مساء ....جميل لا يحلو إلا بوجودكم معي متابعيني الأعزاء
🍀
🍀
🍀
🍀
مصعب .... من سمعت إسم شروق.... ما أدري شصار بيه .... ليش نغثيت هيج ... وأني عفتها ورفضتها بكل جوارحي ... ليش هاي ..الثوره الي هاجت بداخلي من سمعت هذا يكول أسمها
كريم ...العفو أخي وين صفنت .... وما جاوبتني على سؤالي
مصعب .... هاااا راح أوصفلك البيت وأنته تروح وحدك
كريم ....أشكرك
مصعب ..... وصفتله بيت خالي ورجعت للبيت ...وبداخلي رغبه... تكلي روح قبله وامنعه .... حتى ما يتزوجها ....وصوت قلبي يذكرني ..بريم إلي يوميه تتصل بيه ... وتريد تعرف شوكت أروح ...عليها وأخذها ...
طبيت للبيت حسيته يريد يأكلني .... أخذت السياره وطلعت .... كعدت على الشط ... حتى انسى كل شئ يربطني بشروق ... أنوب الشط ذكرني بيوم كعدت شربت هنا ...ورجعت للبيت ...ضربتها ..وخليتها ... توكع طفلها ... أوووف معقوله إني ظالم شروق كل هذا الظلم ... وما حاس على روحي ...خفت أشرب واتصرف تصرف أندم عليه ...
رجعت للبيت ...بدلت ملابسي ..
ونزلت
ام مهدي...ها يمه توك طبيت وين رايح
مصعب ... طلعتلي شغله ببغداد راح أروح افضها وارجع بعد كم يوم
ام مهدي...ولك يمه عوف شغلات بغداد وهود ...وأرجع طيع أمر أبوك ...شو جني أشوفك موش مصعب أبني السبع إلي ربيته أحسن تربيه
مصعب ...يمه والله شغله ضروريه أكملها وارجع
ام مهدي...روح يمه الله وياك بس موش تبطي علينه
مصعب ..ان شاء الله..... اخذت سيارتي وطلعت لبغداد ....وهاي أول مره أروح ... بسيارتي .... لأن الوالد يخاف عليه من الطريق .....ودائما يمنعني .. وصلت وكت الغروب ...طلعت كبل اشتريت شرب ..ورجعت للشقه وكعدت اشرب ...وأشرب حتى أنسى ... هذا الي إجى يسأل على شروق ويريد يأخذها مني .... بقيت أفكر هسه راح عليهم ...... طلب أديها ....
زين إني شبيه مشتاقلها ...وهي مشتاقتلي لو لا .. إني عفتها وهي تحبني ...بس ما أدري بعدها تحبني لو كرهتني بعد ألي سويته بيها ...وهسه راح توافق على هذا ...بقيت افكر وافكر ... وتعبني التفكير طلعت جهازي ودكيت عليها حتى اعرف أجوبه كل هاي الأسئله منها
شروق ..... من طلعت.... من المستشفى لليوم أمي وأمل ميقبلون أشتغل .... يخافون على عمليتي .... واليوم كاعده بالحديقه وشفت سياره وكفت قريب على بابنا ... لبست حجابي بسرعه ..ووكفت على حيلي ... باوعت .... عززززه هذا الدكتور كريم
طبيت ركض للبيت
أمل .... هااا ولج شبيج ..ليش تركضين هيج
شروق ...أمل وين أبويه
ام أمل.... شمالج ولج خايبه صاير شئ .... شتريدين من أبوج
شروق .... يمه ..تذكرين الدكتور...إلي بالمستشفى
أنت تقرأ
قلوب مهاجره
Storie d'amoreكل انسان يتحمل نتيجة اخطاءه هذا ما ينص عليه قانون الحق لكن..... في قصتي ..... زوجه تتحمل نتيجة اخطاء زوجها... وشاب نشأ في مجتمع ظالم ....جعله يتحمل أخطاء والده المجتمع لوالدته......وفتاة تتحمل اخطاء والدتها 🌹🌹🌹
