مساءكم...خير أحبتي يحلو ...اللقاء معكم دائمآ ....وقلوب مهاجره ....
🍀
🍀
🍀
ريم .... أخذني مصعب....لبيتهم .... وتلكونه أبو وأمه... اباوع ما كو أي بشر موجود بالبيت ولا اكو أي ملامح للفرحه بعيونهم ....بس مهدي فات سلم على أهله وطلع
الشيخ .... هله بيك بويه مصعب الحمد لله على رجعتك بالسلامه لدارك
مصعب .... بست أيد ابويه .... يسلمك ويحفظك
وبست رأس أمي ....
ام مهدي....كل الهله بيك يمه .... نورت دارك يا بعد أمك
مصعب ...تعالي ريم سلمي على الوالده والوالد شبيج بقيتي واكفه بمكانج
ريم .... هااااا أي جايه ..تقربت سلمت عليهم بس سلامهم وياي بارد حيل
أم مهدي.... أخذ مرتك واصعدوا ارتاحوا خافن ريم تعبانه من الطريق ..ومن هاي البدله إلي جايه تسوحل بيها كل هذا الدرب
مصعب .... هههههه اي والله يمه إني هم الطريق كله محتار بيها شلون متحملتها
ريم .... ليش يعني ..... هي العروس قابل شتلبس بيوم عرسها
الشيخ .... بويه العروس تلبس ثوب عرسها بين أهلها وأحبابها .....و ما تسوي نفسها فرجه للوادم من دوله لدوله
ام مهدي..... اسكت يا أبو مهدي الحجي بعد ما يفيد هي جت بيها بعد ... مصعب أخذ مرتك يمه وأصعد عشاكم بالغرفه
ريم ... بس إني ما أجيت بيها وحدي ...ومصعب وافق على هذا الشئ وأريد افهم شنو يعني فرجه للوادم
مصعب ....انتبهت عليها ترادد أمي وأبويه كلمه بكلمه ..وما حسبت حساب لأحد
ريم ...كافي مرادد يله نصعد لغرفتنه .....من رخصتك يابه
ريم .... لا مصعب ما أصعد وياك إله تجاوب أبوك ..وتكله مرتي ما جانت فرجه للناس ...
الشيخ .... أنه أكلج ... شلون جنتي فرجه ..بويه المره إلي شعرها مكشوف .... وجتفها طالع ...ومحمره ... كل هذا الدرب والناس تباوع عليها ...وهي ما ساتره روحها شلون ما صايره فجره للناس ...
علميني يا بعد عمج ......
ريم .... أباوع مصعب دنك رأسه وما جاوب ..وأبو نكت عباته بغيض وطلع ...
مصعب ليش ما جاوبت أبوك ..وكتله إني جبتها ...وشفتها من طلعت من الصالون وكعدت يمها بالطياره ....وأمها وخواتها ويانه ...يعني إني مو وحده مهتلفه ....عارضه نفسي للناس وصايره فرجه
مصعب .... من أبوي كام يحجي وشفت الغيض بعيونه وشلون طلع زعلان مني ....حسيت بغلطتي ...صحيح إني شلون قنعت وقبلت أجيبها بهاي البدله من هناك لهنا ....
ريم ...كتلج كافي ويله أصعدي كدامي
يمه ...انه أعتذر ...على هاي الغلطه ...صدكيني رهمت هيج ..وما أعرف وين جان عقلي من قبلت أجيبها بالبدله
ام مهدي....يمه أنته عقلك راح من زمان .... من طلكت بت خالك وكتلت فرخها ببطنها ....وعفت اطباعنه ....و أخلاقنا وأصولنه ..وركضت ورا هواك
أنت تقرأ
قلوب مهاجره
Romantizmكل انسان يتحمل نتيجة اخطاءه هذا ما ينص عليه قانون الحق لكن..... في قصتي ..... زوجه تتحمل نتيجة اخطاء زوجها... وشاب نشأ في مجتمع ظالم ....جعله يتحمل أخطاء والده المجتمع لوالدته......وفتاة تتحمل اخطاء والدتها 🌹🌹🌹
