قلوب مهاجره

البارت الخامس والثلاثون

مساء الخيرات
🍀
🍀
🍀
🍀
رعد .....المستحيل اني اعوفكم بعد

حنان ...من رعد طلب هذا الطلب مني حسيت روحي تريد تطلع ..ونفسي ضاك عليه ... كتله يمه كيان ..تعال طلعني اريد اروح لبيتي

رعد ..... حنان ...ليش نزعجتي هيج ...

حنان .... ما انزعجت ..بس شويه نفسي ضاك عليه ..واريد اروح لبيتي ارتاح

رعد ....هو هذا بيتج لو انتي ناسيه هذا الشئ

حنان ...رعد الله يخليك كافي ..يله كيان وصلني للباب

كيان .... اخذت امي وطلعنه واباوع عليها الطريق كله دموعها تجري ...
يمه مافي ما صار شيء يستاهل مل هاي الدموع

حنان .... اباوع على حالي ..وعلى كيان وتذمرت شلون انفجر كدام عمه ...وحجه شكو بداخله ....
وصلنه للبيت ... طبيت لغرفتي ..

كيان .... يمه محتاجه شئ قبل ما اصعد انام

حنان .... كيان تعال اكعد يمي عندي حجي وياك

كيان ...يمه عوفي الحجي وارتاحي اليوم باجر نسولف

حنان .... لا اليوم اريد اعرف شنو سبب هاي الثوره ....الي سويتها بيت عمك ... وليش ما تحجي هذا الحجي كدامي

كيان .... يمه الله يخليج عوفي الحجي

حنان ...لا ما أعوفه .... وبعدين شنو قصدك ..ننسى همسه يمه شكو صاير شئ اني ما اعرفه

كيان ...يمه موضوع همسه مستحيل يصير ... والسبب اني فقير وهي غنيه

حنان ...يمه انته مو فقير ...

كيان .... شلون فهميني .... بهذا البيت ...لو بالسياره الي أحلم املكها...لو بمصرفي القليل الي ميكفيني لنهاية الشهر ..وظال بنفسي اطلع وي اصدقائي. بيوم من الايام
يمه مرات اخجل ..لأن البس نفس ملابسي اكثر من يوم

حنان ...هذا حجيك جديد

كيان ..اي صح جديد ..لأن كافي لعد ما بقت عندي طاقه تتحمل هذا الوضع ..تدرين ..من رحت لهمسه حتى اقابل ابوها ...سألته على عنوان الدكتور شنو جان جوابه

حنان .... شنو جوابه غير نطاك العنوان

كيان ...لا كلي اني اتحمل مصاريف عملية امك لان شافني فقير ..وتوقعني ... جاي استغل علاقتي بهمسه

حنان ..... اني كم مره كتلك ما اريد اسوي العمليه

كيان ....تكدرين تقنعيني شنو السبب

حنان ..... هاااااااااا

كيان ...شفتي متكدرين تكولين ما عنده فلوسها ... يمه تره حتى عمو رعد اذا دفع مصاريف عمليتج ...يعني كاعد يسوي علينه فضل

حنان .... ولك يمه انت ليش متفهم احنه اصحاب فضل على رعد

كيان ...بشنو فهميني ...بالبيت الي الهم بي اكثر من عدنه