قلوب مهاجره

البارت الثاني عشر

السلام عليكم أحبتي وين تفاعلكم و
ومتابعتكم....🤔🤔🤔.🍀🍀🍀🍀🍀🍀🍀
🍀
🍀
🍀
🍀
سمر ...اليوم أسولفلج الحجي إلي بقى ناقص البارحه حتى تعرفين أخوتج زين

عدنان ....لج سمر ياحجي تريدن تحجي لحنان

سمر .....موضوع بيت أبوك ألي أخذت فلوسه من سعد ...حتى تسجله بأسمها ...وأتفقت وي أكرم ..ورجعتو بعتوا ...وتقاسمتوا فلوسه ..وأكلتو حق هاي المسكينه

عدنان ..لج إنتي المسكينه  لأن اليوم راح أموتج ... على هاي السالفه

حنان ... عوفها ...هي شنو ذنبها ..ركضت سمر  ورا ظهري

عدنان ...لج حنان طلعيها من ورا ظهرج خليني ...أقطع  لسانها الطويل .... واكسر ظهرها ...

سمر ...والله شتريد تسوي سوي أني مليت من عيشة الذله إلي عايشتها وياك ...كافي ذله ...وكديه من سعد

عدنان ....إنتي شتريدين مني ...أطشر فلوسي بالشارع حتى تقبلين

سمر ....ههههه أصرف على بيتك بالأول..وبعدين طشر فلوسك ...لك حتى اللكمه سعد كام يجيبها لبيتنه .....

حنان ....سمر كافي ..هذا حجيج ما من فايده ...بعد هذا طبعه وميغيره ... وأنتو سمحتوا لسعد هيج يتدخل بحياتكم

سمر ....أني سمحتله لو أخوج ....حنان ...روحي كولي لسعد أخذوا فلوسك ....وباعو البيت من وراك

عدنان ... لج أسكتي

حنان ...عدنان صاح على سمر وسحبها من وراي ..وظل يضرب بيها وهي تحجي عليه
...كافي سمر ..أسكتي نوب ليضربج ضربه تروحين بيها

سمر ...حنان ... يا ريت حتى أخلص من حياتي ..والله مليت

عدنان ...أذا تريدين رجعي لأهلج منو ...لأزمج

سمر ...ولدي لازميني ..أخاف أعوفهم عندك ..ويموتون من الجوع

عدنان .... أخذيهم وياج أذا تريدين .... أني هم مليت منكم ومن طلباتكم .... حضري نفسج ..وحضري ولدج بس أوصل أمي أرجع .... أطلكج ..وأدزكم لأهلج

سمر ..... أحضر ولدي شنو عبالك أني حنان شلون متريد تلطمني لا متوهم .... تنطيني كل ألي اطلبه وأخذ حقوقي على حد الفلس ... بذاك الوقت أخذ ولدي وأروح ... تره والله العظيم ...أفضحك فضيحه ..متعرف شلون تخلص منها

عدنان ...ولج ...شمسوي أني وتفضحيني

سمر ....أسولف لسعد على كل فلوسه إلي تبوك بيهن وهو ميدري وأخرهن فلوس بيت هاي المسكينه

عدنان .... لج يامسكينه .... شنو كمتي تحبين حنان ..وأبنها ..هاي شغله جديده

حنان ..... لا متحبني بس ربك راد يفضحكم ... وخاف عبالك أني راح اسكت لا متوهم .... بس أوصل أمي وأدفنها ...راح أطلع حقي من عيونكم وعيون  وأكرم ...  كافي بعد ما أسكت على حقي وحق أبني ....وأجه عدنان علينه أني وسمر ...وسحلنه بالكاع وبقه يضرب بينه ...ودك ضلوعنه دك ....
بس سمر أبد ما سكتت ...طلعت كل سوالفه ...