قلوب مهاجره

البارت التاسع والاربعين

مساءكم حب ...ومحبه متابعيني الاكارم

🍀
🍀
🍀
🍀
همسه .... لا

كيان .... اكدر أعرف شنو معنى هذا الرد

همسه .... كيان ليش قررت نتزوج هيج بهاي السرعه

كيان .... همسه بعد ما أكدر اتحمل عيون الناس تباوع عليج ...أريد اخذج بحظني حتى اضمن انتي مالتي

همسه .... لا أنته تريد تمتلكني ..لأن خايف تخسرني مثل ما خسرت ريم

كيان ....سحبتها من زندها وقربتها الي ..لج انتي ليش متعوفين موضوع ريم ...وتفهمين اني أريدج

همسه ...هد أيدي عفيه الطلاب تباوع علينه

كيان ... امشي نطلع .. من الكليه

همسه .... وين .....هاي شبيك اليوم المحاضرات بعدها ...

كيان ....همسه عوفي المحاضرات هسه لا اكفر بيج ...

همسه .... اباوع على كيان...عبالك مو هو ... واحد ثاني..... خفت اعانده ويصير عصبي اكثر
اي نطلع بس اعرف وين تروح

كيان .....لأي مكان تختاري اريد أحجي وياج بدون ما اكو عيون تراقبنه

همسه....ماشي ... طلعنه
...كعدنه بكافتريه قريبه من الكليه .... هاي طلعنه من الكليه ..احجي شبيك كيان

كيان ...انتي شبيج ليش متريديني

همسه ...شلون ما اريدك ليش اكو شئ بالدنيا اريده بكدك ..

كيان ...زين ...إذا تريديني نتزوج ونعيش سوى .....احسن من هذا العذاب

همسه .... كيان ليش الزواج بهاي البساطه ...

كيان .... إني اشتغل والحمد لله واكدر أوفق بين حياتي وياج والدراسه

همسه ...زين وين نعيش من نتزوج

كيان ...هااااا

همسه ....هذا اول شئ رايح من بالك ..تريد نعيش ببيت عمك ...بغرفه

كيان .... همسه ..هذا بيتي مو بيت عمي

همسه .... شلون ما فهمت

كيان .....قصه طويله عوفيها ... هسه ...واذا على البيت اكدر ... أجر بيت نكعد بي

همسه .... من شفته مصر على الموضوع ...كتله ...ماشي تخلص هاي السنه وبالعطله الجبيره نتزوج

كيان ...وشنو الفرق هاي الكم شهر

همسه ..اقلها ..عبرنه المرحله الثانيه ...وانته تكدر ترتب وضعك بهاي الفتره

كيان .... اتفقنه

همسه .... وهسه نرجع للدوام

كيان ...لا ..كومي اخذج لمكان ... هواي حبيت اروحله من جنت صغير ومكدرت ...

همسه ... وين

كيان ....تعالي وياي ومتندمين

همسه ... عمري ما أندم وإني وياك يا حبيب قلبي انته....طلعنه وأخذني لمدينة الالعاب
كيان لعد شنو قصدك تمنيت تروحلها وانت صغير