قلوب مهاجره

البارت السادس

🍀
🍀
🍀
🍀
ميعاد .....شتسوي بالحبل لعد
أباوع على رعد ....ملامحه ما تتفسر ...ما أكدر أحزر شنو ناوي عليه ...ركضت للباب ...لكيته مقفول....وما حسيت إله سحلني من شعري وشمرني بالكاع وداس على رأسي برجله

رعد ..... شوفي ....أني تعبان حيل ....وأي حركه غبيه منج تخليني أفرغ تعبي بيج وأخلص عليج بأسرع وقت

ميعاد .... رعد إذا تريد تقتلتي شمنتظر أقتلني خل أرتاح

رعد ....ههههه ترتاحين من شنو بله سولفيلي من خيانتج ...لو من الكذبه الي عيشتيني بيها ..لو من العار الي راح يخلي راس أهلج بالطين

ميعاد .... منك ...ومن سعد ...ومن أهلي..ومن كل شئ بالدنيا

رعد ...نومتها على وجها ..وكعدت على ظهرها وسحبت أديها ليوره وشديتهن

ميعاد....شوف رعد تريد تربطني وتوديني لأهلي حتى يقتلوني ... ليش شبيك متكدر إنت تسويها
أحجي ..ويا وهو ميجاوبني ومستمر يربط ايدي ونزل يربط رجليه ...وسحلني وشدني بالجربايه

رعد ...شتتوقعين أقتلج وأخليج ترتاحين ...بهاي السهوله

ميعاد ....لعد شتريد مني جبان شتريد

رعد ....ضربتها ب👊👊على وجها وخليت الدم يترسه...منو الجبان ....

ميعاد ...أنت لو ما جبان ماصدكت نفسك طبت بهاي السرعه .....هههههه ونوب خلفت نفس الشهر
لك لو بيك خير جان كشفتنه بيوم تحليل حملي بنور إلي صار بعد ما شربت المقويات ب٣ أيام

رعد ..... جنت ناوي أبقى رابطها بالغرفه ..وأطلع أدور على سعد حتى أحركهم سوى وأخلص منهم ...بس حجيها ...شعل نار بقلبي
تدرين كلامج كله صحيح ...وإني مو بس جبان ....لا وغبي ....لأن وثقت بوحده مثلج

ميعاد ....وحده مثلي ..ليش عيني أخوك نبي ...وهي .....كل المصايب من عنده

رعد ....طلعت من يمها .... وجبت ..برميل النفط ...وفرغته على رأسها

ميعاد ....لك رعد لا فدوه لعينك ...أقتلني ...وديني لأهلي بس لاتحركني رعد ... الله يخليك

رعد ..... هههههه المن الله يخليني للعار إلي عيشتيني بي كل هاي السنين ... وأنتي تكومين من حظني ..وتنامين بحظن أخويه

ميعاد ....لك رعد فدوه أصير خدامه لجهالك ...بس لتحركني ...والله الباب بعد ما أوصله

رعد ..... جهالي .....هاي الكلمه بعد لتعيديها يا سافله ...إنتي أكثر وحده بالدنيا تعرف ذوله مو جهالي ..

ميعاد ....إذا تعرفهم موجهالك ليش خليت أمك تأخذهم .... جان حركتهم وياي وخلصت منهم

رعد .....ما عدهم ذنب ...غير بس أمهم وحده سافله وراح أخلصهم منها
....شعلت النار بالمخده ..وحطيتها يمها بالكاع ....ووكفت بالباب ...أنتظر النار تأكل البيت كله ....وبعد ما شبت النار شغلت سيارتي ومشيت
وإني بالطريق ...أتصلوا الجيران ......كالوا بيتكم أحترك ....وخاف أحد موجود جوى ...حتى نحاول نطلعه
كتلهم ....أحنه طالعين ...والبيت فارغ ومحد بي أتصلو بالاطفاء بين ما أرجع ....لان أحنه بغير محافظه
ووصلت لبيت أمي بس ...ما أدري شنو شعوري فرحان ...لو مقهور
....لو خايف