قلوب مهاجره

البارت الخامس والاربعون

مساء الخير متابعيني الاكارم ....

🍀
🍀
🍀
🍀
دفعت الباب .... لكيت شروق كاعده على الجربايه.....ودايره ضهرها
تقربت اريد أحجي وياها ...... مكدرت أنطق بحرف واحد لأن حسيتها شئ مفروض عليه .... عفتها .. وردت أطلع من الغرفه ....سمعتها تصيح ورايه
مصعب أوكف
بقيت واكف بمكاني .....

شروق ..... صعدوني للغرفه ...وبقت أمل يمي لحد ما الزلم ...زفو مصعب ...للغرفه .... طلعت أمل وسمعتها تحجي وي مصعب .... بقيت مدنكه رأسي..... ومنتظره يجي يشيل بركعي ....ويشوفني .... سمعت صوت خطواته تقربت عليه ....حسيت قلبي بكد الفرحه يريد يطلع من مكانه ....... رجع أبتعد عني ... صحت عليه .... وإني لابسه بركعي ووجهي متغطي .... مصعب أوكف

مصعب ... ها شروق كولي

شروق .... إذا متطيق تشوف وجهي ليش قبلت تتزوجني

مصعب .... لا ما كو هيج شئ بس إني شويه تعبان

شروق .... تعبان ...لحد متكدر تشيل بركعي من وجهي

مصعب ..... هاااااا ... نسيت عذريني ... تقربت عليها .... وكشفت وجها .... وتفاجئت بشكلها ... عبالك هاي مو شروق الي أعرفها .... شكلها غير شكل .... وعيونها تباوعني بلهفه ... وشوك غريب ....أبتعدت منها ... خفت لا أضعف كدامها ...وكدام رغبتي

شروق ... بقه مصعب يباوع بوجهي ... مستغرب شكلي ...
ليش صفنت

مصعب ... لا ماكو شئ ...ابتعدت منها ...شروق إني طالع للبلكونه شويه أشم هوى وارجع .... إذا تريدين نزعي بدلتج ..وارتاحي

شروق .... ليش قصدك الغرفه ما بيها هوى...

مصعب ....شروق بدلي وأرتاحي

شروق ....لاجت الدمعه بعيني معقوله شكلي ما عجبه ..لو يكرهني لدرجة ميريد يباوع عليه .....زين ليش عافي وطلع من الغرفه ....حتى يشم هوى ....لأن مخنوك مني لو شنو ....مسحت وجهي ....خفت ليرجع ويشوفني أبجي ويتصور أريد غير شئ منه .... طلعت للحمام .... لأن غرفتنه عباره عن سويت غرفتين وحمام ..ومسلك صغير يفصلهن نزعت بدلتي .... وغسلت جسمي ...ولبست سيتي الأبيض رجعت للغرفه ... لكيت مصعب ...ذاب غترته ... ونايم على القنفه ... شلت غترته من الكاع ...وحطيتها على المخده
مددت على الجربايه وبقيت أبجي ...ونوب متت قهر .....من بقت أمل كل شويه تدزلي مسج (بشريني شخباركم ) ... لزمت موبايلي وقفلته ونمت

رعد ..... نزلنه للمطار .... أباوع على حنان عيونها وارمه من البجي على كيان
شنو القصه حنان ... قابل كيان صغير ..

حنان .... رعد أنته تعرف هاي أول مره افاركه ..

رعد ..... إن شاء الله منتأخر عليه وترجعين تمشين على رجليج لأبنج ..وبيتج

حنان .... إن شاء الله....طلعنه من المطار للفندق ... صعدنه للغرفه ... وبهاي الساعه مريت بأصعب موقف بحياتي ... من ردت أبدل ملابسي .... ولازم رعد يساعدني