مساءكم ...ورد ...
🍀
🍀
ريم ..... بعدني أحجي ويا ودك موبايله
مصعب .... ألو
...هله يمه ...لا ما صار شئ ليظل بالكم
ام مهدي ....ولك شلون ما يظل بالنه وين أخذت البت ..وشردت بيها ...
نهى ...فدوه كوليله يرجعها الله يخليج
مصعب ....شنو السالفه ... وشنو شردت بيها ..يمه أني رايح اوصل ريم للبيت ومن اجي عليكم افهمج الموضوع
أم مهدي...... ولك يا موضوع ..هو انته خليت بعد بيها حجي .... شلون تسوي هيج
مصعب ... شنو القضيه .... يمه أحنه هد علينه الجلب...وشردنه منه... وهسه رايح اوصلها واجيكم ..
ام مهدي .... جا خف نفسك يمه ...هاي أم رشا طارت روحها عليكم وكاعده على نار
خيه مصعب يكول هد علينه الجلب وشردنه منه ..وهو هسه بالطريج ..يودي ريم ويرد علينه
نهى .....لعد شلون شروق تكول نهزموا سوى
شروق ...إني شمدريني ...شفته أخذ سيارته ..وهي وحدها ويا ...عبالي شرد بيها ...لأن أحنه ما عدنه وحده تطلع وي واحد ما يعود ألها.....
ام مهدي...... أسكتي ولج شلون ما يعود ألها انه خاطبتها لمصعب ....وبس تخلص مدرستها انيشنها إله ...وإنتي بالج بعد تعيدين هاي السالفه ...ولج هذا مصعب شمعت اهلنا كلهم .... ما تطلع منه العيبه أبد
شروق....... عمه وإني شكلت وانتي اكلتيني حاصل فاصل ... شفته اخذها وطلع بالسياره ...ما ادري ذني أمهات بغداد كلشي عدهن عادي...واني
ام مهدي...... صفكت شروق راشدي درت فجها ...ولج سدي حلكج ...لا والله العظيم اصيح ابوج هسه اخلي يأدبج
شروق ...اني مؤدبه غصبن على اليسوه والي ما يسوى
ام مهدي ....خيه ام امل شو ساكته جنج راضيه على حجي بتج اكلتنه بحجيها ...تكولين تطلب مصعب ثار وتريد تأخذه منه
ام أمل ....ولج شروق سكتي شلون تردين هيج على عمتج
أم مهدي ..... ربج حميد ماتورطت بيج شريقان واخذتج لمصعب .....كافي عليه المصيبه إلي عندي بالبيت
ام أمل ...خيه على كيفج ...ذني بناتج ...شصار عليج ... وشلون تكولين على أمل مصيبه شو عايشه وياكم ..وخادمتكم ..وتارسه البيت أولاد ...لا خيه ضيجتي خلكي بهاي الحجايه
أم مهدي...جا انه لو ما عادتهن بناتي ..وعيون أخوي عارضتلي ..والله ليله وحده ما ابقي اميلان عد مهدي... وعليمن ضاج خلج ... بناتج وتعرفيهن لسانهن اطول منهن
ام أمل ...تدنيت عليها وبستها من رأسها خيه مسحيها بوجهي ...ولج شروق تعالي حبي أيد عمتج ..وتعذري منها ...كدامنه
شروق ....يمه قابل اني مسويه شئ غلط ..والله يا الله همه شردوا اني شلي غرض
ام أمل .... ولج أكلج تعذري لا تظلين تلاهدين
وتكولين شردوا
أنت تقرأ
قلوب مهاجره
Любовные романыكل انسان يتحمل نتيجة اخطاءه هذا ما ينص عليه قانون الحق لكن..... في قصتي ..... زوجه تتحمل نتيجة اخطاء زوجها... وشاب نشأ في مجتمع ظالم ....جعله يتحمل أخطاء والده المجتمع لوالدته......وفتاة تتحمل اخطاء والدتها 🌹🌹🌹
