مساءكم ورد 🍀🍀
🍀
🍀
🍀
🍀
سعد ....روح اسأل سمر وين دفنت أخوك عدنان
أكرم ....وكفت على حيلي وسحبت سعد من ياخته
لك شنو سمر دفنته ...أحجي
سعد ....سمر قتلت عدنان ...ومن عرفت بسالفتها ..ورطتني .. وسجنتني.. وإني هسه مسجون بتهمة قتل عدنان
أكرم ....لك شنو قتلته وتهمتك بقتله ليش .....شنو علاقتك بيها ...وهسه سمر وين...أحجي نذل
سعد ...هدني ...وأطلع دور على سمر ...مو تطلع بطولاتك عليه ...وشوف تره شغلة فلوس البيت ما ناسيهن ..أخذهن من عينك لو بعد خمسين سنه
أكرم ...جريته ...وسحلته ..بالكاع وأجو الحراس يركضون علينه وخلصوا من إديه....عفته وطلعت
دماغي كام يفور ..ما أعرف وين أنطي وجهي..وهاي سمر وين الكاها ....وإني كلشي ما أندل ولا أعرف عنها ....قررت أرجع للعراق وأتصل بأهلها ...وأعرف كل شئ أريده ..منهم ..أكيد عدهم كل الأخبار
وفعلا رحت حجزت ...حتى أرجع....وأتصرف
رعد ..من عرفت كيان مصرفه قليل ... نقهرت حيل ...شاب ..وتحمل مسؤوليه أكبر من حجمه ...ونوب هاي أمه تفتر كدامه بكرسي المعاقين ... أخذت نور.....ورحت عليهم حتى نشوفهم
حنان ..كاعده أطبخ ..وأسمع الباب تندك ..رحت فتحته ...
هله ..بيكم تفضلوا ..تفضلوا
نور ...باوعت على خاله حنان وهي تسحب بالكرسي بتك أيد وترحب بأديها الثانيه ...شكد كبرت بعيني ..سحبت الكرسي ووصلتها للصاله ..وكعدنه نسولف
حنان ...هاي شلون جيه حلوه ..نور حبيبتي نورتي البيت
رعد ... البيت منور بيكم أم كيان شلون صرتي ..ووضعج ما تحسن شويه
حنان ..والله بعدني .....
نور ..سألت كيان وكالت وضعج حيل متحسن ..
حنان ...ههههه إني كذبت عليه ..من أخذني أخر مره للدكتور .... حتى ميبقى يفكر وينقهر
رعد ...يعني شلون ..وليش كذبتي عليه
حنان ....والله أبو نور من طلع كيان يجيب الاشعه ..الدكتور كال وضعي ..بعد مترهمله غير العمليه ...
نور ....أي الحمد لله إذا تصير عمليه ..يعني تكومين على حيلج أسرع ..فدوه خاله سوي العمليه بسرعه ... حتى توكفين وياي بعرسي وتساعديني
حنان ....هااااااا أن شاء الله
رعد ....شنو المانع حنان.... ليش متردده منها
حنان ...والله شريد أكول بس أنته تعرف الحال أبو نور ...وأني ما أريد أتعب كيان أكثر ما هو تعبان ..والدكتور يكول العمليه بالخارج مضمونه أكثر ...
واني لا أكدر أجازف واسويها هنا ..ولا عندي امكانية للسفر ...الظاهر الله كاتبلي أعيش على هذا الكرسي طول عمري
رعد .... حنان ليش هذا اليأس ...وشلون تشيلين هم الفلوس وأني موجود ...
حنان ...أنته متقصر والله بس هاي مو فلس وفلسين.. هذا الحجي ..ملايين
أنت تقرأ
قلوب مهاجره
Romanceكل انسان يتحمل نتيجة اخطاءه هذا ما ينص عليه قانون الحق لكن..... في قصتي ..... زوجه تتحمل نتيجة اخطاء زوجها... وشاب نشأ في مجتمع ظالم ....جعله يتحمل أخطاء والده المجتمع لوالدته......وفتاة تتحمل اخطاء والدتها 🌹🌹🌹
