مساء الخير ....
🍀
🍀
🍀
نور ... علي شبيك ليش هيج اعصابك تعبانه ومنهار ...صاير شئ سامع شئ
علي .... نور انتي وكيان إخوان ...لو إني وياج أخوان ..لو منو أخو منو الله يخليج جاوبيني تره إني تعبت حيل ...وهذا السؤال راح يدمرني ...اريد أحد يجاوبني عليه
كيان .... علي ألف مره كتلك الإخوان مو شرط من نفس الأم والأب ..... يعني اني أبن عمكم ..بس حاسب نفسي أخ ..الكم
علي .... كافي بعد ما أريد اسمع هاي الجذبه ..احجيلي الصدك ... تره والله العظيم اطلع منا وبعد محد يعرف إني وين... لو هسه اقتل نفسي كدامكم
نور ... علي لخاطري فهمني شنو القصه
علي ...لج ابويه يكول دمنه دم واحد قذر ..وأحنه ولد حرام
نور .... معقوله بابا هيج يكول
علي .... لتكولين بابا لأن منعرف هو أبونا لو لا
كيان ... بقى علي كل شويه يعيد نفس الحجي ونفس السؤال ...وإني قلبي نمرد على حالته ..وشلون منهار ... بقيت محتار احجي ...لو أسكت ... بقيت اباوع عليه وعيوني تجري بدون ما أكدر اسيطر عليها
علي ... كيان ليش تبجي ... أحجي ولتبقى ساكت اذا عندك شئ تكدر تكوله وتريحني كوله ..رحت يمه وسحبت اديه أبوس ايدك بس احجي وريحني من هذا العذاب
كيان...من علي سحب إديه وباسها ... كعدت على ركبي وشبكته ... علي انته اخويه ابن ابويه والدم إلي يمشي بعروكك هو نفس دمي ...
نور ....من شفت كيان شبك علي ..ركضت عليهم وحظنتهم اثنينهم ...وبقيت أبجي وياهم
علي .... نور شو شبكتي كيان يعني إنتي هم اختنه .. فهموني شلون
نور .. كعدت بالكاع ...وكمت احجي لعلي كل شيء أعرفه عن الماضي وعن قذارة أمي وسعد وشلون خانوا بابا ...وشلون بابا انتقم منهم .... بس أحجي واني منهاره ومتدمره لأن سرنه انكشف ..وراح الناس تسمع بي ...حسيت هاي نهاية حياتي واستقراري وأماني بحظن أحمد ...وبقيت اكول ..وأفهم علي وكيان... شلون لازم نسند بعضنا ومنطلع سرنه من بيناتنه ... وبعدني أحجي وياهم كمت اشوفهم مثل الخيال ... كتله كيان تعالي إني راح اوكع ... وبعد ما حسيت بروحي
كيان ... نور حجت كل شئ تعرفه عن ماضي ميعاد وسعد القذرين ... كالت أمور إني ما سامعها بيها أبد ... أباوع عليها وهي تحجي وجها صار أصفر ووكعت على وجها ...ركضت عليها شلتها ...من الكاع ونومتها على جربايه عمي بالغرفه ...لك علي كوم أركض جيب مي
لنور
علي ... من سولفت نور حسيت هموم الدنيا كلها صارت فوك رأسي .... يعني طلعت إني أبن حرام .... ورعد كل هاي الفتره ربانا ... وهو مو أبونا .... زين ليش هو حرك أمي وعاف سعد القذر بدون عقاب ...وليش محد عاقب سعد ..وليش وليش ..وما حسيت إله صوت كيان يصيح عليه ...باوعت لكيته شايل نور ...وهي فاقده الوعي متدري بروحها ..ركضت للمطبخ ...جبت بطل مي .. ذبينا عليها ...وحاولنه نوعيها بس هي ولا يمنه
أنت تقرأ
قلوب مهاجره
रोमांसكل انسان يتحمل نتيجة اخطاءه هذا ما ينص عليه قانون الحق لكن..... في قصتي ..... زوجه تتحمل نتيجة اخطاء زوجها... وشاب نشأ في مجتمع ظالم ....جعله يتحمل أخطاء والده المجتمع لوالدته......وفتاة تتحمل اخطاء والدتها 🌹🌹🌹
