مساء الخير على جميع متابعي قلوب مهاجره
🍀
🍀
🍀
حنان ...سمعت صوت علي يصيح بالباب ..طلعت موبايلي دكيت على كيان جاوبني بسرعه ...
اي يمه سمعت الباب ونازل افتحه
نزل كيان
يمه هذا مو صوت علي
كيان ...هاااا أي والله يمكن هذا علي بس شبي يصيح هيج
رحت فتحت الباب .. لكيت علي كاعد على العتبه ..عرفته مو بوعيه
طلعت عليه لزمته من جتفه ..ها علاوي ..شبيك ليش هيج مسوي بروحك
علي ..... شنو حضرتك خايف عليه .... لك انته وأمك طلعتوا أقذر ناس بالدنيا ...فوك ما ابويه يصرف عليكم ...وشايل حملكم ... تريدون تأخذوا من عدنه
كيان .... علي لتصيح شو تعال طب جوه للبيت..ونتفاهم براحتنه
علي .... نتفاهم على شنو ...لك معقوله امك ما كفاها عمي .... ونوب حطت عينها على أبويه ...دفعت كيان... وطبيت عليها ...لج حنان ...لو تموتين ما أخليج تعتبين بيتنه
حنان .... أباوع علي علي بالكوه واكف على رجليه تذكرت سعد ...وشلون جان يجي ميدري بروحه ويظل يصيح ويغلط ....يوووه معقوله الزمن كاعد يعيد نفسه ... نفس قذارة لسان ميعاد ..وطباع سعد السيئه... كتله
علي حبيبي ..لتخاف ..بعد ما اعتب بيتكم بس أنته لتصير عصبي
علي ....شلون ما صير عصبي وإنتي ضحكتي على ابويه..وتريدين تأخذي الج
كيان ..... طبيت للبيت وقفلت الباب لأن اكو كم واحد من الجيران طلعوا على صوت علي ...طبيت سحبته من ياخته ...لك انته شكاعد تحجي وي امي
حنان ....اوكف كيان يمه شوف حاله .... هذا مو بوعيه خطيه .. مهما يكون يبقى اخوك
علي .... من كالت يبقى أخوك اني نهاريت وكعدت بالكاع ..... لكم فدوه ولخاطر الله فهموني ... اني شلون اخو كيان
كيان ...لك علي هو الأخ مو شرط أبن امك وابوك ..انته أخويه وروحي وقطعه من قلبي ...لك والله كل ما اشوفك بهذا الحال ينمرد قلبي
علي ...وليش ما نمرد قلبك عليه من وافقت حتي امك تتزوج ابويه ..ليش ما فكرت بيه وبراحتي
كيان ..... اني ما فكرت غير بس بيك وبراحتك ... لك علي إني لخاطرك ...وافقت على طلب ابوك
علي .... هههههههه شلون بله فهمني
كيان ...حتى نعيش سوى ..واصير قريب عليك تلكاني يمك شوكت ما تحتاج
علي ..... أي وبعد
كيان ...شنو بعد
علي ... حتى تخلوني أهج من البيت ..وتأخذون البيت ...ويا ابويه فوك البيعه ...والله عفيه عليك كيان..حسبتها صح انت وامك وكمت اصفك الهم
كيان ..لك انته شكاعد تكول
علي ....اكول الصدك ... لك طول عمرك تتحسر على حياتنه ..وعيشتنه ..وهسه عرفت شلون تهجم بيتنه
أنت تقرأ
قلوب مهاجره
Romanceكل انسان يتحمل نتيجة اخطاءه هذا ما ينص عليه قانون الحق لكن..... في قصتي ..... زوجه تتحمل نتيجة اخطاء زوجها... وشاب نشأ في مجتمع ظالم ....جعله يتحمل أخطاء والده المجتمع لوالدته......وفتاة تتحمل اخطاء والدتها 🌹🌹🌹
