أهلا حبايب قلبي ...
🍀
🍀
🍀
🍀
🍀
حنان ....أسمه كيان
سعد ....كيان ...أسم غريب بس كلش حلو
حنان ....اختاريت لأبني أسم كيان ...حتى أخلي يبني مستقبل لنفسه ويكون عنده كيان خاص مستقل بعيد عنك ...وعن قذاراتك
سعد .... حنان ...أني أسف على كل جرح صار بروحج بسببي ....وشكد تمنيت تفهمين موقفي و وضعي ....بس خلص الظاهر هاي عقوبه من رب العالمين .... على أخطائي...حرمني منج ومن أبني
حنان ....سعد أتمنى متطول بشغله الطلاق ....وأذا على أبنك عندك أثنين غيره ...عايفهم لميعاد ..يعني عادي عندك تنطي بزرك للناس
سعد .... صار إلي تريدي يصير .... وراح أرجع وأكلج كلشي صار خارج أرادتي وإنتي بكيفج بعد تصدكيني لو لا
حنان ..... تقرب سعد عليه وإني خفت ليسحب كيان من حظني .....وكفت على حيلي وحظنت كيان حيل
سعد...... لتخافين ...كتلج ما أظلمج مره ثانيه ..بست كيان وهو بيدها وطلعت
وبعد أسبوع ... إتصل عدنان ...وكال باجر أمر أخذج ..حتى نخلص أمور الطلاق نهائي
عدنان .... شوفي حنان ...أذا القاضي سألج أخذني كل حقوقج ..كولي نعم
حنان ....بس إني كل شئ ما أخذت منه
عدنان .... اي شئ اكوله لا تعترضين ...انتي تدرين .... سعد من شاف أبنه مقبل يطلق ...وأتفقت ويا نتنازل عن كل شئ ....بس يطلق بسرعه
حنان .... طبعا ..بداخلي ما صدكت عدنان ...بس كلت خلص ....خل أرتاح من سعد نهائي حتى لو أتنازل عن كل حقوقي
سعد .... وكفت كدام القاضي وطلقت حنان بس قلبي ينزف قهر عليها مع العلم أني..... أنطيت كل حقوقها لعدنان نقد حتى ....تأمن مستقبلها بيهن......وأرتاحيت من وكفت كدام القاضي ..وكالت أخذت كل حقوقي ....يعني حقها وصلها.... وعرفت إني ما ظلمتها وأخذت حقها وحق أبنها..... أي أبنها...لأن اني ما استاهل أكون أب.....بعد كل قذاراتي الي سويتها
حنان ....طلعنه من المحكمه ...ورجعت للبيت ...وأول ما دخلت ...تلكتني أمي تبجي وتدعي على سعد لأن اخذ حقوقي ..وما نطاني شئ
نهى ..... خاله أبد لتشيلين هم ....والله عين غطا وعين فراش لحنان وأبنها
حنان ....شبكت نهى ....حبيبتي الله يخليج ...النه ..والله انتي أحسن من أخوتي الي ما فكر واحد منهم يجبر خاطري بكلمه طيبه
نهى ....فدوى حنان ...لتشيلين بقلبج على أكرم ..ترى هم حقه وإلي صار مو هين ...تدرين حجي الناس ميرحم
الأم ....يمه حنان ....أني اتفقت وي أكرم يأجر البيت الي بصف بيته حتى نكعد أني وياج بي ...
نهى ....خاله فدوه إني مقصره بشئ
الأم ....لا والله ما قصرتي بس ميصير يمه إنتي صاحبة بنات ...وحنان صار عدها ولد ...واليوم لو باجر لازم ...نطلع منكم ..... و نطلع منكم هسه أحسن ما يكبر كيان بين بناتج
أنت تقرأ
قلوب مهاجره
Romanceكل انسان يتحمل نتيجة اخطاءه هذا ما ينص عليه قانون الحق لكن..... في قصتي ..... زوجه تتحمل نتيجة اخطاء زوجها... وشاب نشأ في مجتمع ظالم ....جعله يتحمل أخطاء والده المجتمع لوالدته......وفتاة تتحمل اخطاء والدتها 🌹🌹🌹
