قلوب مهاجره

البارت الثالث والثلاثون

مساءكم خير حبايبي
🍀
🍀
🍀
🍀
نور ...احمد اني اسولفلك السالفه كلها من البدايه لحد هاي الساعه

ام احمد .... شنو خاله نور راح تسويها سالفه

نور ....حاولت أسيطر على اعصابي ...بصعوبه ...لأن مضطره أكذب على أحمد لخاطر ...أنقذ اخويه من الموت
يارب كدرني أرتب كم كلمه .... واقنع احمد ...بدون ميحس بيه كاعده اكذب

احمد ....شنو ...كاعده تسوين سيناريوا السالفه ....نور أحجي وفضيها لا أكوم اصيح فطم وافهم منها كل الموضوع

نور ....احمد ..هو اصلا ماكو موضوع ..والسالفه وما بيها ...علي اخويه ...يريد يتقدم يخطب نور

احمد ...هههههه شنو هاي نكته

نور ...ليش شبي علي...حتى تضحك عليه وشنو النكته ...مثلا

احمد ...لا حبيبتي أعتذر مو قصدي استهزء بعلي ...بس هاي بعدها طفله ...وهو بعده ..طالب ...ميعرف مستقبله

نور ..... يعني اذا كال اخطبها ...ويتزوجها ورا تخرجه توافقون

احمد .....يمه احجي ..ليش ساكته ... غير تفهمين نور فطم لأبن عمي ..من هي صغيره

نور ...باوعت على عيون خالة ..حسيتها راضيه على كلامي ...وهذا الشئ تاكدت منه لما بقت ساكته ومجاوبت

احمد ...زين اذا انتي تكولين ..علي يريد يخطب فطم ..شنو معنى حجايه امي .... وشتقصد فطم كاسره وجهنا

نور ....شوف احمد خاله سمعتنه نحجي اني وفطم بموضوع الخطوبه.... ولما عرفت فطم موافقه على علي ورافضه أبن عمكم ...تصورت اني كاعده .... اشجعها ترفض ..و كاعده ادير عقلها..حتى تقبل بعلي

ام احمد ...اي والله يمه اني هذا جان قصدي بهاي الحجايه ...(حسيت نور نقذتني من مصيبه ..جبيره ردت ...اسويها بسبب هاي الحجايه وشلون طلعت مني ما ادري )

احمد ...يمه فدوه ..مره ثانيه ..ديري بالج تكولين على فطم هاي الحجايه ...فطومه ..عمرها ما جانت ولا تصير ...كسرت وجه ...هاي المدلله الصغيره ...واذا انتي متوقعه رفضها لأبن عمي كسرت وجه ....لا انتي غلطانه ..بالعكس ..اذا نجبرت عليه ووافقت ...هي بذاك الوقت راح تكسر...باسنه بين الناس وتعيش تعيسه طول عمرها

ام احمد ..يا يمه شنو قصدك

احمد ...قصدي ...يمه لخاطر الله انسي موضوع زواج فطم هسه ...وخليها تكمل دراستها ...براحتها ...وشوكت ميجي النصيب ..الله يسهل ...وشوف منو... يكون صاحب النصيب .... ابن العم ...لو النسيب
ههههههههههه

نور ...من احمد اخذ الموضوع ببساطه ..وتفهم...وكام يضحك ..إني روحي ردتلي ...الف الحمد لله والشكر احمد ما عنده اعتراض على علي ....واني راح ابدي اتحرك بكل قوتي حتى علي يخطب فطومه ..ونرتاح
من كل هذا القلق

ام احمد ... يله يمه صعدوا انته ..ومرتك ..وارتاحوا حبيبي ..باجر تخلص اجازتك ...وهاي اخر ليليه الكم سوى