ع الهوى

١٠

جزء سريع
تصويتكم متابعيني ❤️

#ع_الهوى١٠
Shahd Alsalman
اليوم الثاني بالمستشفى جنت وحدي بايت ويا امي لان ممنوع اكثر من شخص يبقى رجعو در واهلها
مكدرت انام اخاف لا اغفى وتموت هاي الفكرة سيطرت علية وهدت حيلي
طلع الصبح واجت الدكتورة حتى تشوف الفحوصات وشنو لازم نسوي بخصوص علاجها و بعد ما شافت الفحوصات
ذبت النتائج من ايدها وباوعت علية جرت نفس حتى تحجي
اندكت الباب جانت در جاية وكعدت مقابيلي حتى نسمع شتكول
- خليني بالبداية اطلب منكم شوية صبر وتفهم للحالة
-دكتورة شنو طلع !؟
- مثل مكتلك توقف بالكلة اليسرة وعدها انسداد بالشريان هذا اللي بين بالفحص
حاليا راح نسوي عملية قسطرة بسيطة والكلة نعالجها بادوية وجرعات منشطة يمكن تستجيب للعلاج وتبدي تتفاعل وتشتغل مثل اول
- هالشي شكد يطول ؟
-بيد الله كلها احنا منعرف مدة للعلاج لان هذا يتبع قابلية الجسم على تقبل العلاج
- شوكت نسوي العملية
- بعد ما ينزل ضغطها فورا ندخل عمليات
- الله كريم
- لا تشيلون هم اللي كاتبة الله يصير ولا تيأسون رحمة الله موجودة
- ونعم بالله
طلعنا من غرفة الدكتورة واني ظهري محمل هموم مثل الجيل
در تحاول تساعدني بس مكدرت توصل وياية لحل
كابلت امي وغرفتها وترجيتها ما تعوفني وترجعلي بسرعة
در كالتلي حتروح للاذاعة حتى تسوي اجازة الي والها وتبقى وياية مقبلت وخليتها تسوي اجازة بس الي
وامها اجتي ورة مطلعت هي وبقينا كاعدين سوة
- خالة ليش متروح ترتاح وتذب هاي هدومك وترجع هاي اني يمها
- ما اكدر اروح هيج مرتاح
- امي اسمع حجاية هيج راح تتعب وانت وراك تعب اكبر ولازم تعينها وتعين نفسك
- شنو اكبر بعد من هذا
امي بين حياة وموت ما اعرف شوكت تصحى لو ...
- الله كريم ابني كول يا رب
المرض صعب بكد ميتوجع المريض منة يتوجع اهل المريض اضعافة
- نار بكلبي
- و بكلبي يمة
- ليش خالة ؟
- يعني اقصد امك عشرة عمر واختي  الثالثة هذا قصدي
- الله يديم المحبة ما اعرف شلون اشكركم على وكفتكم
- فريد هذا حجي جديد جنك متعرف انت مثلك مثل در
- لا والله مو قصدي
-لا قصدك ولا شي كوم روح للبيت عقاب عليك وبدل ونام وارتاح
وتعال اني هنا
- خوش
بس در تاخرت
-در من تخلص تجي لهنا روح الله وياك
رجعت للبيت حتى اغير هدومي و ارتاح بس دكيت على در ومجاوبتني بس يدك جهازها خابرت ايسر حتى يشوفها
- الو هلو ايسر
-هلا فريد شلونك
-الحمدلله وين انت شو هوسة يمك
- اني
اني بالاذاعة
شلون صارت الحجية ؟
- نفس الوضع والله متغير شي
- ها تمام محتاج شي
-ايسر شنو صوت هاي الهوسة عبالك مو اذاعتنا
- لا هي بس فاتحين برنامج وثائقي
- ها اوكي
در يمك ؟
- در
لا جانت هنا وراحت يم المدير
- خوش من ترجع خل تدكلي
-ان شاء الله ممحتاج شي ؟
-سلامتك خويا
مع ال....
انسد التلفون حتى بعدني ممكمل السلام وصوتة قلق وترني كلش
اتصلت خالة ام در علية وكالتلي امي صحت و تريدني
بسرعة لبست وطرت بالسياقة حتى اوصلها
والحمدلله شفتها فاتحة عينها وناقليها بغرفة من العناية 
والدكتورة كالت المفروض اليوم ينزل ضغطها لان كلما تزيد الايام وهي بنفس الحال حيتأزم الوضع اكثر
بوست ايدها ممصدك هي كاعدة بس لونها مخطوف وحيل مبين بيها المرض والتعب
كمت اوكلها واشاقيها حاولت بكل الطرق اخلي نفسيتتها تتغير لان هالشي حيساعدها حتى تتخطى هالازمة
صار المغرب و نامت شوية من اثر المسكنات
انتبهت على الوقت دخلنا ع العشا ودر ما اجتي ولا دكت علية
وحتى امها العصر راحت وبعد مخابرتني
دكيت عليها كم مرة ماكو رد
رجعت دكتلي
- الو
-الو هلا فريد شلونك
- هلا بيج وينج اليوم ظل بالي
- اسفة بس جنت مشغولة كملت كل الشغل وسويتلك اجازة شهر ما اعرف بسرعة طار الوقت
- تعبتج در
- بالعكس فرحت اليوم من دريت خالة صحت
- اي والله متدرين شكد ارتاحيت
- ان شاء الله تكوم بالسلامة
- امين
روحي نامي صوتج تعبان
باجر تجيني مو
- اي اكيد اكمل تسجيل الحلقة واجيك
-اوكي تصبحين على خير
- وانت بخير
نمت شوية على القنفة اللي بغرفة امي وحلمت بيها احد ديحاول يقتلها وتستنجد بية بس اني مثل المجتف ما بيدي شي وامي تصيح علية حتى اساعدها
حسيت شي نايم على صدري بين اللي دا اكول هذا حلم وحكوم منة وبين اللي حسيتة حقيقة وبصعوبة فتحت عيني
شفت امي نايمة ومستقرة واني جسمي يرجف ومنمل وعركان
طلعت من الغرفة
جانت ساعة ٣ ونص الفجر ردت ادك على در
بس خفت تفز
دزيتلها رسالة
" در انت نايمة ؟"
ردت علية بعد ثواني
" لا خير شصاير بيها شي خالة !؟ "
جاوبتها
"لا بس حلمت حلم محلو "
دكت علية
- ها فريد شحلمت ؟؟
- انت ليش منايمة !
- مجايني نوم بالي يمكم
- احنا زينين بس اني شفت امي بالحلم مو زينة
وخفت كلش
- معناها لا تحجي الحلم اتعوذ من الشيطان وارجع نام ارتاح هاي من القلق
- اوكي وانت نامي
- تمام تصبح على خير
- وانت بخير