قلوب مهاجره

البارت الثاني

السلام عليكم أحبتي 🍀
🍀
🍀
🍀
🍀
🍀
🍀
حنان ....صار

سعد .... اتمنى تسمعين كلامي بدون أي اعتراض لأن بعدج متعرفين شئ عن طبيعة هذا البيت

حنان .... أخوك رعد وين

سعد ....رعد يشتغل بمكتب سياحه ..... وأكثر الوقت مسافر

حنان ....هاااا وما عدهم بس نور

سعد ....أي ....صارت عدهم بعد خمس سنوات زواج

حنان ....الحمد لله يا رب يرزقهم بعد

سعد .... أن شاء الله

ام عدنان ..... نهى .. كولي لأكرم يوصلنه لبيت سعد أريد أروح اشوف حنان اليوم راجعه لبيتها

نهى ....أن شاء لله...صدك خاله أم سعد عايشه وياهم

الأم......أي ..وحتى أخو رعد وزوجته وياهم

نهى ....لعد شلون عدنان يكول عنده بيت ملك

الأم .....إي يمه هو بيته ...بس أمه وأخو كاعدين عنده

نهى ....هااااا

حنان...... بقيت بغرفتي وما نزلت لحد وقت الغده ...وسعد هم بقى يمي ...بس أبد ما حاول يتقرب عليه ...وبقه اكثر.....وقته يتراسل بموبايله
شنو سعد ويامن تكتب كل هذا الوقت

سعد ....وي السكرتير ...تعرفين ميدبرون شئ اذا مو صاحب الحلال فوك رأسهم ( طبعا إني الوقت كله اتراسل وي ميعاد إلي ما فكت مني ياخه ...تريد ننزل من الغرفه ونكعد وياهم ...بس إني مقبلت ...لأن حنان تعبانه من ضرب الليل ...لهذا حبيت اخليها ترتاح وحتى ما حاولت اتقرب عليها )

سعد .... بدلي ملابسج حتى نطلع نتغده بره

حنان ....مو خاف عيب أول يوم النه ...خل نتغده وياهم

سعد ....إني شكتلج ...لتعترضين على كلامي أبد

حنان ....أسفه ...راح أتحضر
بدلت ملابسي ونزلت ...وأسمع صوت أمي وزوجت أكرم بالصاله .....ركضت على أمي وشبكتها ....ومن حصرت قلبي بجيت بحظنها

الأم ....حبيبتي عليمن البجي الزواج ستر ورحمه من رب العالمين .....والحمد لله بشرتي بخير ..والله يسعدج أن شاء لله

ميعاد ....عليمن البجي حبيبه هو سعد ينمل منه ... راح تعاشري وشوفي طبعه شلون حلو

حنان ....إن شاء الله أكدر أسعده

سعد .....إن شاء الله بس أسمعني كلامي تصيرين تاج رأسي

الأم ....يمه شو جنكم طالعين

سعد .... لا مازال أجيتوا راح نأجل طلعتنه

الأم ....لا يمه أحنه ما مطولين بس حبيت اطمئن على حنان ... وحتى أكرم ينتظرنا بالباب

سعد ....لا خاله هاي ما مقبوله شلون يبقه واكف بالشارع

نهى ....والله اكرم عنده موعد مهم بس خالتي ظل بالها يم حنان ...وحبينه نطمئن عليها وإن شاء لله نجي غير وكت