قلوب مهاجره

البارت العاشر

مساءكم جميل ...متابعيني الأعزاء
🍀
🍀
🍀
🍀
🍀
كيان .....يمه جاوبيني ...يمه

حنان ...فتحت عيني وأشوف كيان حاطني بحظنه ويبجي ....يمه لتخاف ما بيه شئ

كيان .... حنونتي شسويتي بيه ..أحس الدنيا كلها وكعدت من وكعتي

حنان ....( أباوع لنفسي حجابي واكع ووضعي ما مرتب ...ورعد واكف فوق رأسي ..والدموع تارسه عيونه ) ...... ولك كيان عدل حجابي وساعدني خل أوكف على حيلي

كيان ...سحبت أمي وحطيتها على جتفي ..وساعدتها لحد ما وصلت للقنفه ...وأنطيتها حجابها ...يمه راح أسويلج عصير برتقال بلكي ترتاحين شويه ...

حنان ...كيان حبيبي
أكو شئ واحد يريحني...

كيان ....ها عيني كولي شتريدين

حنان ...أريدك تنسى كل الحجي إلي سمعته ..ونعيش حياتنه مثل قبل مرتاحين بدون مشاكل

رعد ....وتنطيني وعد تحافظ على سر نور وعلي

كيان ...خلص والده ..أعتبري هذا الحجي ما صاير ...لأن هسه نفسيتي أستقرت وعرفت رأسي من رجليه يعني بعد ما أكو شئ ....أسمعه ..وما أفهمه ..
وعلي .. نور ..يبقون ولد عمي رعد ...وأشيلهم بعيوني ..وأكون موجود شوكت ما أحتاجوني

رعد ...هذا أبن حنان إلي ربته أحسن تربيه ..أنت رفعة رأس..وشرف ... يا بعد عمك

كيان ..عمو إنت الشرف ..وموقفك هذا محد يكدر يسوي ...أنته إنسان ..شايل أنسانيه الدنيا كلها بين ضلوعك

حنان ...أباوع على رعد شبك ..كيان ..وحاوطه بأثنين إديه ...فرحت بداخلي .. حسيت أكو درع يحمي كيان من العالم ..من شفت رعد لم كيان بحظنه

رعد ...أم كيان إني طالع محتاجين شئ ..قبل ما أروح

حنان ...لا أشكرك ...وأعتذر
لأن تعبتك ...

رعد ...لا لتكولين هيج إنتي أم أبنه ...ورفعة رأسنه ..يا خلوقه

حنان ...أشكرك

رعد .... طلعت من بيتهم ..وأكو صوره ما فاركت عيوني ..شعر حنان إلي نفتح من أغمى عليها ... وجمال جسمها إلي لاحظته من لمها كيان بحظنه
ليش هيج إنسانه حلوه ...وشريفه ..تحمل كل هذا العذاب بسبب وأحد قذر ..ووحده أقذر منه ...أوف لو بس ألكف سعد ..أله أخذ حقي وحق حنان من عنده

حنان .... حبيبي ..بعدك زعلان من عندي

كيان ...يمه أني أزعل من روحي ومنج ما أزعل

حنان ....شبكته بحظني ..يا بعد روح أمك .....وشميت بحظنه عطر رعد ....حسيت نفسي أطول بحظنت كيان حتى أشم العطر .....أنتبهت على نفسي ..شنو هذا الإحساس ...معقوله نجذبت لرعد لأن حسيت بي .... بر أمان كيان....لا ..لا ..... مستحيل تتحرك مشاعري ...وألمن ..لرعد مستحيل ....وبين راحتي .... بحظن أبني ...ورفضي لهاي المشاعر الي تحركت بداخلي ...أتصل أكرم