قلوب مهاجره

البارت الثالث عشر

مساء الخيرات
🍀
🍀
🍀
🍀
حنان ....بقيت كاعده بمكاني وأباوع عليهم .... حتى نهى وبناتها نزلوا يتفرجون على العركه .... وإني حيلي مهدود ..ما بيه حتى أصيح على كيان

رعد .... ها ناقص ولك الله جابك ....وأجيت ألي برجليك

سعد ... طلعت حنان ... وإني طلعت وراها ..وبقيت واكف بعيد أباوع عليهم ....ألتموا عليها ..عرفت أكرم ..وزوجته ..ورعد ...بس أكو خمس بنات ...وياهم ...واثنين ...ولد بقت عيوني تدور بينهم بلكي أكدر أميز ...نور من بين البنات ....لأن ...كيان أعرفه من الصور ...فأكيد الولد الثاني علي ..... أنتظرت لحد ما طلعوا الجنازه ..وشدوها على السياره ...وصعدت حنان ..هي وكيان بالسياره ...وأكرم ..وزوجته وبناته بسياره ثانيه ..بقت بنيه واكفه ما صعدت وياهم ...ورعد ...صاح نور وراحت هي وعلي صعدوا ويا عرفت هاي الحلوه نور ... توجهت لسياره أجره ...واكفه مسافه عنهم ...ردت أصعد بيها وما حسيت أله واحد سحبني من ياختي .... وصوته يهدد بيه ويصيح ها ناقص ...عرفته هذا رعد بدون ما ألتفت ....سحبني حيل ..وفرني كدامه ..وضربني 👊 بس أني ما حركت ما رفعت ايدي ولا حركت ساكن ....يمكن حبيت يصير هذا الشئ حتى كيان ينتبه لوجودي ويعرف ... أني أبو ...و أخلي رعد يبرد قلبه لأن ..... حركت قلبه بخيانتي إله

علي ..لك كيان أركض أبويه تعارك

كيان ...فتحت باب السياره ونزلت ركض ..وسحبت الرجال من إيد عمي ...وتقابلنه أني وعلي عليه ... دك ضرب وبوكسات ..لحد ما وكعنا بالكاع ..والدمايه تجري من كل مكان بوجه

أكرم ...نزلت من سيارتي من شفت رعد هد على رجال وضربه ...تقربت عليه ..وعرفت هذا سعد .... حل خل رعد يبرد قلبه بهذا سعد الناقص .....عفتهم ورجعت للسياره .......لأن شفت نهى والبنات...نزلن يتفرجن
نهى صعدي إنتي والبنات ...شنو عارضات نفسجن كدام الناس للفرجه

نهى ..... اكلك أركان ...هذا مو سعد أبو كيان

أكرم ...اي حل خلي رعد يبرد قلبه ..أحنه ما ألنه دخل ...بينهم
...نارهم تأكل حطبهم

نهى ....شوف كيان شلون شبعه ضرب ...أوووووف لويدري هذا أبو ماجان هد عليه

ريم .... يمه يعني كيان أبد ما شايف أبو

نهى ....يعني لو شايفه ويعرفه ..تتوقعين يضربه هيج

ريم ...بقيت أسولف وي نفسي ( لعد شلون جان يكول أبويه مسافر وإني ويا على أتصال ...وعلاقتي طيبه بي )

نهى ...أكرم فدوه روح فكهم خطيه حنان بيا حال...ونوب تشوف أبنها يضرب أبو كدام عيونها

أكرم ....أسكتي لتجيبين أسم هذا الناقص كدام البنات

ريم .... ليش بابا شبي ...مبين عليه خوش ..ولد ...وأبن اختك شلون تحجي عليه هيج

أكرم ...وإنتي شنو علاقتج ...

ريم ...لا ما إلي..علاقه بس نقهرت على حالهم ...وحاله عمه حنان خطيه ...

أكرم ..راح أنزل ...ولا وحده تنزل من السياره
فهمتن