مساء الخير ...متابعيني
🍀
🍀
🍀
🍀
🍀
حنان .....والله أكرم إنت كاعد تظلمني مره ثانيه ..إني ما إلي أي ذنب بكل إلي صار ...حكمتوا عليه ظلم ...لأن تخافون من حجي الناس وعمركم ما خفتوا ولا فكرتوا بمشاعري .....ليش أكرم أني أختكم ..وما عندي غيركم بالدنيا ....وأمي مره جبيره ...شلون أكدر ..
أبهذلها بسببي
أكرم .....إنتي لو تخافين على أمج جان حملتي زوجج .... وما سويتي هاي الفضايح ....واليوم تريدين تروحين تعازين بأمه ...وإنتي سبب الخراب إلي صار ...ودمرنه ...ودمرهم
حنان .... ما أعرف شجاوبك .....
أكرم جاوبيني بشئ واحد ...شوكت تفرغون البيت
حنان ....عفت أكرم ....وطلعت ...وما أدري شلون ..أفاتح أمي بالموضوع ...وخفت هي هم تصير ضدي لأن متعرف أني عندي تواصل بعائلة سعد
وصلت للبيت ..ولكيت أمي تصلي
ضليت محتاره شلون أحجي ....وياها
الأم...... يمه حنان أن شاء باجر نروح للبيتنه حتى نطلع المؤجر منه
حنان ....هاااا يمه شنو قصدج
الأم ..... من رحتي لبيت أكرم دزيت كيان عليج ...وهو سامع حجي خاله ...وأجه وسولفلي ....
شوفي يمه إني أبقى وياج على الحلوه ...والمره ...ومن بعد حجي أكرم هذا ...خلي كيان يتقرب لعمه وأخوته ...حتى من أموت تلكين ...مكان تروحيله إنتي وأبنج
حنان ....يمه ...أسم الله عليج من عمري على عمرج
الأم ....حبيبتي ....الدنيا متدوم لواحد .....والعمر بيد الله ...وإنتي حملج ثقيل ...و أخوتج ...مو ظهر تكدرين تسندين روحج عليه
حنان ...شبكت أمي الله يخليج إلي حبيبتي
وبعد شهرين ...طلعنه من المشتمل ..ورجعنه لبيت أبويه ....طبعا صار سنين ....مفاركين هاي المنطقه ...بس كل هاي السنين مو كفيله ...تنسي الناس فضيحتي إلي ...سوتها ميعاد بالشارع
شفت بعض الوجوه جديده بالمنطقه ...بعضها محب وفرح برجعتنه ...وبعضها وجوه قديمه ...وسالفتي بعدها بذاكرتهم ..ورجعت من رجعنه لبيتنه ....يعني بالمختصر ...رجعت السالفه القديمه تجددت بين الناس ...وهذا الشئ ...تعبني حيل ....وخفت أبني يسمع الحجي وميفهم ....هذا الشئ كله كذب وافتراء .....
حنان ....يمه فدوه ...خل نعوف هاي المنطقه ..ونطلع منها
الأم ..ليش يمه
حنان ....يمه صعبه عليه أمشي بشوارعها وأكو عيون تباوعلي بحقاره
الأم .... والله اكص لسان كلمن يجيب طاريج بكلمه
حنان ...اوووف يمه الى متى نبقى ندافع عن حقنا ...ومحد يعينه ويصدكنه ...وهاي شوفت عينج أكرم ..صار خمس أشهر ما واصل لبيتنه ....وحتى نهى ..مانعها تتصل بينه
الام ....وهسه رأيج شنو
حنان ...يمه نرجع نأجر بيتنه ..ونروح لغير منطقه محد يعرفنا بيها بلكي ربج يرحمنا من ظلم الناس
أنت تقرأ
قلوب مهاجره
Romanceكل انسان يتحمل نتيجة اخطاءه هذا ما ينص عليه قانون الحق لكن..... في قصتي ..... زوجه تتحمل نتيجة اخطاء زوجها... وشاب نشأ في مجتمع ظالم ....جعله يتحمل أخطاء والده المجتمع لوالدته......وفتاة تتحمل اخطاء والدتها 🌹🌹🌹
