطط شنو ممكن اسوي وشحجي واي مكان اختار وهالشي ميكمل الا بمساعدة ايسر لان هو يعرف شلون يرتب المفاجآت وشيحبون البنات
بس مكتلة انه راح اعترفلها بحبي ولا جبت سيرة در كدامة كل اليعرفة بنية حابها واريد اسويلها مفاجأة 
رحت علي ساعدني باختيار المكان ولون الطاولة والورد والشمع وحلينا هذا الموضوع
وبعد الترتيبات السويناها خلصت اجازتها اللي طولت اسبوعين وعبالك سنتين غايبة عني ولو اني جنت احجي وياها واروح اسلم عليها بس بالدوام غير شكل دائما تكون كدام عيني وويايا
من احنا وصغار سوية فغيابها يفرق عندي و ياذيني
اول مفاتت شافتنا كلنا موجودين وكبالها اتفاجئت كلش مجانت متوقعة هيج شي خاصة انه اني كتلها رايح قبلج للدوام عندي حلقة ممخلصها
سوينا العيد ميلاد وهي فرحانة بس احس بعيونها دمعة حزينة ما ادري ليش او يمكن لان جانت مريضة فوجهها تعبان
اكلنا كيك وانطيناها الهدايا واخذنا صور جان يوم كلش حلو بالنسبة الها
اما بالنسبة الي جان ...