قلوب مهاجره

البارت الثلاثون

مساء الخيرات

🍀
🍀
🍀
🍀
فاطمه ...اني وعلي متزوجين

ام احمد ....من سمعت هاي الحجايه ..عبالك بركان ونفجر بروحي ...سحلتها من شعرها ...ولج عيدي شكلتي ...

يمه ..على زوجي وما اكدر اخذ غيره ...افتهمي قصدي لخاطر الله

ام احمد...ولج الله لا شافج ولا عرفج ..ياساقطه ....شلون ولج ووين تزوجتي ...
احجي وياها ..ويا كل احجايه اضربها راشدي..على وجها

فطم ...يمه إنتي هسه ليش تضربيني ...عوفيني ومن يجي احمد كوليله حتى يموتني واخلص من حياتي كلها وانتو هم تهلصون مني

ولج ...شلون اكول ..لأحمد وشكله فهميني .... اكله نسيبك لاعب على اختك ..
وما خذ شرفها ..واذا خلصنه منج عارج شلون نخلص منه

لا يمه فدوه ...كلشي ولا تجيبين طاري علي ..نور خطيه شنو ذنبها ينهجم ..بيتها بسببي

ولج ..خايفه على وحده بعدها ما طبت بيتنه ..وإنتي هاجمه بيتنه من الأساس بهاي سوايتج ...لزمتها وركعتها بالكاع ...وركضت للمطبخ جبت سجينه
ولج ..اني اذبحج بيدي ..ونوب أكتل نفسي ...جي ما عرفت اربيج ..

يمه ..فدوه .... كتليني وخلصيني ...كافي بعد ما اريد اعيش
اباوع على أمي وصلت يمي إني من الخوف غمضت عيوني لان توقعت راح تضربني كد ما صايره عصبيه عليه ...وما حسيت اله سحبتني وكعدتني كبالها

شوفي فاطمه ..احجي كل شى صاير وياج بدون كذب ...فهمتي ..وين وشلون وشوكت ومنو ورطج بهاي المصيبه

يمه ..يعني اذا حجيتلج ..تفهميني ..وتعذريني

ولج ..هاي مصيبتج ما ينفع وياها لا عذر ولا فهم ...بس حتى اعرف رأسي ..من رجليه واشوف شلون اتصرف بهاي المصيبه .....ولج خاف نوب حبلتي منه وضربتها على ظهرها

لا يمه ..ما كو هيج شئ ..والله

عماج الله ....شلون عرفتي ولج انتي مو حبله

لأن الشغله صار عليها كومه ...واني تجيني الدوره عادي

اوووووف ياربي ..نوب تحجي بكل صلافه ..ضربتها وركعت رأسها بالحايط ...واشوف الدم نزل من راسها على عيونها ... يله ولج سولفي

يمه ..فدوه بس امسح الدم ..نزل على على عيوني

ولج ...هذا الدم ...تخافين منه ..وما خفتي ..من راح منج ..غيره .. هسه كون اخنكج بأديه واخلص منج ومن عارج ......ولج يله سولفيلي ..مصيبتج ام المصايب وعوفي الدم بلكي تعمه عيونج

ريم ..... طبيت ..للبيت وصعدت لغرفتي ركض ..حتى اخلص من تحقيق علا وسما اذا شافني هيج ...وخاف يحسن صاير ..شئ ...ومن خوفتي والهبطه من ورا سوايت مصعب ...ارتفعت حرارتي ونمت ...وما حسيت غير على صوت ..سما تكعد بيه
ريم ..كعدي بابا رجع من المستشفى ويريدج
كعدت على حيلي كمت غسلت وجهي ..ونزلت ..واني متحلفه اسولف لبابا ..كل شئ ..بس من شفت حاله نقهرت عليه ...وجها اصفر وعيونه غايره من التعب
ها بابا بشر ..شلون وضع رشا