قلوب مهاجره

البارت الرابع والخمسين

مساء الخير أحبتي
🍀
🍀
🍀

ريم ...هااا ماما مابيه شئ سمعت صوت بالصاله ... ومن فتت شفتها ظلمه ..خفت وطلعت اركض

نهى ... هاي شنو ليش ناسيه اكو شخص غريب بالصاله
ريم .... مصعب مو غريب ..وشئ ثاني كتلج إني فزيت لأن الغرفه ظلمه

اكرم .... شنو القصه ليش صوتجن عالي ..مو عيب أكو ولد نايم بالصاله

نهى .... اوووووووف ...اوووووف
عفتهم وطبيت للغرفه

ريم .... تصبح على خير بابا

اكرم ...ريمه حظري نفسج باباتي ..باجر نطلع ... للسفاره حتى نبدي بأجراءات العقد

ريم ... إن شاء الله...صعدت للغرفه وقلبي بعد يرجف بسبب مصعب .. دكيت عليه

مصعب ... ها جبانه

ريم ... بربك أرتاحيت ...من سمعت تحقيق ماما وياي

مصعب ... إني رجال فقير وإنتي أجيتي تحارشتي بيه

ريم .... أووف منك

مصعب ..... سدي لأن صوت باب غرفة أبوج نفتح خاف أمج تصعد يمكم ... لأن صارت كونه بينها وبين أبوج

ريم .... يااااا لعد سده بسرعه

كيان .... همسه حبيبتي .. رتبتي أمورج ... أكو شئ نقص.. بعد

همسه .... لا بس توصل البدلات ... نحدد موعد العرس

كيان .... تدرين شكد منتظر هذا اليوم .. حتى اخذج بحظني ... وارتاح

همسه .... ليش هو إني بعيده عن حظنك بس انته ما أعرف شبيك ...

كيان ...هههههه شبيه مثلا

همسه .... يعني كتلت نفسك حتى نتزوج قبل التخرج ...ولا يوم فكرت تحظني لو ....

كيان ... لو شنو

همسه ... يعني إني أسمع المخطوبين يطلعون ويتونسون ... ويعني

كيان .... حقج حبيبتي ...بس إنتي تعرفين وضعي شلون صار مثل المعركه.... دوام بالكليه ..وبالشركه ... غير طلعتي للمحافظات لخاطر الشغل .... وتعرفين..إني سويت كل هذا لخاطرج ...حتى أليق بيج وبمستواج ...وإذا على الحظن والبوس والله راح أخليج تملين

همسه .... عمري ما أمل منك كيان ...تدري رغم كل هاي الفتره ..بس بعدني أحس أكو هواي امور ما مكتشفتها بيك  لحد هاي اللحظه

كيان .... إني كتاب مفتوح همسه أبد لتعبين بالتفكير ...والأيام راح تثبت هذا الشئ

همسه .... إن شاء الله

شروق ... بدت الأيام تمر عليه وإني ..ببيت كريم ..
يوم أحلى من يوم ... كريم يحبني ويحاول بكل طريقه يسعدني .... وعرب تعلق بيه وهذا اكثر شئ فرحني ..وأم كريم تحبني وتحترمني وما يوم سمعتني حجايه تغثني ..حتى شغل البيت مو متعب ..لان عدهم هاي المره تساعدني بي