قلوب مهاجره

بارت الوداع

مساء الخير أحبتي

🍀🍀
🍀
🍀

شروق .... خابرت على أمل ....حتى أبشرها بحملي
ردت عليه أمل...ومن عرفت بالخبر.......كامت تهلهل
يااا أمل ولج عليمن الهلاهل

امل ...حتى يسمعون عمتي ومصعب ويحترك دمهم

شروق .... وشلون راح يسمعون

امل ..ولج اني عدهم مو هذا أكرم يمكن ميت بتركيا ...والناس كلها ملتمه ببيت عمتي وإني اجيت يمها

شروق ...يا خطيه

امل ..ولج عليمن خطيه عساهم بعد وبعد لعد حوبتج وين تروح

شروق ....فدوه أمل أنسي هذا الموضوع وبعد ما أريدج تجيبين طاري مصعب كدامي أبد ...تره هذا الموضوع كام يزعج كريم ...وإني عندي كريم وأهله
...يسون الدنيا كلها

أمل ...أي عيني الله يحرسهم ويحفظهم ألج...يله روحي لكريم عيني وخليني أشوف شنو السالفه ...وهاي أمي هم إجت راح أبشرها بطريقي

شروق ....أي فدوه هواي تسلميلي على أمي

أمل ...يوصل ..مع السلامه

شروق ...مع السلامه..سديت الموبايل وما حسيت غير على كريم ...

كريم ...شروق كولي البشاره إلي سمعتها صدك

شروق ...التفت عليه وحظنته ...مبروك حبيبي راح يجي أخ لعرب

كريم ...أريدها أخت حنينه وحلوه ومؤدبه مثلج...

شروق .... إن شاء الله....سحبني ويا للغرفه ...وبقى يبوس بيه وبطني ... لحد ما أخذني بحظنه ..... تدرين هاي الملعونه راح تحرمني منج هواي

شروق ..... هههه من هسه قررت هي ملعونه مو ملعون

كريم ... صدكي أمنيتي تجي بنيه

شروق ....حظنت كريم ...والله حبيبي ماكو شئ يحرمني منك ..ولا يحرمك مني غير الموت ..

كريم .......واني اموت عليج .سحبتها بحظني ...وعشت وياها يوم من أيامنا الحلوه

ريم .... رجعت وي أمي...وصار شهر مصعب ما فكر يسأل عليه ولا مره .... بقيت ألوم بنفسي ...وأمي تلوم بيه
وتكول هاي حوبة رشا ......وبهاي الفتره كلها بابا أتصل بينه بس مرتين ...وماما كالت ما أريده يعرف مشكلتكم إنتي ومصعب لحد ما يرجع لأن خطيه ما عايز تعب وحرك أعصاب ..وانكطعت اخباره من عدنه صار فتره .... بس أمي ما بلغت أحد بهذا الشئ بسبب خلافنا وي بيت أبو مهدي ..... واليوم الصبح اتصل بينه واحد وكال إني صديق اكرم ...وأكرم مصوب بالمستشفى

نهى ...من أتصل بيه صديق أكرم ما عرفت وين أنطي وجهي .... بقينه يومين إني والبنات ندك ونلطم وحدنا منعرف شلون نتصرف

علا ....يمه شنو راح نبقى ندك ونلطم وحدنا ...فدوه روحي بلغي بيت أبو مهدي حتى نعرف شلون نوصل لبابا