قلوب مهاجره

البارت الواحد والخمسين

مساء الخير ... على كل متابعين قلوب مهاجره
🍀
🍀
🍀
🍀
أمل .... يبوووو ولك مهدي وكف السياره شروق راحت من عدنه
جنت أحجي وياها وما حسيت بيها غير فتحت باب السيارة وشمرت نفسها .... ومن كد سرعة السياره بقت تتقلب بالشارع .... وكفنه و نزله ركض عليها ... لكيناها ملفوفه بعبايتها .....بس فاقده والدم يجري من رأسها

ام أمل.... عزه العزاني شلون بيه .... ولج شروق يمه شلون تسوين هيج بروحج

أمل ...أباوع على أمي حطتها بحظنها ..وهي متكدر تفتح عيونها
ولك أركض جيب السياره لهنا حتى نلحك عليها لتموت ... أوووف يا ربي شكول لأبويه أخذتها حتى تكتل روحها بالطريق

مهدي ...جبت السياره بسرعه يله أمل ساعديني حتى نصعدها بالسيارة ...ونأخذها للمستشفى

أمل ...شلتها وي مهدي وهي تهذي عوفوني أموت ما أريد عمري بعد

أم أمل ...اسكتي يلخايبه ... تموتين ولج تموتين ... من نرجع ...ويسمع أبوج بعملتج يحطج ويذبحج ماضنه يعوفج عايشه بعد

أمل .... يمه فدوه كافي هي بيا حال هسه

أم امل...ولج خايبه شلون هسه من نرد ...وهي هيج شيكول لأبوج واخوتج ... شلون دبريني اكلهم انتحرت مثل بت أكرم السايفه

أمل ...يمه فدوه خل نوصل للمستشفى ونشوف شبيها .....عود نفكر بالحل

ام أمل...كون عساها ما توصل للمستشفى حتى أفك من ضيمها وارتاح

أمل ....أووووووف استغفر الله كافي يمه الله يخليج
مشينه مسافه طويله واحنه نسأل .... وصفولنه مستشفى أهليه ..... طلعنه عليها .... أول ما وصلنه اخذوها من عدنه .... واني طبيت وياها لغرفه الفحص

الدكتور .... خيرها

أمل ....دكتور حادث بالطريق

الدكتور ....فحصتها ....بس شفت وضعها مو مال حادث أديها ...مكسوره ورأسها بي شك ..ووجها مجرح هواي جروح
اختي أكيد هذا حادث

امل ...هااااااا......وبعدني ما مجاوبه الدكتور وأسمع أمي تصيح من وراي ...لا يمه موش حادث البت عاشكه ..وذبت روحها من السياره

امل ...يمه.... شنو السالفه

أم امل..... يمه الدكتور .... بتي شلونها تعيش تموت

الدكتور ..... ههههههه لا أن شاء الله ماكو موت .... شويه جروح بسيطه بس أشك عدها كسر بيدها تطلع للأشعه ونتأكد

أم أمل.....كون كسر بركبتها وتموت وأخلص منها

امل .... فدوه دكتور هسه وين نأخذها ...

الدكتور ..... للأشعه ...وبعدين ترجعون يمي حتى اشوفها
...من طلعت هاي البنيه ..صحت أمها حتى افهم شنو سالفتها
والده أريد أعرف ليش تريدين هاي البنيه تموت