السلام عليكم أحبتي ....يسعدني اللقاء بكم من جديد .....مع أحداث قصه جديده ....لا تنسوا تواصلكم ودعمكم لي دائمآ 🍀🍀
🍀
🍀
🍀
حنان .....جنت أغسل بالكراج ..ووكفت سياره بالباب ...ركضت حتى ألبس عباتي ..وأسمع واحد يصيح ورايه ....حنان أوكفي ...
درت وجهي ...وأشوف إبني كيان دمه بطوله ..واخويه أكرم يسحل بي
حنان ....يمه وليدي ..هاي منو مسوي بيك هيج حبيبي ...وركضت حظنته ...وأسمعه يون
أكرم ....شوفي حنان إذا هاي المره جبته ألج عدل المره الثانيه أدفنه وما أخلي واحد يعرف خبره
حنان ....شبيك أكرم.....ليش هو شمسوي
اكرم ....ألف مره حذرته ....بعد ميتقرب لبنتي ...وهو بكل صلافه واكفلها بباب المدرسه ....شوفي ..مثل ما كتلج هذا أخر إنذار .... أني لليوم ماناسي عارج ...تريدين تورطين بتي .... وتربطين اسمها بأسم واحد امه....أستغفر الله ربي وأتوب اليك ...( وعفتهم وطلعت)
حنان ....يمه أني مو حذرتك ...وكتلك بعد لتتقرب لبت أكرم
كيان ....يمه ماكو شيء يبعدني عن ريم غير الموت
حنان ....لعد يمه راح تشوف الموت على أيد خالك
كيان ...والله أخذها من عيونه ...مو شافوا نفسهم ظلموج ...ومحد دافعلج ...لأن جنتي ضعيفه بلا معين ....لا متوهمين .....ريم...... حبيبتي وما أقبل واحد يحرمني منها بسبب كذبه ...لفقها واحد ناقص صدكوها وظلموج
حنان ....يمه فدوه لعينك أكفينه شرهم ...وما دام الله يعلم بالحق ...وخلصني من بين أيديهم ....وما ذبحوني ...لتحط ركبتك جوه سجينهم ...وتخليهم يذبحوك ..إني ما عندي غيرك بالدنيا
كيان ...يمه فدوه ساعديني أريد أكوم أدخل البيت
حنان ....سندته وكومته من الكاع ...وبقيت لازمته لحد باب الحمام ...يمه فوت أسبح ..وأرتاح ..وأكو رب إسمه الكريم
كيان ..ونعم بالله
حنان ( نسيت أعرفكم بنفسي ..... أسمي حنان ...وهذا الشئ ما حسيته ولا شفته بحياتي ....لأن عشت حياتي كلها عذاب وقهر ...وألي زاد الطين بله ظلم أخوتي الي ...ولأبني ..على كذبه كذبها واحد حقير ودفعنه أحنه ثمنها .... احجيلكم عن حياتي شويه )
حنان..... يمه أجه عدنان فدوه اذا سأل عليه كوليله نايمه
ام عدنان ....شلون تريديني أجذب على اخوج ... وهاي شيباتي
حنان...... لخاطري
أم عدنان.....نطمري بلكي صدك تغفين ....ويصعد يلكاج نايمه
حنان.....أي فدوه لعينج أني راح أمدد بفراشي وأغمض عيوني
ام عدنان ....هله بيك يمه شلونك
عدنان ...هله .....يمه صيحي حنان أريد أسمع جوابها بأذني
ام عدنان.....هااااااا يمكن نايمه
أنت تقرأ
قلوب مهاجره
Romanceكل انسان يتحمل نتيجة اخطاءه هذا ما ينص عليه قانون الحق لكن..... في قصتي ..... زوجه تتحمل نتيجة اخطاء زوجها... وشاب نشأ في مجتمع ظالم ....جعله يتحمل أخطاء والده المجتمع لوالدته......وفتاة تتحمل اخطاء والدتها 🌹🌹🌹
