مساء الخير لكل متابعين ..... قلوب مهاجره
🍀
🍀
🍀
🍀
شروق .... بقيت كاعده بمكاني أخاف أتحرك
من شفت الدم .. نزل مني
مصعب .... اليوم موعد سفر بيت اكرم
.....كعدت الصبح ورحت وكفت قريب على بيتهم .... حتى أشوفها آخر مره قبل متسافر .... بقيت واكف أباوع عليهم من بعيد من طلعوا لحد ما حملو جنطهم ...وصعدوا بالسياره ..... اباوع عليها جانت تلوب ... حسيت عيونها تدور على أحد ..... بقيت محتار منو الشخص إلي تريد تشوفه ريم ....معقوله تحب واحد ومنتظره يجي وتشوفه ....بقيت ...اراقبها لحد ما صعد أكرم بالسياره..... وشغل .... مشوا مسافه ...وكفت السياره ...باوعت ريم نزلت .....ورجعت للبيت ...وتفاجئت من تقربت من المكان الي إني واكف بي ...وحاجتني وهي تمشي ... مصعب أريد أحجي وياك .... تعال وراي ...رجعت باوعت على السياره ... ما شفتها واكفه .... مشيت بسرعه ...وراها وأبد ما فكرت بأي شئ غير ... شوفتها ...وصلت لكيتها منتظرتني بالكراج
بقيت واكف ما أعرف شحجي وياها
ريم ...مصعب ...همزين أجيت حتى اشوفك قبل ما أسافر
مصعب ...ريم ليش رجعتي ...
ريم .... من مشت السياره شفتك ... ومكدرت أروح بدون ما اودعك
مصعب ...وأبوج شلون قبل ترجعين
ريم .... كتله نسيت جنطتي بالكراج .... ورجعت وبعدين اطلع على الشارع ..انتظرهم ... لأن بابا راح ينطي المفتاح لأبوك
مصعب ... يعني
ريم ... مصعب يعني أريدك تعرف شئ واحد إني ما اكرهك ...بالعكس أحبك .... وهذا الشئ حسيت بي متأخر من رحت من أيدي وصرت لغيري
مصعب ....ريم أني ابد ما رحت من أيدج بعدني ملكج وأريدج ....
ريم ... مصعب هذا الحجي بعد ما منه فايده ...وراح بوكته ..... و هسه لازم أروح خاف بابا رجع وينتظرني على الشارع
عفته وطلعت ... سحبني
مصعب .... سحبتها ... أوكفي ريم ... ليش رجعتي ... وليش كلتي هذا الحجي ...شتريدين مني
ريم ... مصعب شبيك ..كتلك حبيت اودعك وبس
مصعب ... لج ليش تودعيني ...مو إني ما اكدر افاركج شلون تريدين تهاجرين وتعوفيني
ريم ....حسيت أيدي راح تنشلع من مكانها ....بكد قوة لزمته .....فدوه مصعب هد أيدي أريد أروح ...
مصعب ....سحبتها لحظني ...وشبكتها واخذت شفايفها بشفايفي مثل العطشان ..ويريد يرتوي ... وخايف يضل عطشان ... بعد ميحصل على شئ يروي
ريم ...سحبني مصعب ..وشبكني وباسني ...وإني ما سحبت نفسي عفت روحي إله ... حسيت هذا حقه بيه ... حق حبه والعذاب إلي عاشه بسببي ... شويه
وسحبت نفسي ....وبسته من خده وطلعت ركض ...... للشارع أنتظر بابا
مصعب ... باوعت عليها أختفت من بين إديه مثل الحلم ...الحلو من نكعد منه ونتمنى نرجع أنام ...ونكمله كعدت على حيلي وبقيت حاط رأسي بين رجليه ..محتار ...شلون راح أكمل حياتي بدون ما أشوفها ...بعد ...
بقيت على هاي الكعده لحد ما صار المغرب ...طلعت وإني ما أريد ارجع للبيت ...رحت يم ولد صديق يداوم بالكليه ببغداد .... ومن شافني ضايج ..أخذني على الشط وشربنه سوى .... لأن جنه نشرب مرات .... من نختنك على شوفة اهلنا
رجعت للبيت ...وفرحت من لكيتهم كلهم نايمين ..صعدت على كيفي وتفاجئت بشروق فتحت بابا الغرفه ..وسندتني لحد ما .. طبيت وياها للغرفه وبقت تلح عليه حتى أفوت أسبح ... دفعتها حتى تعوفني انام ...شفتها وكعت بالكاع ..عفتها ....و مددت على الفراش بهدومي ونمت وبعد ما ادري بالدنيا ....
أنت تقرأ
قلوب مهاجره
Romanceكل انسان يتحمل نتيجة اخطاءه هذا ما ينص عليه قانون الحق لكن..... في قصتي ..... زوجه تتحمل نتيجة اخطاء زوجها... وشاب نشأ في مجتمع ظالم ....جعله يتحمل أخطاء والده المجتمع لوالدته......وفتاة تتحمل اخطاء والدتها 🌹🌹🌹
